蒙特梳利教材

elmostoney

我個仔差唔多四歲八個月, 佢係全年最後一日出世, 做K3全班最細又得, 做k2全班最大都得, 不過montessori 係混齡班, 所以佢冇K2 or K3概念.

montessori 得, 但都要睇人, 我個女就學得麻麻地.  正規嘅montessori, 兩歲已用scissors, 針線, 自己做貼工 (塗槳糊), 倒水飲.  我個仔未到四歲已用刨削蘋果皮, 全部都係學校做.  佢本身對地圖情有獨鍾, 未夠三歲我已睇得出, 因為佢去邊都會攞張地圖睇, 不過當時佢太細, 自己都未係好理解, 所以未至於好投入, 呢幾個月明顯大個d, 識字又多d, 所以識睇國家名.

elmostoney

真正的montessori會鼓勵小朋友專注完成"工作", 好似我個仔, 鍾意畫地圖, 一次做個幾鐘, 老師唔會打斷佢, 因為montessori 相信專注力要培養, 如果每件事都限時限刻, 佢未做完就要收起, 等下次先再做, 少左延續性, 咁小朋友會有慣性, 所以佢而家要返常規學校, 我都擔心有d影響.

另外混齡係有原因, 因為大小朋友幫細小朋友, 可以鞏固佢自己所學, 畢竟教得人, 自己要有料, 過程中小朋友會加強信心, 亦學會照顧別人.  細小朋友呢, 通常都鍾意睇大小朋友做物野, 咁佢地會知道第時要做物, 甚至對其他野更有興趣.  好似我個仔, 以前從來唔接紙船, 後來見到有同學摺 (因為係自己選工作), 佢又跟住學摺 (摺紙對專注力, 手眼協調, 小手肌肉都好有用).

所以montessori 最強勁唔係一般人趨之若鶩嘅數學, 係對一個人嘅培養, 所以我個仔從來未返過其他學校, 而家要轉都係無可奈何, 因為佢要返小一 (is)

zorkii

回復 Nath 的帖子

Hello Nath, 麻煩你pm資料給我, 唔該

cammy1113

pls pm me 2 , have interest , thank you

Nath

PM 左比妳地喇

JoJo

版主按: 請勿在版面留下沒有讀取性之文章. e.g. Pls check PM / Pls PM me etc.

如經勸喻後情況仍沒有改善, 此帖會關閉, 敬請注意!

Nath

回復 elmostoney 的帖子

我都好認同妳所講, 培養小朋友正確既學習態度同品德真係最重要, 我地做家長既真係要有耐性去引導小朋友, 亦都要了解佢地既長處同弱點......我都希望妳小朋友升小學後可以繼續保留到咁大既學習興趣同動力呢!

anitacwm

請PM 我教材公司資料！ 謝！

kanicetam

PLS PM to me

elmostoney

我收到郵票遊戲了, 感覺不是一個理解蒙特梭利的工廠生產的, 只是抄, 但抄漏了.

主要是盒子有問題.  遊票遊戲的小方塊有 1, 10, 100, 1000, 所以放這四種的那幾格應該是大一點的, 而放圓塊和小人的應該是小一點的, 因為數量也少, 不明的家長, 上youtube找stamp game一看即明.

我的這個盒子, 在正中間分格, 結果放1, 10, 100和1000 的格都非常擠, 如果你想排列得好一點, 根本沒有可能.  其他質量上, 我覺得ok啦, 只係細節話到比你聽抄得唔好.

elmostoney

問題是, 校長自己是蒙特梭利持牌教師麼?  蒙特梭利講求一絲不拘, 他們的規矩或教具的設計, 都是有更深層的目的, 不是求其functional就算.  其中一樣係培養小朋友sense of order同美感, 我見個compartment 咁迫, 放100, 10 同 1 tiles 根本冇機會比小朋友放得齊整d, 事實上係, 只要少少唔覺意, 個compartment 就會overflow.  

我仲訂左個歐洲 puzzle, 個木框有一角崩左, 唔係影響功能, 係外觀.  蒙特梭利係好講求嚴謹, 因為佢地希望小朋友都持有同樣態度.  做郵票遊戲時, 我個仔會自動攞把間呎去將d排哂出來tiles修返齊整, 佢話係老師教佢.  其實佢求其排左一排出來都冇話唔得架, right?  我覺得呢間monte-kids都functional, 但我會再source下有冇其他選擇.

