馬鞍山THINK結果

puipui20030910

原帖由 Jodie2013 於 13-11-15 發表
想知是否有兩款信，unable to offer 同waiting?

係啊！我朋友排15x， 七月B，收waiting信，話有位會call佢。我自己個封就冇個行字。我想問下點解四百幾都排到waiting？我个B排200几就被reject？唔係只收頭四百份表嗎？咁d父母好早去到排隊甚至捱通宵意義何在？我唔嬲當日我B表現可能未及其他BB標青，放我在waiting，但係點解直接就拒絕。我B一向健康活潑，聰明可愛，每次去做評估，醫生都贊。我真係唔明佢行乜野准則？只能話，我對think好失望！

lovebb003

其實200應該唔使排通宵。我40之前真係排通宵，bb有下午offer,9月細b。

TabbyDong

原帖由 puipui20030910 於 13-11-15 發表
係啊！我朋友排15x， 七月B，收waiting信，話有位會call佢。我自己個封就冇個行字。我想問下點解四百幾都排 ...

平常心看待interview啦，唔同老師in實有唔同既尺，interview一定係有主觀因素involve。阿女試過去一間in, 做到90%, 但唔收，又試過一間只做到10%都有offer。我覺得老師除左in學生，都會睇埋父母既表現，有時可能唔係衰係個小朋友度，可能衰係自己度都唔出奇。例如有啲學校會介意家長提示得太多，就算最尾小朋友識做晒都可能唔收。我亦有諗過每個老師可能都有quota, 係佢手上in既假如個個都好好的話，佢都一定要取捨，冇可能offer晒出去。

tracynghk

其實我覺得Think安排有問題，既然只有400 名內有offer,何必又繼續收form，又安排interview ?  我BB是4月B，waiting list, 我是544 号籌，不過interview 好明顯同其他小朋友唔同，老師攞左3張相，一張係'洗緊手'，一張係'揸緊車'，一張係'踢足球'，老師居然問我BB佢地做緊乜？？吓! 點講？講到手手、車車，波波已經好叻! 又拎左個砌圖比BB砌，但唔是普通三角形，圖形，正方形之類，…而是其他不規則物件型狀，一定唔識啦！ 其實我已經預左會衰，不過唔公平，我in 完起出面問其他媽咪，都唔是考呢D，簡單好多，可能因為我是544 号籌，敷衍我地in完算了！~>_

macyho0704

我都覺得當日老師in得好求其，可能我地係最後果批，in唔夠五分鐘就叫我地走，不過算啦，間學校咁細，又咁貴

echan0117

4 月b ， am offer， 4x 籌， in 時有好好笑容，in 得簡單，只係叫 bb 入波係火車度，我覺得 group in 都好大影響，我見 d net 係後面不停 mark 野

puipui20030910

原帖由 tracynghk 於 13-11-16 發表
其實我覺得Think安排有問題，既然只有400 名內有offer,何必又繼續收form，又安排interview ?  我BB是4月B， ...

報名前白紙黑字講到明只收頭四百份表，我覺得本意應該想篩到一批最有心去想讀的家長同費事浪費人力物力做無渭的行政工作，而且按排隊順序排優先次序，有點先到先得嘅感覺，因為佢地也明白面試不過係過埸，個個B都大同小異，除非天生白痴。但事實係think想玩殘家長搞到報名個日排哂長龍d人見到咁嘅場景会觉得呢間稚園好似好巴閉咁。講到面試，個老師間下我家庭狀況我話到佢有個家姐時，個老師毛拉拉對住我仔問：你家姐係邊蛔啊？你叫個歲半B點答？

gg123

佢好似係寫400個之後會係waiting而唔係唔收表，so far好似都無400號以後既b被取錄。我係4xx號其實我都expect遲d先in，咁對我個細b可能反而仲好，佢叫我去in我都好意外

新人物

puipui20030910 發表於 13-11-16 08:56
報名前白紙黑字講到明只收頭四百份表，我覺得本意應該想篩到一批最有心去想讀的家長同費事浪費人力物力做無 ...

其實網頁寫頭四百份表係優先第一輪面試,從來無話只收頭四百份表!!!

