一定要學普通話？？

龍井

Yanamami 發表於 15-12-28 15:24
禁番幼稚園都係番去玩啫~只不过同佢玩果个人係講pth, 又唔係要佢坐定定望住黑板抄筆記、背書……玩玩下学 ...

咁細個人仔，就要佢入幼稚園用全普學習，
佢地慢慢就會覺得用普通話先係學習。

呢種風氣變左主流的話，佢地既下一代就真係個個講普通話。

有套係電影中心上既電話，好似叫「十年」，有時間真係去睇睇。

雖然係做戲，但係入面既情境唔係無可能發生架。

Yanamami

龍井 發表於 15-12-28 16:24
咁細個人仔，就要佢入幼稚園用全普學習，
佢地慢慢就會覺得用普通話先係學習。

情况係更複雜，因為唔係入幼稚園用全普，係入英普班，見pth老師用pth, 見鬼妹老師用英文，番屋企再轉台講番广東話……真係辛苦哂~

唔出奇……我有d同学係外国生活，仔女边肯講广東話？識听唔識講~再多—代咪唔識听唔識講~

龍井

Yanamami 發表於 15-12-28 16:34
情况係更複雜，因為唔係入幼稚園用全普，係入英普班，見pth老師用pth, 見鬼妹老師用英文，番屋企再 ...

所以咪話係大問題囉！
可能日後係香港，竟然啲細路唔識講廣東話，只係識普通話。

其實成個大陸入面都係發生梗，自己既家鄉話係老人家先識。

後生就個個講普通話。

wcw0826

原帖由 Yanamami 於 15-12-28 發表
本帖最後由 Yanamami 於 15-12-28 16:38 編輯

😄 其實小朋友能力真係唔可以低估，我見好多小朋友都可以自動波，你用廣東話問佢，佢用廣東話回答，你用普通話問佢，佢用普通話回答，用英文問佢，佢都可以英文回答。其實係香港生活，冇可能唔識講廣東話，唔用學自然識講。好多幼稚園都係廣東話為主，如果唔想小朋友學普通話，可以揀冇咪普通話，而亦廣東話為主的學校就好。好似英文咁，有的學校以英文為主，有的學校係廣東話為主。其實家長如果真係好唔鍾意普通話，係可以完全唔用備自己小朋友學普通話架😄。

貝珠

原帖由 龍井 於 15-12-28 發表
咁不如講，學語言其實對一些人係唔難。打開部電視，聽聽歌就可以了。

所以何必咁辛苦，一早俾幼稚園細路去 ...

要有interactions , 要溝通先可以學得好一種語言，tv , radio 唔work 。上英普班只係其中一個方案，你可以請個pth 老師上門教，又或者課外興趣班。但又會俾人話怪獸家長。總之，咩都有人講，自己知道什麼最適合自己及小朋友

sala222

原帖由 龍井 於 15-12-28 發表
首先，如可以請用繁體字。係香港請盡量不要用簡體字。
聽妳說妳的女兒，真係好犀利。可以精通英、粵、普。
...

可以比個like你嗎？😂😂😂

sala222

原帖由 Yanamami 於 15-12-27 發表
本帖最後由 Yanamami 於 15-12-27 16:58 編輯

你個囡應該係資優，我個囝返咗學成年，完全唔明普通話，我用2句試佢，都呆望我。其實大人都只要2年已經可操流利PTH，點解小朋友要英普？我覺得一星期1堂接觸下已經足夠。

貝珠

原帖由 sala222 於 15-12-28 發表
你個囡應該係資優，我個囝返咗學成年，完全唔明普通話，我用2句試佢，都呆望我。其實大人都只要2年已經可操 ...

想問下你兒子是否上幼兒園才接觸pth ? 有多久？每日pth 時間有多少？

bingstarcorp

原帖由 zmw1031 於 15-12-26 發表
唔明點解咁多家長一定要小朋友間幼稚園要有教煲冬瓜？請教是否有什麼深層用意？我自己就覺得學煲冬瓜毫無用 ...

唔學煲冬瓜以後fighting 唔夠人叻你小朋友就會好似一隻大冬瓜

wcw0826

原帖由 bingstarcorp 於 15-12-28 發表
唔學煲冬瓜以後fighting 唔夠人叻你小朋友就會好似一隻大冬瓜

sala222

原帖由 貝珠 於 15-12-28 發表
想問下你兒子是否上幼兒園才接觸pth ? 有多久？每日pth 時間有多少？

一星期三日，每日20-30分鐘，已經一年。

貝珠

del

貝珠

即係我想講1星期3日，每次20-30 min, 和學劵幼稚園的net 英文堂一樣，don't expect too much

大埔之友

原帖由 貝珠 於 15-12-28 發表
要有interactions , 要溝通先可以學得好一種語言，tv , radio 唔work 。上英普班只係其中一個方案，你可以 ...

你真有心, 我都跳左唔想看唔想回. 我都想講, 我在外國讀書時, 我d 馬來華人同學, 識英文, 國語, 廣東, 馬拉, 海南, 見咩人用咩話. 根本唔存在咩一開口只講普通話個情況. 我非常羨慕. 同樣, 香港都有讀國際學校學生一句廣東話都唔講, 咁係唔係要英文亦唔讀? 馬來華人都可以學到學好廣東話, 你怕廣東話被滅? 想多了. 要排他定博學自己揀, 但唔好害人. 語文本身無問題, 是人有問題. 學不好, 用不好是人的問題, 如能力, 用心, 放時間. 我普通話不好, 工作及私人上一年都用不到十次, 但每次我都慶幸自己能簡單對搭.

ahsiu

小學唔用普通話家長咪唔洗煩羅....

teambuilder

我兩個小朋友分別係純英普和三語兩文環境下上學. 首先一定唔會唔識廣東話, 呢樣野真係諗多左, 如果係會咁就唔會有咁多半唐番. 而且佢地唔怕講普通話和英文, 可以隨時轉台無難度. 上左小學開始學拼音, 因為書本有普通話拼音, 讀書快左好多, 朗朗上口. 不過, 唔覺得中文水平會高左, 但真係讀書會容易D, 因為有拼音.

Coffee33

其實而家唔好話香港，外國，日本都係學普通話，遲下世界語言都係普通話，中國市場大，亞洲台灣星加玻，馬來西亞都講普通話，將來就算工作無關係，識多個外國朋友，識多種語言又有乜問題，你係屋企又會同小朋友講廣東話，咪當係擴闊小朋友視野囉。

龍井

呢幾日係韓國玩，佢地有啲識中文，都對香港客講普通話，
不過我仍會講番廣東話，等佢地知我係Hong Kong.
普通話愈來愈普遍同重要，但係要保住廣東話我覺得更加重要。
所以係幼稚園，我唔會刻意谷佢普通話。亦都唔會揀全普教中既小學。

龍井

bingstarcorp 發表於 15-12-28 23:22
唔學煲冬瓜以後fighting 唔夠人叻你小朋友就會好似一隻大冬瓜

如果要煲冬瓜叻先夠fight 咁唔洗搵香港人做好多工作


好似中文教師，報新聞
全部搵上面既人落黎取代就得