事乎大家小朋友幾大, 如果得三四歲, 對量未係好明白, 我唔建議玩郵票遊戲先, 因為佢地未必明白 10個 1 tiles= 1 個 10 tiles, 點解會咁? 你叫佢換, 佢咪換囉.   我個仔都玩左珠仔 - 我估冇一年都大半年, 先來到郵票遊戲, 呢個係montessori 嘅步伐, 因為珠仔可以好concrete咁比小朋友數到, 十粒散珠 = 一排十粒.  老師開始會叫佢地攞一個數, 先係百, 然後係千, 最後攞到過萬都有.  當佢地明白左, 次次都攞啱, 就會用珠仔教加減乘除, 有左概念, 先係郵票遊戲.

珠仔數到100以下, 係有另一塊數字板 （我唔記得個名，淨係認得個樣, 好似係 teen board），先做左先會去到過百．

當然每人發展唔同，我唔敢話一定要樣樣跟住做．我唔知外邊傳統學校標準, 但係我個仔對量大小已理解, 早幾日唔知講開物, 18同50, 邊個大d?  我個女本身數麻麻, 六歲, 我地都冇比佢去外邊補習,  佢仲要唸唸有詞數一輪先答到.  我個仔係不加思索, 就話係50.  佢半年前以能數到120, 對佢來講做一般20以內加減數功課都冇問題, 但係我重來冇係外邊補過習, 做呢d workbook都係自己買返來嘅大路貨, 亦唔會做好多題, 一次都係十題左右, 而且佢一點就明, 唔洗我多費唇舌.  佢唔係特別叻, 不過無疑montessori 好 fit 佢, 比左佢一個好好嘅基礎.  

elmostoney

好奇問下, 佢係 AMI 導師, 定係一個叫中國蒙特梭利協會, 因為我知 infinity children攪左個叫CMI定物野 (唔記得), 佢地培訓左好多人. 事關montessori都好多branch.  近年亦有不少人接受短期訓練 (包括我自己), 就可以攞張cert.  但真正的AMi老師, 一係就係外國培訓為主 (香港係冇常規course上, 偶然casa del bambini有出, 但係都係兩三年先一次; YMCA有遙距課程, 但根本唔得), 係中國好似只有杭州, 台灣因為蒙氏較普及, 都有得正式讀.  所有正規AMI老師都係同歐洲個邊總會註冊.

sorry, 我咁問係見過近年蒙特梭利太多人攪, 但真係持正式AMI牌, 有經驗嘅好老師實在太少.  因為montessori老師係好難好難搵, 好多有心人, 都係讀左first degree, 出來做做下野, 某d情況下接觸到montessori, 愛上佢, 先當係個second degree讀．香港嘅正規蒙氏學校，我敢講，我未去參觀過嘅得兩間最多，因為本來就好少．ICMS掛羊頭賣狗肉，其他嘅有ｄ師資唔得，IMS收左我個仔，我交哂錢，最後撻訂都唔入，唔係因為佢唔夠正規，係因為佢擴展太快，師資質素令我有懷疑．所以我聽某學校係montessori就充滿戒心．以前有人介紹過去睇黃大仙某幼稚園，唔係正規montessori，不過老師接受過一ｄ訓練．去睇完，我覺得老師愛心係有，但係唔會行得好嘅montessori．

elmostoney

當你見過一個montessori仔出來，你就會明點解我咁die hard，唔係話學好少少數學咁簡單．所以我講親呢個話題都會有點激動，因為而家太多人只追求學術，結果小朋友有IQ，冇EQ, 我欣賞montessori，係因為佢培養一個人，有好奇心主動求學，願意思考，仲要有獨立能力，唔係物都叫工人阿媽做，識得同人相處之餘唔會事事隨波逐流．

elmostoney

其實我知道台灣有做蒙特梭利tools，不過當時唔想等咁耐，始終係香港訂方便ｄ，我會問下我個朋友，佢個陣時連同幾個媽咪一齊去參觀埋工廠，佢聽到我訂呢套遊票遊戲價錢仲覺得貴，當然如果我係台灣訂，寄到返來香港，可能都係差唔多，不過我問monte kids，佢地話我個歐洲拼圖都係係大陸做，我唔記得問郵票遊戲係邊到做．我會問下我個朋友（我個仔蒙氏同學個媽咪）睇下點樣聯絡同點訂返來，如果得，再post上來跟大家分享．

bb2911

我對蒙教材完全冇認識，依家先開始想了解下！好欣賞你咁認真研究啊！請多分享有關資料. 順带一問那處有蒙材基本概念解釋？bb 19 months 可以用嗎？