31網放榜如何？ [複製鏈接]

家長心態有時真係好奇怪，如果係自己心水熱門學校，可以乙二或者乙四入到唔係應該更加開心咩? 表示自己間心儀學校無咁大競爭，可以容易d入到，而家反而唔接受，寧願要乙一，個個爭崩頭。

其實我地唔明教局電腦抽獎個程式係點寫，唔一定單單計隨機號碼一樣，可能有一d機制係我地唔知，隨非有兩個家長學校選擇表係完全一樣，而一個乙四入左德信，另一個乙二唔入，又或者一個乙二入左舊油，另一個乙一唔入，否則如果兩個家長學校選擇係唔同一間學校，一個乙二入到另一個乙一反而唔入都並非全無可能，因為甲一，二，三同乙一所填既選擇有可能影響之後所派既學校。

抽獎既程序我當然清楚啦，只不過各位太相信教局個電腦，完全無人質疑過，抽獎過程無公開又無監場，六合彩攪珠都有人監場啦。我只係想講，隨非兩位家長選校申請表上所填既選校志願係完全一樣，否則兩個人有不同選擇，又有不同既隨機編號，當中存在兩個或以上既變數，仲未計家長填寫選校表竟然係用人手填寫而唔係好似考試選擇題咁樣用電腦過機果類既選擇表，家長填完要再交比職員人手入機，人手入錯絕對有可能，家長一直以為自己填乙一係A校，點知有人入機填左B校，咁出黎既結果已經唔同，派位後又唔比人上訴，根本個抽獎程序係不公開，無人知當中是否有人出蠱惑。.

你自己真係完全信晒教育局講既野 ?

你既講法完全正確，但我所質疑既係家長填完選校表後，職員人手再入機，咁當中是否有機會出錯呢 ? 用以上既家長做例子，家長填乙二係舊油，點知職員入錯乙一，咁家長最後中乙一，但佢可能一直唔知職員入錯，一直以為自己中舊油係乙二，又例如填德信乙四，職員入錯乙一，最後中乙一德信，但個家長就會以為自己中乙四。