插班灣仔St Joe

b3410

我諗可能樓主擔心初小成績容易保持，升到高年班未必可以考到依家級數。趁著手頭牌面好好，轉入一間進可攻退可守的學校。升中就算去唔到SPCC/DB/QC/LS，留St Jo 也不錯。
不過唔好處就係轉學可能有機會水土不服，成績反而下降，失去升中再轉走的機會。

如果咁，建議，直接去插班DB/SPCCPS/LS

cantona2001

mcl203 發表於 20-11-23 20:33
就算轉左去SJ，升中又打算考過直資，似乎目標SPCC，DBS，跟住又高中放洋，不停的轉～～～
...

其實現時無特定目標都無set死時間表，高中走只係一個打算，宜家國際情況變化咁快，考埋DSE先放洋，甚至留番香港讀大學都唔出奇。轉左st joe，因為中學係band 1A/B已經好滿意，昇中可能會考其他學校，都可能唔會，要睇下St Joe啱唔啱自己小朋友，如果小朋友讀得開心都會跟隨佢意願。但如果小朋友了解過之後想試，你話中學如果SPCC/DBS收係咪一定讀，都不一定，面試過程都一樣可以了解間中學係咪啱自己小朋友，同埋到時收左先考慮啦。

cantona2001

cafeva 發表於 20-11-23 15:50
世事無絶對，有得轉就轉。試埋DB、L S?

DB，LS同St Joe比較，我覺得同grade, 吸引力無大到要特登過海讀小學或者搬屋過去，小朋友訓多d好d,我小朋友宜家都重係8點半訓架

cantona2001

bobbob 發表於 20-11-23 15:40
sjc有邊方面好好令你咁想轉？以令郎成績rc入硬，你哋又冇諗住考dse，學術成績更好都無用武之地 ...

其實RC真係好好，教得小朋友好乖，老師好有愛心好關顧所有小朋友，轉都有d誘因嘅：1. 比較過英語環境感覺好過RC小小
2. 認識唔少St Joe舊生，個bonding係好強
3. 小朋友比較静，最大嗜好係睇書，想佢多元發展同有機會玩多d運動

4. 中學成積好d,體育又好d
5. 舊生網絡好d

PTL_L

cantona2001 發表於 20-11-24 00:47
其實RC真係好好，教得小朋友好乖，老師好有愛心好關顧所有小朋友，轉都有d誘因嘅：1. 比較過英語環境感覺好 ...

你列明哂想轉既原因喇，咁就轉啦。
但想請問，英語環境好啲係點好法呀？另外，我朋友相反，起st joe都高小喇，但想轉番出嚟，因為搞唔掂科中文，驚dse會衰中文讀唔到香港大學。

勸緊佢唔好搞咁多野，衰衝動。

eli_leung

PTL_L 發表於 20-11-23 21:45
即RC—>Sjc—>Spcc/Dbs—>英國放洋 同
RC—>Spcc/Dbs—>英國放洋？

不單止咁樣

SL —>RC—>Sjcs—>spcc/Dbs—>英國放洋

SL —>RC—>spcc/Dbs—>英國放洋

佢想要個仔小學讀三間，替小孩可憐

cantona2001

eli_leung 發表於 20-11-24 06:38
不單止咁樣

SL —>RC—>Sjcs—>spcc/Dbs—>英國放洋

我小朋友係高幼生，昇小時入唔番高小，小二先扣番入高小，宜家有機會先幫小朋友轉st joe, 中學都睇情況再考慮，你咁樣批評人好唔公道

eli_leung

cantona2001 發表於 20-11-23 13:52
初小讀高主教維持級1至5名（舊年老師無講實際名次），一直唸住讀完小學先算，呢排知道多人走，一叩St Joe門 ...

你呢位家長真係好進取，讀完高主教幼稚園升唔到高主教小學但考到級五，好大機會係你放棄高主教小學學位而走去大抽獎又失敗，叩入st Louis,讀完小一插高主教小二，小二成績級5，小三冇名次，跟住小四又插聖若瑟，踏住SJC目標去spcc/ DBs, 仲開post問機會大唔大，跟住又話唔係咁需要入直資，之前又話9×9入高中去英國，之後又話都會考DSE,其實你知唔知自己講緊啲乜嘢?講一套做一套，無限輪迴。
你咁做當然冇問題，但我唔會喺度公開。

正如有啲幼稚園學生K2開始返兩間，中間得一個鐘搭車食飯兼換衫，然後喺度問人咁樣做啱唔啱，通常俾人插到體無完膚

cantona2001

eli_leung 發表於 20-11-24 07:18
你呢位家長真係好進取，讀完高主教幼稚園升唔到高主教小學但考到級五，好大機會係你放棄高主教小學學位而 ...

我小朋友高幼昇小時，高主教無任何offer,考入St Louis，你咁樣亂咁估亂咁批評人，又唔睇清楚人寫咩野，d細節又亂咁講亂咁作，又亂咁將你自己認為嘅野當係我唸嘅野，咁樣咪好唔公道囉°其實你又知唔知道你自己咁樣好唔啱°
中學可以直昇SJ,可以再考直資個制度係度，我樓上都有講睇下小朋友讀SJ情況如何再考慮昇中，亦都無特定目標中學一定要入SPCC or DBS, 只係想係BK了解多d, 你skip晒唔理人講咩，你做人唸野都好有問題!

jlpcilcl

其實樓主思維，方向已經好清晰，由高小轉入st jo的好處，咁go ahead

SLHongkonger

cantona2001 發表於 20-11-24 07:50
我小朋友高幼昇小時，高主教無任何offer,考入St Louis，你咁樣亂咁估亂咁批評人，又唔睇清楚人寫咩野，d細 ...

