谷唔谷小朋友

meowloo

其實何謂「谷」？同意機會只係留給有準備的人，了解自己孩子，因材施教，為小朋友揀一條合適的路，唔應該有「谷」的情況出現。

如小朋友天賦不在學術上，但被極度催谷才考獲心儀學校，入讀前要認真考慮清楚往後條路仲可以點行，是要繼續催谷到中六嗎？有機會因此埋沒佢的天賦所在嗎？

abby0624

在我嚟講，要小朋友學超越佢年齡應有嘅知識已經叫谷，我每晚都會同仔仔讀一本英文同一本中文書，有時啲字唔識我會教佢但唔會迫佢串同記，覺得以呢個年紀唔一定需要識嗰個字。而學校亦未教到該個程度生字。耐何你考小一，學校就會問好多呢類文字。而家唯有將對佢嘅要求輕微調高，希望有幫助。最衰自己冇錢，唔係移民去芬蘭就最好，唔駛喺香港焗玩呢個殘酷遊戲。不過對我嚟講，學術叻唔係一切，最緊要佢開心，喜愛學習，鐘意閱讀。

yuenkw

如果小朋友仲讀緊k的話，

1)陪佢一齊做d適合程度嘅中英文閱讀理解。

2)小朋友做數學練習時不防放個鐘係枱面，限時完成一定數量的練習，初初未必做到，不過小朋友有目標，持之以恒，慢慢就做到。習慣養成上到小學後就會明白，點解有小朋友做功課三爬兩撥搞掂，有d晚晚做到11點。

以上係學前打底的輔助方法，主打都係陪讀課外書。

宮二

有些小朋友天生是會自己谷自己認字寫字讀書的。比張學校通告廢紙叫佢地畫公仔，細女畫畫，大女卻在認真地抄通告上面的中文字。各有所長，因材施教才是重要。

Yanamami

宮二 發表於 16-10-21 16:03
有些小朋友天生是會自己谷自己認字寫字讀書的。比張學校通告廢紙叫佢地畫公仔，細女畫畫，大女卻在認真地抄 ...

同意~
其实係由边个去定k3应該識边幾隻字，小—应識边幾隻字，小二又应該識幾多隻字？有人有語感，吸收快，难道拖他後腿叫佢唔好学住？正如逼学习能力遜既人学快－样，拖住学习能力高既唔俾佢学多d亦係唔妥｡谷既意思係佢明明唔得你要逼佢得先係谷，如果試过有能力做到又点解唔順水推舟？

Yanamami

abby0624 發表於 16-10-21 14:06
在我嚟講，要小朋友學超越佢年齡應有嘅知識已經叫谷，我每晚都會同仔仔讀一本英文同一本中文書，有時啲字唔 ...

唔好講考小－，就算係讀普通津校(政府总会派到個位俾你)，小－程度已同K3有個距離｡如果識字不足，对做閱讀理解、数学文字題会有一定影响｡如果幼稚園唔多寫字，上到小学要应付測考默亦可能有困难(寫得慢答唔哂？)功課做三個鈡？

有時唔好諗得太負面，既然唔可以移民或讀国際学校，禁係改变唔到既現实下，就要睇下点打好手上有既牌｡

hha

有d小朋友理解力高、記性好，就容易喺考小一突圍而出。其實唔係話阿媽想點谷就點谷，小朋友get唔到記唔到仲谷想大谷特谷就大家只有痛苦。

如果比你谷到盡先入到名校，咁將來點行？幫手谷到幾時？所以真係要因材施教、揀間合適程度的學校，好過為一時的迷失錯配學校，否則就再痛苦六年！

Queeniebaby

唔係用"谷"呢個字
係家長在幼兒教育概念上有幾重
如懂得個培育方法，根本由幼兒園至小學，都會係容易上，小朋友根本唔會覺得辛苦同被谷

錯過左呢4,5年，有拉牛上樹既感覺的話，不如家長好好去思考下，計劃，學下點培育小朋友吧
而家6歲，還追得上....如去到3年級都未追得返，就真係無法啦，就希望小朋友有日發奮，希望仍係讀書時期時吧

Pigmama1012

HK-MAN 發表於 16-10-21 11:28
谷係要睇時間,唔係個個3-5歲小朋友都谷得上的...若果谷到喊苦喊忽,冇晒幼兒童真及歡樂,你認為值得嗎??
...

