小朋友之前PN讀Think,K1轉到Cpskg 因為我們係懶家長，所以都係target少功課，唔駛家長花時間，最好有小學又有中學backup o既學校 由於Think上年轉左讀小學要先交20萬 ，所以轉到Cpskg 兩間都係好學校，小朋友返學亦開心，老師亦有愛心 感覺上兩間頗不同，可根據小朋友喜好選擇。 So far 有以下感覺。 整體感覺 Think: 可能因為小型同學校外觀，雖然集團式經營，但好family feel，感覺溫馨 Cpskg: 好有系統，校長好有要求，好學校，連老師都要著制服，過時過節佈置超靚，好多家長都讃，亦睇得出老師學校真係好有心機，好想小朋友開心，但係唔知點解我比較懷念Think0個種屋企手作仔0既佈置，覺得太刻意討好小朋友，反而想簡樸d 大小班 Think: 小班教學，我地真係比較喜歡，小朋友基本上識晒其他同學仔 Cpskg: 實在太多小朋友，我小朋友一開始十分十分唔習慣，唔開心，直到依家佢都未認得晒d同學仔，什至見倒都唔知係同學。從學校相片感覺，小朋友參與度比較低，因為太多人，輪流做一件事都有排，d相都成日一堆人咁。曾經有因為呢樣野想轉返去Think，但又自我安慰，要俾小朋友習慣大班，因為小學都會係咁，又小朋友可以學習同唔同性格小朋友相處。 校園 Think: 比起Cpskg少遊樂設施，主要只有一組大0既sir滑梯，兩間小屋，10幾架車仔，因為少野，跑動空間比較大。另好鐘意每日返學0既頭15分鐘，一路等齊小朋友返學，一路做morning dance Cpskg:
戶外空間同Think差不多，但好多一組組小屋同小sir滑梯，佈滿晒咁，所以冇咩跑動空間，不過聽小朋友講老師好似平時都唔俾佢地0係0個樹跑跳。感覺上我小朋友比較喜歡Cpskg戶外空間，成日話同同學0係d屋仔玩扮餐廳 語言 Think: 有兩文三語，雖然英文老師真係超hae同唔掂，但係唔知點解我小朋友超鍾意佢，上堂勁同佢講野，可能因為人少，我小朋友成日同個英文老師傾計，個英文老師話有時因為要上堂，要stop我小朋友繼續，英文進步得好快，亦好有興趣同鍾意講。但係其實Think 0既理念係小朋友頭一兩年應主力講好母語先架。 Cpskg: 當日因為見Cpskg同時重視兩文同三語，所以選左佢，因為小朋友多數怕中文，我好希望我小朋友會同時鍾意中文。我小朋友都好鍾意個英文老師，個英文老師似乎亦比較有愛心，但我小朋友英文冇進步，仲好似退步左，可能因為冇機會講，我小朋友都話佢冇0係think咁同老師傾計。另一方面普通話就進步神速，有時無端端0係屋企講，感覺佢地教普通話幾有方法。 課室 Think: 細好多，可能少人? 入面唔多玩具，應該似一般幼稚園? Cpskg: 超多超多超多玩具，每日返到學校等上堂0既時候就係自己攞玩具玩住等，但係其實我個人唔主張太多現成玩具，仲要係咁靚0既，我希望小朋友會自己諗一d野玩，但係學校覺得咁會刺激佢地學習 茶點 Think:咩都有，有包有餅有生果，生日會薯片都有，菜蜜維他奶都聽過有 Cpskg:日日聖安娜包，試過有朱古力蛋糕，有家長反映過可唔可以唔係聖安娜包(有去過聖安娜睇下佢地d成份都會明)食生果得唔得，學校話因為冇pantry處理唔倒，同埋睇得出學校好小心食物敏感問題，如果0個日茶點比平時唔同，會要家長簽通告同意小朋友食，係應該小心的。我小朋友話有同學唔食學校茶點，自己帶，我小朋友就緊係唔肯啦，街包又芝士又火煺，佢食得滋好味 功課 Think N冇功課，Think老師話Cpskg好少功課，佢地多好多，見倒K1 0既功課亦比較深 Cpskg:一﹑三﹑五有工作紙，小朋友好鍾意做，好期待有功課，亦唔難做 俾我再選，大家都感覺倒我可能會選Think，始終想小班較學，想小朋友有多d機會參與。但係兩間都係好學校，小朋友都開心，睇個人需要啦~ 
| 
發表於 19-1-15 12:21
直至昨日早上，網上終於有通訊可以下載。通訊上並無寫活動時間，因為學校打算之後先公布。