新人物

tracynghk 發表於 13-11-16 01:50
其實我覺得Think安排有問題，既然只有400 名內有offer,何必又繼續收form，又安排interview ?  我BB是4月B， ...

其實唔好咁諗,我係12X籌,考既野同你差不多,2月B都只有waiting list,不過一早預左,當日我個小朋友幾乎無乜答過野同做過指令,因為個老師好嚴肅又無笑容,我小朋友全程都無彩佢,最後聽到老師講BYEBYE,佢就極速答BYEBYE

THINK點解大B細B都收?因為真係唔同月份會考返唔同既野.

當日老師攞左3張相，一張係'洗緊手'，一張係'揸緊車'，一張係'飲緊水，老師問我小朋友佢地做緊乜？佢見無答佢,就話佢飲緊水喎,之後自己就拎杯飲水,再問我小朋友點飲水架?我個小朋友都係無理佢...<其實我個囝係識答既,因為我之後問佢老師問妳野,你仲咩唔答老師,佢就答我:曳曳豬,我再問佢老師問你乜野,佢就話:飲水/揸車/洗手,你話係咪激死人>砌圖果part我反而覺得難,因為我都以為係砌形狀,點知原來係數目字...

我都明白家長覺得子女IN得好而學校唔收果種感覺係唔太好受,我都面對緊,但我見到好多父母矛頭都直指間學校,有些少覺得唔係太公平,因為我朋友一早已經同我講,呢間學校連8月B都會收,佢地既面試安排已經盡量公平地面對任何一個月份既小朋友.

puipui20030910

原帖由 gg123 於 13-11-16 發表
佢好似係寫400個之後會係waiting而唔係唔收表，so far好似都無400號以後既b被取錄。我係4xx號其實我都expec ...

咁點解前面有媽咪排五百幾都有得in？寫到明只in頭四百，除非日后有空缺先會安排in四百后嘅！咁排隊意義係邊？

yuki_luo

1月B，3xx，pm offer。因為想 am，結果同另一間一樣收 pm，所以會放棄 大家繼續努力

tracynghk

但是我有幾個同月大嘅B，佢地考嘅嘢係簡單D，你BB都識講照片動作真是好叻，大兩個月果然唔同D，不過都是waiting 真是可惜D!  坦白講，我寧願佢交form時拒絕我，好過要我BB經歷in 失敗及等待失敗的痛苦，畢竟只是歲半BB

新人物

tracynghk 發表於 13-11-16 11:41
但是我有幾個同月大嘅B，佢地考嘅嘢係簡單D，你BB都識講照片動作真是好叻，大兩個月果然唔同D，不過都是wai ...

如果佢交form時拒絕妳,而妳個BB又係細B,又會話唔公平只收大B,雖然我小朋友都無緣入讀,不過我覺得呢間學校算均爭架喇,
BB唔知咩事既,壓力同失敗經歷都係父母面對,仲有排我地受

lovebb003

如果你想讀啲都應一早排隊啦。同埋你都可以選擇唔去面試。

momolala

原帖由 新人物 於 13-11-16 發表
如果佢交form時拒絕妳,而妳個BB又係細B,又會話唔公平只收大B,雖然我小朋友都無緣入讀,不過我覺得呢間學校 ...

非常同意！

lilbabe

原帖由 新人物 於 13-11-16 發表
如果佢交form時拒絕妳,而妳個BB又係細B,又會話唔公平只收大B,雖然我小朋友都無緣入讀,不過我覺得呢間學校 ...

贊成。我聽返原來think都好肯收細b, 真係好唔錯架喇！坦白講我本來報呢間做後備，對學校了解唔多，點知in完竟然好鍾意，而家都好慶幸入到!

lovebb003

計落一個月要5千，N班都算貴。可能到時k班要報考其他有學券幼稚園。

echan0117

回復 tracynghk 的帖子

bb 甘細個, 唔知道失敗架喎~ 除非係家長俾壓力小朋友喇~
想讀心儀學校唔收既人大把喇~
漫漫長路, 依家先係開始咋~

lilbabe

請問大家知唔知THINK係咪只有PE衫無校裙?