福馬 vd 寶湖舊墟

zanezane

回覆 奥脫福 的帖子

我也不喜普教中，但因48不少人操普通話，所以48多普教中。我的幼稚園有好多小朋友好叻普，因係母語,阿爸未必說普, 但阿媽日對夜對都係普

"大眾" 係有括號的。。。

反而而家我好頭痕, 最近報了普通話班, 等佢普教中唔好咁驚.

zanezane

回覆 little_yolky 的帖子

agree.
寶舊講真入到精英班真係安落哂.
其實市區未必係真係好好景.
只為讀書而搬可能會呻笨.

奥脫福

little_yolky 發表於 15-3-17 17:59

但樓主寶舊20分穩入(據今年以前既業績), 寶舊真係好唔錯, 入得寶舊, 升中都OK, 咁真係無理由捨易取難。 ...

我見樓主有講「如住屋不是問題，可搬屋」，似乎心儀福馬較多，我才有這個
講法。中學網我都係比較喜歡ＫＬ１（男仔）和ＫＬ３（女仔）。

仲有一樣：極端ｄ講，若自行失手福馬，之後退出統一，等下年再自行番寶舊
都仲得。

hkpapa852

zanezane 發表於 15-3-17 14:23
回覆 lauwingtai 的帖子

我在48都feel到d大陸人真係可以好嚴咁push d小朋友學術, 好似體操咁, 點解大陸勁 ...

聽聞有間小學其中一項課外活動係「廣東話」班

zanezane

回覆 hkpapa852 的帖子

真係好害怕.....
唯有俾小朋友早d學少少打下底.

奥脫福

hkpapa852  只怕佢係另一間新華德  發表於 26 分鐘前

唔係卦。。。我仲諗住同阿仔試下考插班添。。。  

ZoeZita

原帖由 奥脫福 於 15-03-17 發表
我見樓主有講「如住屋不是問題，可搬屋」，似乎心儀福馬較多，我才有這個
講法。中學網我都係比較喜歡Ｋ ...

其實我對福馬認識唔多, 只知係34網大熱, 住34網既朋友都想入. 當然中學校網非常吸引! 可惜我無朋友仔女讀緊, 完全唔清楚學校實際情況.

相反, 寶舊就有朋友個女讀緊小二, 勁讚! 又有功課, 課外活動 reference, etc.....比我理解學校情況.

問心, 我真係想因中學校網 & 傳聞好好而報福馬. 但老公唔讚成.

ZoeZita

原帖由 奥脫福 於 15-03-17 發表
唔係卦。。。我仲諗住同阿仔試下考插班添。。。

請問"新華德"係點??

ZoeZita

原帖由 hkpapa852 於 15-03-17 發表
聽聞有間小學其中一項課外活動係「廣東話」班

吓?!!!!!!!!!

lauwingtai

原帖由 奥脫福 於 15-03-17 發表
我見樓主有講「如住屋不是問題，可搬屋」，似乎心儀福馬較多，我才有這個
講法。中學網我都係比較喜歡Ｋ ...

自行只可參加一次

奥脫福

lauwingtai 發表於 15-3-17 20:49

自行只可參加一次

根據教育局資料，只有曾獲小一派位，或正於香港各小學就讀的同學不能再參加
小一派位（其他注意事項第二點）。自行失敗而唔參加統一派位，同學根本就未
獲小一派位，來年自然可以再次參加自行派位了。過往係呢度亦已討論過。



http://www.edb.gov.hk/attachment/tc/edu-system/primary-secondary/spa-systems/primary-1-admission/poa2015_leaflet_tc.pdf



當然再次參加自行會否因「超齡」而少左十分亦是一個考慮。

zanezane

回覆 奥脫福 的帖子

咁細b延遲入學做超大b，k2就可適齡參加自行。失敗左，唔玩大抽獎，到k3都仲可自行多次?


咁k3自行咪無左適齡果10分?

奥脫福

zanezane 發表於 15-3-17 22:52

回覆 奥脫福 的帖子

咁細b延遲入學做超大b，k2就可適齡參加自行。失敗左，唔玩大抽獎，到k3都仲可自行多次 ...

在自行中，「適齡」是指在翌年開學時滿五歲八個月至七歲，Ｋ２自行似乎就難ｄ。
反而在Ｋ３時若自行失敗，是否應選擇退出統一，重讀Ｋ３呢？如果我２５分自行Ｌ
Ｓ失敗，我會考慮退出統一，再等叩門或重讀Ｋ３再戰。

zanezane

咁做只係拖長戰期，等小朋友有更多時間被催谷達至扣門水平。。。
再面對多一個扣門cycle
用時間買機會。

hkpapa852

奥脫福 發表於 15-3-17 18:25
唔係卦。。。我仲諗住同阿仔試下考插班添。。。

對於D不願公開升中派位資料既學校, 真係要小心.

同區被喻為同級的CSK, 也只有~37%學生入到一線學校, 隔離35網幾間同級的(紅碼, 黃宣, 兩間千禧), 亦只是得~40%.

福馬有幾勁? 我不知道, 估計也只是和CSK相約.

貪戀福馬聯繫伊中? 攪清楚, 伊中係油尖旺區, 聯繫位俾九龍城區4間小學只有17個.

當然, 如果你係想入九龍城區果D一線中學, 咁又唔同講法

alyk

回覆 hkpapa852 的帖子

聽你咁講真係有D意外, 土瓜灣網我冇乜研究, 雙馬, 雙油, 雙仁在我心目中他們的名氣及受歡迎程度應十分接近, 為何升一線中學率相差咁大?
是真正實力的差距? 還是校網對手的問題?

ZoeZita

hkpapa852 發表於 15-3-18 10:49
對於D不願公開升中派位資料既學校, 真係要小心.

同區被喻為同級的CSK, 也只有~37%學生入到一線學校, 隔離3 ...

Very informative!!! Thanks!!!

ZoeZita

alyk 發表於 15-3-18 11:41
回覆 hkpapa852 的帖子

聽你咁講真係有D意外, 土瓜灣網我冇乜研究, 雙馬, 雙油, 雙仁在我心目中他們的名氣 ...

我都無諗過紅馬得~40%........仲要近年小六人數少, B1 中一學位相對較多都只有40%, 咁6年後多左咁多小六畢業生點算???

奥脫福

hkpapa852 發表於 15-3-18 10:49

貪戀福馬聯繫伊中? 攪清楚, 伊中係油尖旺區, 聯繫位俾九龍城區4間小學只有17個.

我想佢入果間乙部只有兩個位俾ＫＬ３。

其實都只係諗下，要插舊年應該就要行動。

hkpapa852

奥脫福 發表於 15-3-18 12:05
我想佢入果間乙部只有兩個位俾ＫＬ３。

其實都只係諗下，要插舊年應該就要行動。

我估...... 一定唔會係麗澤
其實伊中留俾KL3既非保留位都係得2個咋!

所以好多人以為九龍城區4大官小聯繫伊中好著數, 其實加埋只有17個位俾4間小學分, 同埋2個位俾全個九龍城區分(當19個俾晒4間小學分), 每間平均分得5個都唔夠.

不要因為一個無乜著數既聯繫關係, 而過份高估某D學校.