好多有愛心老師都離職了，怎算

lovedebby

原帖由 n828lpy 於 14-08-15 發表
咁就家長幫手整囉…如果有人咁不滿既話，大家寫信集體要求唔好咁多野玩，壁報求其唔好搞，唔出外活動，只係 ...

其實講真吖，如果話老師們常常做到11,12點，我就真的不太信。其實牆壁及樓梯的畫，也不是常常換，何來要常常留下裝飾呢？地下禮堂，望上去一樓嗰幅牆(小朋友水彩畫)好似一年也沒有換過。
其實他們K1無功課的，K2甚少寫功課，K3到下學期才每天也有工作紙(我印像中)。
老師如覺現在辛苦，工作量大，也可能只因之前比較輕鬆，對比現在辛苦囉。
其實有好多嘢也是家長義工做的。
總之聖幼上下全是好老師，不過新請回來的便有代觀察了，今年開學，起碼有2位老師要放產假，所以我細仔9月K1, 我也希望不是新老師啦，總括來看，本人對此校及新校長也是有信心及放心的。

amysmilekid

剛開完的家長會，事實都放在眼前，除了放產假老師，只有三位舊老師留低，無論大家對學校意見如何，一個學期走了差不多一半老師，怎叫家長放心呀？而且今年k1還是新請回來的老師，我熟悉兩位家長已經退學了，無論如何，希望學校行政重視老師流失量問題，亦不希望每年都轉老師

chuchuchumamama

發放負能量的時候又到了………唉。

DogDog2008

两位家長退學？咁快找到新學校？到臨近開學還hold住两個k1學位的家長，是很自私的。

Zoie_mum

回覆 lovedebby 的帖子

其實要做1個幼教老師，家長們只係睇到表面既野，內部既野家長係唔知的，文件野多到排山倒海，每1份出街比家長睇既野，家長們又知唔知改左幾多次？彈左幾多次回頭先去到家長處？就係因為學劵既出現，老師要做幾多野？家長交咁少學費，知唔知老師背後做左幾多文件野？大家又知唔知？你地小朋友每一日既活動都要出lesson plan架，每一節都要清楚寫明咩活動，點樣玩。即使日日都有果樣活動，但個內容全部都要唔一樣的，老師每次出lesson plan並不是日算的，唔係今日a老師寫，聽日就b老師寫，但以月計架，知唔知老師寫1個主題既lesson plan要用幾多時間？你所見果塊牆係因為冇得帶返屋企畫咋，如果有得斬件拎返屋企做，你估老師使唔使帶返屋企做？

Zoie_mum

回覆 lovedebby 的帖子

再講多少少，即使老師比唔到家長睇係學校做野做11，12點，家長又知唔知老師係屋企做到11，12點？大把老師休息幾個鐘，朝早4點令5點再起身做，家長又知唔知？作為一個行政者對家長nice係正常，因為家長先係米飯班主，老師份人工，7成係受氣返黎的，餘下果3成就係工作返黎架。

cheukyinbaby

既然走左，又何必放負能量呢？凡事向前看，應抱著希望去面對，如果人沒有了希望，同條咸魚有乜分別呢？

Zoie_mum

回覆 cheukyinbaby 的帖子

好明顯，有人睇唔起幼教老師，幼老師做野係應份的，付1元，但就要價值10元既物品。但諗下，幼教老師都有家庭，有自己既私人時間，唔係24小時應份奉獻比米飯班主的囉。

vicky_chan

我都好明白老師好多野做，所以我地做家長的應該要體諒老師，唔好一時三刻就打電話比老師問長問短。讓老師有多d時間去照顧我們的小孩比較好，希望家校合作好d,大家都開心d

