默書低分，你子女會唔敢俾你知嗎？

1998Ruby1998

回覆 asweetmom 的帖子

聽過個講座，個講者講笑咁話，講大話系智力、認知嘅表現，代表孩子知道你有啲咩佢係知而你又唔知。所以每次聽到孩子講大話應該開心。
以我呢個有細講大話到大嘅死女包分享一下點解講大話：

講真相即刻俾父母鬧，如果講大話穿煲的話同樣被人罰，但係講大話有機會甩身冇事，既然罰嘅程度一樣，相比之下，我一定講。每次我父母都話「你講真話我唔會罰」但係最後出爾反爾，又係藤條炆豬肉。

同埋有陣個大話有得補鑊，例如打爛樽豉油，可以清理現場，落街買返支一模一樣。我中學因為要留係屋企溫書，溫到悶同肚餓，我會煮公仔麵。阿媽次次返屋企都檢查垃圾桶，所以和會用廚紙包住包裝紙。然後搵日放學買返公仔麵，當冇事發生。

講大話有無坐立不安嘅感覺？又冇喎，有時候講大話到自己都唔記得真相係咩，自己都呃埋。不過講大話要有技巧（自己慢慢領略到），唔可以有太多仔細資訊（一來唔好信，二來除非對自己記憶有信心，否則被人盤問多次找會「黃」），要保持面部表情冷靜，如果唔得就要引導自己喊，掩飾不安情緒。

到中學，講大話食生菜咁，好容易就瞞天過海。不過都因為自己講得多，會觀察到父母同學老師幾時講大話。


不過我個親戚就同阿媽講，因為佢係我講大話同講真相都罰得一樣嚴重，所以我好多時候唔同佢講真話／分享。反而佢從來唔鬧個女，好少罰，所以個女同佢咩都講，糖黐豆。

S-Kwok

1998Ruby1998 發表於 17-10-8 23:24
回覆 asweetmom 的帖子

聽過個講座，個講者講笑咁話，講大話系智力、認知嘅表現，代表孩子知道你有啲咩佢 ...

以我仔做例子，由佢細時開始，我已教佢做錯唔緊要，最緊要肯面對，主動跟爸爸媽媽講，想想今次學識什麼，下次可以點處理，我地從不出爾反爾，講咗唔鬧就唔鬧，這是誠信，所以仔會主動講比我地知自己做錯了什麼，或是在校比人罰都會講。

brother4

1998Ruby1998 發表於 17-10-8 23:24
回覆 asweetmom 的帖子

聽過個講座，個講者講笑咁話，講大話系智力、認知嘅表現，代表孩子知道你有啲咩佢 ...

good

wan_sosin

1998Ruby1998 發表於 17-10-8 23:24
回覆 asweetmom 的帖子

聽過個講座，個講者講笑咁話，講大話系智力、認知嘅表現，代表孩子知道你有啲咩佢 ...

講大話與管教之間，係幾難下定論點樣先係好，都要睇埋小朋友的性格同講嘅大話有幾大同影響到咩事情，做錯家長唔責怪，可以令小朋友咩都同你傾，但亦可以變成縱容!個小朋友識得父母咁樣叫包容體諒就話啫，如果唔識，就會覺得自己錯都無問題，父母都唔會介意。如果個小朋友本質好，個大話好似你咁只係偷下野食咁小事，都還好。
我同我仔講，要同我講真話，原因是如果佢講大話，我就無辦法幫佢，佢都幾多時在學校招惹麻煩，佢講真話，我還可以嘗試同學校傾下點樣處理，佢若呃我，我就無得同學校傾，學校隨時連我講嘅說話都唔會相信，因為會覺得我都幫我仔講大話。
真係做錯咗就算坦白講出嚟肯認罪，都唔等於可以無後果，我都解釋比仔聽，犯咗法，上法庭認罪都唔會唔洗坐監，最多判輕D，錯就點都係錯，自己要承擔都係應該。
當然父母又真係當小朋友肯坦白時，唔好太嚴懲啦，要耐心慢慢教返好，
免得真係太驚呀爸呀媽，第日唔再同父母溝通。

brother4

先講大話不好的，但講真話也冇人信，孩子中文中學考全级尾尾，ＡＬ考得差最後remark入咗本地大學，親戚冇一個相信，問昰否二年制的！每次見面問重覆問题

brother4

孩子講大話自己選擇唔怪责／扮不知，明知佢吾做功課及番學抄同學的。。忍佢—年，终於考全级尾尾，第二年話去圖書館温習去全港最大個果乘地鐡要ｌ小時才到，但學校附近有兩個圖書館，連自己另一半不相孩子，當分不凊是真話定大話，我會選擇相信，结果感恩…對每一個講大話的小朋友用不同方法對付，结果不—様的！

asweetmom

1998Ruby1998 發表於 17-10-8 23:24
回覆 asweetmom 的帖子

聽過個講座，個講者講笑咁話，講大話系智力、認知嘅表現，代表孩子知道你有啲咩佢 ...