同意。好睇小孩谷不谷得，勉強冇幸福。

hknote

首先真係好睇小朋友谷唔谷得，第二係家長自己懶唔懶。 我識有些朋友，因自己懶，唔想煩，所以話自己小朋友唔谷得，
考小一，盡量揀活動教學面試，可惜冇間收。到最後小朋友考入一間學術性私小，因環境所，佢都要谷，小朋友一年級都是在頭5名內。

cscsmlkyh

唔谷，但越黎越覺得好危。

retriever

abby0624 發表於 16-10-21 09:42
一直唔會谷小朋友亦都唔鐘意谷，但小一遊戲玩左一半，先知而家考小一，正常程度係唔得，一定要谷過先掂
...

唔駛特別谷。考既都係比較生活既野。私幼如果重表達係有幫助。喜歡閱讀係王道。

釘釘

唔好咁講，我小朋友讀學券幼稚園，冇上任何興趣班，冇學中英數，冇獎冇比賽。我承認我好懶。
而最大穫係怕醜內向，第一間面試入去仲喊。
我最初都係打定輸數，但暫時已有兩間2 nd in，朋友話要比信心孩子，我冇諗過最後有offer，而家已覺得好滿足。記住，佢要表現自己時，咩都阻唔到。
加油！

retriever

abby0624 發表於 16-10-21 14:06
在我嚟講，要小朋友學超越佢年齡應有嘅知識已經叫谷，我每晚都會同仔仔讀一本英文同一本中文書，有時啲字唔 ...

你認為考小會要求識串邊 D 生字?

大檸樂

abby0624 發表於 16-10-21 09:42
一直唔會谷小朋友亦都唔鐘意谷，但小一遊戲玩左一半，先知而家考小一，正常程度係唔得，一定要谷過先掂
...

應該咁講.如果私小/直資/大抽獎後叩門一定要學術方面加深少少(我又唔夠膽話用個谷個字).如果你係隨心抽嘅,真係係唔駛點谷個小朋友!

Chan343

想請教要谷那方面？是指學術？中文識好多字？
如果唔外補，靠家長多伴讀得唔得？

joycewsm

有些家長好喜歡標籤別人為怪獸家長，只因大家選擇不同，我見過有自稱【正常】家長，在whatsapp group內力稱要抗衡怪獸家長，用得抗衡兩字，心底裡根本就明白這是大勢所催，又或者，佢要抗衡的是佢明白實際需要但又要堅持所謂【正常】的心魔，我不會指責【正常】人太hea, 但亦請【正常】人唔好經常將【怪獸】兩字掛在嘴邊，小朋友是自己的，家長有權選擇用咩方式去培育自己的小朋友。

HaYi

對幼稚園或初小生, 我讀成早教 (目的是識多D), 不讚成重覆性大量地做 (目的是精準), 而我的目標小學都是重思考多於重成績(當然是指中上成繢己收貨).  但此種mindset 在大多數的求分數學制中不會即見成效.  小朋友的長處可能在高小及中學才開始較見到. 此是自己要接受的.

至於早教, 是指不苟現時制度所定的進度, 一來在現在的兒童早己比當然制定制度的年代叻好多, 接觸好多新事物, 眼界闊左好多, 二來大家的資源(有償或免費) 亦充足很多, 制度定的進度只勉強可算是一個基礎指引, 合格的指標, 但很多小朋友可以輕易學得更快更廣, 所以我覺得{公x式}因自己能力去定自己的進度之理念是正確的, 只是它用{多量來達至精準}我自己就不讚同.  

亦好怕有人一說就說小朋友應該讀普通程度的happy school, 家長才不是怪獸,  他們所指的happy 如果是因為淺/多玩少學術, 其實有點不負責任, 家長到底有冇去了解/updated 將來如何去配合小學的要求及小朋友的發展階段?  一個欠缺普通裝備又不精泳術的小朋友始終要跳下大海同其它小朋友一齊游.......

拔苗或是屈苗都不是好農夫.   

Jane1983

何謂谷？做練習、學好多野和上面試班？甘我無。

但我有挖空心思，想方設法启發佢，伴讀中英文圖書，揾有趣的事物刺激佢自發學習，引導佢思考比較深入的問題。我無谷，但有栽培小朋友。

lambeanmama

HaYi 發表於 16-12-25 09:07
對幼稚園或初小生, 我讀成早教 (目的是識多D), 不讚成重覆性大量地做 (目的是精準), 而我的目標小學都是重 ...

非常同意前輩家長的分享。我也是贊成早教的。但早教在我心中是打好學習基礎；例如學習的主動性及自律，也包括穩固的語文能力。不求深，但必要廣；不求快，但絕不希望水過鴨背地學習。當然，因材施教是每位家長必須要面對的現實。有小朋友K3升小一的暑假用十五分鐘背到乘數表（去到9，抽問都可以），但有另一位小朋友，同齡同時同地一齊學，十五分鐘後連二都未背到。拔苗和屈苗同樣不是好農夫，真的很對。