今日in咗金巴倫幼稚園

carrieckl

應該係排出生時間，我個仔一月b, 25號第一組in, 等侯時間確實長咗d, 又無位坐，不過可以我係第一批，無要清上一批嘅壓力，個半鐘準時完成，我無聽到簡介會，因為開始咗我都唔知，我無補聽返，問佢攞張表填返交完走人，otherwise,  應該好似樓上咁有排等

Serenababy

我囡in 2.45pm同時段撞到2個朋友仔都係十月出世。佢地十月頭分批時間早d入。阿囡十月中遅個批入去in.但冇問名，只問佢邊個帶佢黎，考生果，砌積木，配大小圓形，問顏色，再推返張櫈，全程5分鐘都冇。點解冇其他人考咁多野

abby0624

好彩交表嗰日見到人龍就即刻調頭走，唔係盞換嚟一肚氣

^GGmami^

原帖由 bb1221 於 13-10-26 發表
幾時知結果呀？

兩星期內，不過無乜期望

sweetsugarapple

負責in我地既老師好nice,但校長真係講得太耐，你收左我你講三個鐘都無問題，響呢個stage講咁多真係無必要，莫講話d小朋友無耐性，我都等到想走人。呢個安排有好大改善空間。

daisylhn

我對面試過程都覺滿意，係等的時間太長，阿女原來已有啲感冒未清，曬住玩遊樂場，返到來又發燒

eliselin

面試當日的確有些安排混亂但大家都付出左心機和時間，向前看，希望有回報有offer。
其實聽完佢既seminar，我幾like佢地教學理念同小一派位，應該是不錯的學校。

fungjo

我In星期六下午2：45早5分鐘到，人係多但任玩當warm up了解下間學校，校長會同家長傾計，interview 問題合理，除了比一個有好大洞叫人係中間旁邊入圖形 ，囝直接放入大洞內:;pppp:，即場填問卷有點多餘。老師好nice,感覺九龍塘較平實的小班學校。

fungjo

最重要只見一位說普通話家長

mrs.frog

見我仔嘅老師都好好吖，好有耐性去引導佢，D內容一D都唔深，同舊年in N差不多，係一樣連一樣趕D啫。至於門口揸咪老師係粗聲粗氣D，但佢見我抱住阿仔倦都叫我坐佢身邊張櫈休息下。

AJH

我都覺得中文嗌咪嘅主任冇咩問題，我個囡in完之後同一眾staff揮手bye bye, 呢個主任仲對我個囡笑，或者星期六嗰日真係太多人場面渾亂咗啦。
但我覺得呢間係小班教學，學校規模不能跟區內另外3間大校相比，但見呀囡嗰日幾鍾意個環境，見我地嘅老師又好有耐性，真心覺得，如果學校肯收我個女就好喇。
既然呢度咁多家長不滿呢間，咁我懇請佢地到時即使收offer都唔好要，將學位留俾欣賞學校嘅家長及小朋友

breadbb

原帖由 AJH 於 13-10-28 發表
我都覺得中文嗌咪嘅主任冇咩問題，我個囡in完之後同一眾staff揮手bye bye, 呢個主任仲對我個囡笑，或者星期 ...

雖然佢係話自己小班教學， 但係可能收左太多小朋友 今年k1班都真係唔係咁小班 我幾個朋友的小朋友都係sn既！

fabsum

回復 breadbb 的帖子

我小朋友個班收21個 , 算小班 la wor , 校長那時係talk 講到明收20個到 , 差不多la ..
是不是你認為收15 個先算小 , 難d lu ,,st. cat ,mungsang 閒閒地都30個la

hastalavista

其實, 同我阿女上年IN 既模式都係差唔多呢!
今年也有朋友去IN, 他們都是大B, 據說真的會按大小B 出不同問題.

記得上年INTERVIEW 時, 一樣好多人兼且較迫, 我們一行三人(記得他們當年都有提示要同父母一起出席)
媽媽帶阿女入去IN, 爸爸聽簡介會填問卷, 爸爸也很用心去填問卷,
IN 之前也沒有讓小朋友在操場玩,
爸爸聽簡介會的時候, 媽媽便陪女女在外邊玩, 吃餅餅....
過程都算很輕鬆, 相對後面IN 的學校......(相信金巴倫今年也是最早IN的學校)
現在便開始鬧爆, 後面你便更加勞氣!!

相信大家說的"粗聲粗氣"主任, 我也猜到是誰....
第一次見面時, 觀感也是跟大家差不多,
但事實上, 她對小朋友很好的, 很快便記得小朋友的名字.
跟她溝通一下便知道, 她也很清楚小朋友在學校的情況,
坦白說真的很驚牙!! 她也很幫忙很用心去幫小朋友.

另外, 有一個可以"壓場"的主任, 也很重要,
至少每天校車返學放學的安排, 一個可以"壓場"的主任,
可以令到秩序井井有條.