你倒坦白
那麼你對別人如何決定要不不要說謊呢？別人該不會打你。

asweetmom

brother4 發表於 17-10-9 01:29
孩子講大話自己選擇唔怪责／扮不知，明知佢吾做功課及番學抄同學的。。忍佢—年，终於考全级尾尾，第二年話 ...

哈哈，我沒見過比你更寬鬆的家長！

asweetmom

IloveJJ 發表於 17-10-8 22:44
我就唔係唔面對呢個問題啦！第一，我細個有對父母講過大話，但而家反而好少講大話，我唔記得幾耐無講了!
...

我想不起自己小時候幾年紀和為甚麼開始說謊，只記得也說了不少就是了。但並不算大事，也沒甚麼嚴重後果，遠不到犯校規/犯法那種程度，我心裏也並不覺得很歉疚。

怎麼你會理解成我因此不教女兒誠實呢？我並不打孩子，說是肯定會說的，就這樣她們還是出了ㄠ蛾子。這件事真是煩人呀！

1998Ruby1998

回覆 asweetmom 的帖子

視乎有沒有需要同個大話有沒有價值/風險高低。例如我清楚知道個老師會抽問，如果我冇溫書，我個大話只會 “有溫書，但系唔太熟”。如果系英文課，我知道個老師點都唔會抽問我，我會唔做“查字典” 功課。又例如我好唔想同一 d 同學一齊食飯，我會話 “XX Society 有會開”（事前要研究個 Society 負責老師星期幾會開會、出外用膳...）又或者同學問我住邊（父母千叮萬囑過我唔可以同人講住邊，驚人地家長白鴿眼睇唔起我成家人），我會答另一個地區，同樣事前要做足研究，附近有咩商舖，到中六畢業果陣，好多朋友都系唔知我住邊。有時候會講大話去利用人地同情心，扮下弱者，話呢樣野我未學過/扮到一臉擔心害怕，通常都會願意幫我。（感覺我有少少 psychopath...）
不過呢 d 大話要事前編織來龍去脈，要每日滲透一點 “提示”，好等我所有行為/說話都合理。通常我都係同父母講大話多，其他人就冇必要，因為好費神。不過有時候又覺得幾好玩，好似將人地思想玩弄於鼓掌之中。（死啦，越講越覺得自己有 d 精神問題... ）

asweetmom

1998Ruby1998 發表於 17-10-9 06:38
回覆 asweetmom 的帖子

視乎有沒有需要同個大話有沒有價值/風險高低。例如我清楚知道個老師會抽問，如果我 ...

你父母怕人看不起你們家，叫你不要說住哪裏，你可以不說呀，這樣也不用說謊。還是不說不了事，反而引起同學的好奇心，更麻煩呢？父母只是叫你別說，沒有教你如何應對嗎？你為了圓父母的面子說謊心中有怨恨嗎？

retriever

shadeslayer 發表於 17-10-8 19:35
咁網友問父母要求100分，你引佢文，第一句就話廢話，跟著舉吸煙例子做乜？
...

我不是用 “吸煙” 做例子，你理解有問題。

1998Ruby1998

回覆 asweetmom 的帖子

唔講的話，班同學反而仲好奇，仲問得多，倒不如一次過編織好一個故事餵飽佢地仲好。
阿媽阿爸從來唔教我點應對，因為佢地覺得呢 d 係 common sense，唔洗用腦都知道點做。

我又冇因為要幫佢地講大話而怨恨嘅，通常都係我講真話之後畀佢地鬧得仲厲害而怨恨，不過我小學開始已經明白點樣轉移視線／話題，例如特登整達番茄醬／奶茶漬落阿爸件西裝，收埋佢地 d 銀包、眼鏡、電話等佢地搵餐飽驚嚇下，整污糟 d 家私然後嫁禍畀我哥。 諗返我真係好惡搞，怪唔得我阿媽要咁嚴明執法。

retriever

1998Ruby1998 發表於 17-10-8 23:24
回覆 asweetmom 的帖子

聽過個講座，個講者講笑咁話，講大話系智力、認知嘅表現，代表孩子知道你有啲咩佢 ...

上幾年國內所謂學歷打假。有位唐先生曾經位居微軟及其他幾間國際大公司高層，亦被揭發學歷做假。潛伏一排，佢出來回應話：如果一個謊言可以呃到全世界，都係一種能力。

跟你提到位講員講既野，有二曲同弓之妙。

retriever

IloveJJ 發表於 17-10-9 07:20
佢理解力不嬲有問題的。

下？！你好直接喎!!

shadeslayer

retriever 發表於 17-10-9 07:08
我不是用 “吸煙” 做例子，你理解有問題。

可能你表達有問題，我唔係唯一一個唔明。

我問多一次:

咁網友問父母要求100分，你引佢文，第一句就話廢話，跟著寫一大段尤伯連納吸煙事跡，唔係作對比，比喻，比較，例子，做乜？  

xxxxxx

無論你原意係乜，你咁做法，就有例子意思。