我想簡單問一句


你有無問過當事人 即係你個小朋友

讀書除左求向高處 英文語境 讀書環境之外
最重要 其實係小朋友讀得開唔開心
你間間學校讀兩讀就轉學校
你有無諗過小朋友的心情？
佢岩岩適應左呢間學校 識到同學仔 你又要佢轉校
佢想唔想？

其實間間學校都有佢一定的好處
你係唔係打算間間都讀一年？
今年st Louis  出年高小 後年st joe 大後年大大後年 St. Paul boy 小學 最後一年就st Paul co Ed 小學
讀哂d名小？

橫掂最後加名 我都可能同佢放洋架啦
讀咩中學 無所謂架
讀到好咪留 唔好咪走囉
做人父母係唔係咁呢？
唔係淨係睇學校的語境好唔好
你仲有好多考慮因素架
小朋友讀得開心 學到野 都好重要架
同埋 讀書都要俾佢學到歸屬感 團結精神 你間間玩一兩年 佢基本上都學唔到呢啲野 佢個心態都係 我都唔知係度讀幾耐 佢仲會唔會係呢間學校有個歸屬感呢？

做人父母 唔係兒戲 凡事都要諗清諗楚

tpmon

cantona2001 發表於 20-11-24 00:23
其實現時無特定目標都無set死時間表，高中走只係一個打算，宜家國際情況變化咁快，考埋DSE先放洋，甚至留番 ...

今時今日應入表申請轉SJC。

入了表申請，無論成功轉與否，起碼你有做過嘢，你幾年後回望會今生無悔。

Go ahead。

b3410

cantona2001 發表於 20-11-24 00:32
DB，LS同St Joe比較，我覺得同grade, 吸引力無大到要特登過海讀小學或者搬屋過去，小朋友訓多d好d,我小朋友 ...

學術方面LS還是強唔少，校園環境DB/LS都好好多。St. Jo 校舍實在太細，男仔活動空間都比較重要。所以我覺得還是值得轉。不過還是睇個人，同學間關係等等。

b3410

SLHongkonger 發表於 20-11-24 08:51
我想簡單問一句

轉學之類的好個人，國際學校都唔少同學經常轉。歸屬感呢樣野，學校教到有就係有，冇就係冇，個人體會唔同。唔使強求。
如果小朋友讀的開心，歸屬感強，唔想走，家長都唔會逼。小朋友自己都想試一試其他學校，點解唔去？

將來的路點行，我諗依家冇人夠膽肯定。周圍D環境，唯有見步行步。

王家爸爸

cantona2001 發表於 20-11-23 13:52
初小讀高主教維持級1至5名（舊年老師無講實際名次），一直唸住讀完小學先算，呢排知道多人走，一叩St Joe門 ...

如果諗住高中9成9過英國讀書，咁就要睇係中四定係 Sixth form 過去。如果係中四過去，其實高記讀上去都無壞；如果係 Sixth form 先過去，可能考下DBS會好啲，尤其係如果諗住讀 Cardiff 既話。

mcl203

b3410 發表於 20-11-24 09:14
學術方面LS還是強唔少，校園環境DB/LS都好好多。St. Jo 校舍實在太細，男仔活動空間都比較重要。所以我覺得 ...

咁真係要試吓DBSPD和LSPS，或者中學試都唔遲～～～

jaycee_mami

我覺得應該要轉, 因為初小keep到頭五名, 高小又未必的keep到, 因為初小好多時是生得高頭大馬的年頭大仔考進級頭, 但高小時, 那班有實力的細 B會又會跑了上來, 出現大執位.

不過見你提及小朋友是文靜書生型, 有機會入到 sj 會有少少格格不入, 因為 sj 活潑的學生會佔大多數, 文靜仔仔要多點時間去適應.

cantona2001

SLHongkonger 發表於 20-11-24 08:51
我想簡單問一句

我地轉校第一時間就係問小朋友意向，佢對轉校都無咩問題，其實小朋友啱啱先有兩個好朋友分別9月同11月轉SJ, 我地知道可能有位先一試，所以我地都無試插其多學校。
你講嘅野我都當然考慮，反正中學多數轉，直高中多數走（未定中四定中六，還要多了解），所以不如早d插班SJ,識班小朋友直上中學，原意真係上來8掛考下直資中學嘅資訊，所以都有人了解我對咩QC,SPCC,DBS無特別喜好，不過講兩講，俾人妖魔化晒，宜家網上文化都係咁，奈何！

kimlam953

SLHongkonger 發表於 20-11-24 08:51
我想簡單問一句

森美都係咁轉，我又唔覺得有咩問題喎。森美成日以喇沙仔自居，但其實佢係喇沙日子得幾年，中三先轉入

Btw st jo唔洗轉SPB啦，兩間同level