阿女正在金巴倫讀K1, 由開頭喊到痴線, 到投入返學,
只用上一個多星期時間, 班主任老師也很用心的去教~
為什麼知道? 從女兒回家後的反應便知道.
回家也很主動拿功課自己做(K1只是填色連線)

至於小班教學, 所謂的大班都只是20~21人, 細班只有13~15人,
主要看是大班房定係細班房
以大部份時間, 一個班主任老師+ 助教 +NET/PTH 老師, 都很好了!

講咁多只係想大家分享一下經驗, 整體而言, 都是對板的!
我們也很開心阿女可以找到一間適合她的學校!

祝 今年INTERVIEW 的小朋友, 可以開開心心也找到他們的學校
各位爸爸媽媽加油!!!

fredmama

我也是上星期六去完面試，好彩在10:00果段時間，不过見完大約也11:45， 面試內容不算難，但因為我揀英文面试，全埸得兩个老师用英文interview, 所以等好耐，果個老師係咁叫我轉用中文面試，用中文就快些，我話我小朋友不太懂聽中文，用英文面试佢既反應会好些，㸃知果位应该係副校長話，唔識中文唔得喎，一定要識中文喎，唉，我都廢事答佢，我只係話我小朋友用英文面试反应会好些.......全場得果兩个英文老师面试，咁就唔好比人揀用咩語言啦，比得人揀，又說人用中文
另外，大家有聽校長简介，信唔信佢地今年收超过3000份form, 細b waiting 也有約500份，收表得果3個鐘，面試得果2日，我自己㸃計也計不到有咁多囉，估埋佢仲有11月12月細b未見....也估佢唔到囉！

angie0828

原帖由 AJH 於 13-10-28 發表
我都覺得中文嗌咪嘅主任冇咩問題，我個囡in完之後同一眾staff揮手bye bye, 呢個主任仲對我個囡笑，或者星期 ...

同意！其實家長及小孩很主觀！如果認為學校行政混亂及D老師唔好，就算收小朋友也懇請不要hold位！明白大家對幼稚園有排名，只能說sn係不出名九龍塘kg, 所以大部分人都只欏佢做back up！即interview最叻，最有潛力的小朋友佢收吾收，收家長亦不會讀！但佢過去2年考p1成績算不錯！8成考到直資私小（雖無乜入神校，但sn 也不是神幼），其餘也派b1津小！甘講即是學校的教學方式成功，能將咩kg offer都無嘅小朋友，唯有讀尼間（身邊有同學家長講入讀原因）可以考到直資C小！都算係甘！而老師教得好吾好，有無愛心，尼家嘢要睇彩數，愈好kg愈多好老師，我大女今年k3, 3年3個班主任，好好彩都好，當然一定有冇甘好在別班教，聽隔離班同學仔家長說，但整體來說我認為當初冇選錯比囡囡入讀sn！起碼我認為學術上可銜接小一，現有2間c小offer, 睇埋自行派位！因為我仲有細仔，當然仲有in sn！interview安排要改善，我也會向校反映！
最後懇請各家長如不喜歡甚至反感，比都唔讀之類的，請不要註冊，眼見好多朋友好想考入，也請你們息怒，更衰的安排大家也會遇過，之不過人地龍校/名幼啫！低處都未算低！不過親身經歷的我一定向學校反映，希望之後安排會好D，而大人細路都吾洗敢辛苦！

breadbb

原帖由 fabsum 於 13-10-28 發表
回復 breadbb 的帖子

我小朋友個班收21個 , 算小班 la wor , 校長那時係talk 講到明收20個到 , 差不多la . ...

我諗可能有d班真係under 20 但唔係全部！我有2個朋友果班都23，22 上年佢係話平均17，18，因為我上年都幾like sn! 我無貶意 我只係帶出佢唔係真係咁小班教學而己！因為出生率高 有d學校都想收多d小朋友 我明！
但我唔認同你話其他學校班班閒閒地30人！我小朋友讀sc 我班有18個小朋友而已！其他學校我唔清楚 但就算sc 都好多唔同數目 小過我班都有 多到28個都有的！

fabsum

回復 breadbb 的帖子

因我二個朋友個仔同女 , 讀sc 同mungsang 先講番他們班的人數有成30人 , , 我真係不知道原來sc 有收18人那麼小 !  不好意思

fredmama

我不是當SN大後備，如佢有am offer比我小朋友，我就一定讀，不過佢之前交表既混亂，到面試日既安排也唔檢討下，覺得學校應花多些時間人手去安排下啦，其實校長有冇必要比成十幾分鐘時間家長填份問卷，之後先開始佢既簡介呢，佢有冇必要在同日用差不多成個鐘時間去介紹佢學校，我相信報得間學校都會對間學校有一定認識啦，佢講好多野，其實真係可以收你之後先慢慢講，無謂拖長時間！