- 在線時間
- 532 小時
- 最後登錄
- 24-3-17
- 國民生產力
- 120
- 附加生產力
- 1231
- 貢獻生產力
- 0
- 註冊時間
- 70-1-1
- 閱讀權限
- 10
- 帖子
- 1950
- 主題
- 30
- 精華
- 0
- 積分
- 3301
- UID
- 329
 
|
本帖最後由 彥彥媽咪 於 17-7-13 10:09 編輯
bb130505 發表於 17-7-12 13:07 
到現在，除了兩次考試，還沒有其他電郵，所以想知道校服和書是幾時買的
...
首先, 以我在 KIS 既經驗先講講:
1) 對佢地既行政唔好有太大期望, 要有忍耐, 哈哈...若你以讀開 LS 學校校務處標準去睇, 你會激死 (例子: 上個月有次佢 office 無那那打來話我仔遲到缺席 (因上課後就點名, 遲到點唔到名要去 office 自己點返), 咁我奇怪, 明明佢日日好早出門架嘛, 點會遲? 我地行路返學既, 等我仲打電話回家哦個工人, 話你整乜遲左出門口, 工人死口話無...奇怪, 再打去學校問點遲法, 同一個人聽電話, 佢一頭霧水, 仲唔認有打過比我呀 (因我話我係XXX 個媽咪), 再問一輪, 佢"呀" 一聲...先話打錯左比我! 下? 咁都得? 打錯都算, 佢無諗過要話返我知既? 你話係咪超騎呢丫?  mouth:" />>
2) 所以, 又或者咁講, 佢地除左要訓練學生既主動性外, 亦要訓練埋家長, 所以 so far 我咁耐以來數得出佢地出過幾多張 MEMO (LS 就差不多隔日都有一張架嘛)
3) 上年換左新校長 Mr Chadwick 就好D, 佢會出多一兩張 email (佢秘書記Jenny 發), 再以前位於女校長更少
4) 你比另一家長好架喇...我禽日同佢傾 (因我 6 月底時收到學校既一D資料就想溫馨提示佢), 但原來佢收唔到我們 whatsapp, 好在佢識再來問我, 先知..佢仔新學年 G7 (同我仔一樣) 連留位費都未交過添呀...仲騎呢...咁我就教佢...你要主動, general office 好處又在於你問佢就答, 你唔問佢又唔會特別理你咁囉
5) 咁我提佢今日打去問, (住得近既直情走去問添啦), 咁學校就答左佢話 accounts 既 cashier 呢個星期放假, 下星期就會回來, 就寄出相關文件咁話...see? 對住佢地係咁架, 你急佢唔急, 唔明就打去問咁就得架喇.
對第一年入來 KIS 既家長我有以下溫馨提示:
6) 將來你想知乜, 想問老師既, send email 問, 老師都會快覆的, 多數在上堂前或下課後, office 既野 email Jenny, 佢會覆, 再唔係打去 office
7) 每年學校在6月尾完, 都會有EMAIL 比家長提點一D 重要事項, 當中講校服....校服本身在學校有間 shop, 但暑假期間會關門 (當日我就係想提另一家長唔想到九龍買就要 7 月4日前到校買, 可惜佢 miss 左此 message), 但唔緊要, 可在任何時候到校服店買, 在佐敦吳松街個頭, 日日都開, 但缺點係, 因為佢賣埋其他唔同學校既校服, 因此超多人, 你最好揀閒日及早上, 趁人少去, 千萬不要星期六日去, 我試過, 排隊排到落地下(佢在1 樓定2 樓), 熱死人.....自此我都寧去返學校買, 學校間店會在8月22日重開 (上學日係會每日開的, 某時段咁), 咁你唔急既話可等到個日先去, 第一個上學日係8月24, 放心, 碼數都齊的.
8) 書: 呢樣野要留意, 學校係唔會有MEMO 叫你去買書, 係每年自己上佢網揾, 樓上個位媽咪已 post 左 Swindon 個 link 出來, 你亦可在 KIS International Section 既 textbook 樹找到, 每年7月初就會更新, 有新一年度既書, 你就自己對號入座去訂, 由於所有書香港不會有存貨, 係家長訂, 書店先到外國訂回來, 因此要等, 亦因此今年 deadline 係7月15日, 在此日期前訂就會保証在開學前會有書, 書店一有書到你就會收到 email, 唔一定一批到, 係一到一本就會有 update email, 咁你咪等到所有書到到哂先一次過出去拎囉。若過左既話佢就不能保証會在開學日前有齊
9) 但由於明年學校行小組既形式, 即係若有兩班 G8, 當中都會按同學不同水平分成小組上不同既科, 大致分為3 組, 1 係算水平最高, 2 就 next , 有3 組, 書單上面你會見到英文有分1,2,3 (3 即係ESL, 一般由LS轉來既學生, 不是以英語作母語既多數會先入ESL一排, 合格先出去正規英文班, 即1,2), 另數學又分1, 2 咁..書係唔同, 你唔知就不能亂買.
10) 另一位上面我提到既家長今日打左去問, 但學校話下星期寄通知先會有埋分組 (我地舊生一早知, 在 G6 既 final school report 已有寫), 所以我今早已訂, 佢未知, 就不能訂住, 但我同佢講, 佢可以考慮訂左其他 subject 既先...因除英文數學會有不同用書外, 其他如 social studies, science 係一樣的, 將來知英數再加單都得. 中文書單無, 係上堂後中文老師會同學生講再買的.
11) 仲有一樣, 學校訂餐: 每月食堂會派紙比學生帶回家訂餐, 我印象好似已訂左8 月既餐, 每月食堂會算到上學日數, 咁你返足就比哂錢先 (叫學生拎錢去交, 或大人去交都得, 現金支票都收), 當中若學生因病不能返, 當早通知飯堂, 可保留錢去另一日呀咁, 但好似日數多就唔得架喇。 每日有至少三款食物, 仔話都幾好味架, 中西日韓式都見過。你可打去 canteen 問, 但又唔駛擔心訂唔切無得食, 佢會照比阿仔的, 事後收返。
大致係咁, 希望幫到你, 我知幾多盡量答. 
P.S. KIS 既編制, G7 起已係中學架喇, 所以我仔都係中學生, 低你仔一年, welcome to KIS !
|
|
發表於 17-7-12 09:06
thank you so much