Zoie_mum

回覆 mrsmak125 的帖子

有時係身不由己，已經唔輪到老師自己話事，面對排山倒海既文件（文件並不是齋寫的，係不斷的被叫修改)，沒完沒了既會議（開會並不是齋坐的，事後要做文件的)，無了期既進修（進修並不是齋坐的，要交功課的)，每天還要教學（教學並不是齋教，每日都要做事後文件)，家長們估下老師究竟有幾多小時係屬於老師自己，早放工已經成為老師既奢侈既期望，都係一句啦…老師唔係萬能的。

amysmilekid

回覆 Zoie_mum 的帖子

贊成，現在只望學校高層體諒多些老師，舊老師要走都走了，期望是新老師能夠適應，始終老師是最前線的

chuchuchumamama

别有用心的人，真係不停發功，究竟想點………………

Zoie_mum

回覆 chuchuchumamama 的帖子

只係想表達比各家長們，老師既工作量並不是家長們表面見到畫下塊牆，幼兒班只係上下堂，低班畫幾條線，高班只係做下工作紙咁簡單，對行內人好唔公平，唔好睇野淨睇表面，教育局落去學校Q既時候，連紙房擺乜野，老師都要一清二楚，每份教具擺放位置都要知，如果唔係學校邊可以為學劵學校，家長交學費邊得黎只需交回差額甚至零學費呀？老師唔做咁多野，教育局邊得黎批學劵呀…有苦既只有幼教老師知，要講既，講10日都講唔完呀，並不是所講既別有用心囉…唔通每位幼教老師放學後捉住家長講，家長先會明咩？從來大部分家長都唔會體諒老師，只係睇表面野，只係覺得幼教老師係湊仔，對幼教老師一d都唔公平囉…

lovedebby

原帖由 Zoie_mum 於 14-08-30 發表
回覆 chuchuchumamama 的帖子

只係想表達比各家長們，老師既工作量並不是家長們表面見到畫下塊牆，幼兒班 ...

你同樣不要凈看表面囉，你憑什麼說家長不諒解老師呢？你這樣說，對愛戴老師的家長公平嗎？這麼多有經驗的好老師離開，真的萬分可惜，我也有憂慮新老師如何？會否老師頂唔順，你們所說的工作量大而又離職呢？
但是，這已是事實，為有再看看吧，而不是不停地唱衰。真好奇你能這麼的清楚？！
我好認同做老師真的有好多工作，不單是工作紙，還有課程，文書佈置等工作，我自己身邊也有一位教幼稚園的姑仔(海怡名幼) ,及中學Band 1尾的主任，做老師勞心勞力, 真的辛苦架。我也常常聽她們說工作量有多大，但是她們愛她們的工作。
我不知你是舊生家長/老師/老師朋友，我們始終不是當時人 討論也不需這麼偏激，除非你是當事人啦！
唔夾咪分手囉，無需去唱去數。(以上内容，本人萬分愛戴舊老師，絕無不諒解不體諒之意。)

lovedebby

原帖由 chuchuchumamama 於 14-08-30 發表
别有用心的人，真係不停發功，究竟想點………………

是的，討論唓，如已是事實，咪看看今年如何囉，而不是說出負能量的說話吧! 一間學校，不是校長大哂的，還有校董及其他高層看管的，現在這麼多老師離職，我相信這麼有經驗的高校長(小學校長)也會參與及解決的，因為我對聖幼還有信心。

Zoie_mum

回覆 lovedebby 的帖子

你既身份是家長，而你只是親戚做教育，完全並沒有親身經歷做幼教老師的經驗，我並唔係只係睇表面的，我為幼教老師唔值，做得咁辛苦，家長居然認為好多野都係家長義工做晒，老師好似被講到行行企企咁囉，你話我睇表面，我睇既，講既已經唔止淨係環境佈置，我而家係講緊行政內部問題，始終你冇幼師牌，你係主觀的睇表面野，你亦未經驗呢行景況，一味只係聽人講，聽人講，而家唔止係討論咁簡單，你地已經睇低左幼教老師了，認為能力不達就離職。我並不是唱衰任何人，只係為全部幼教老師不值，既然你講到你個名校姑仔同我講有出入，何不自己入學院讀個學位返黎，註埋冊，感受一下幾年先換一次牆畫，高班先出工作紙比小朋友做啫

lovedebby

原帖由 Zoie_mum 於 14-08-31 發表
本帖最後由 Zoie_mum 於 14-8-31 08:05 編輯

回覆 lovedebby 的帖子

你知得比我多又如何吖
不知你又是什麼身份呢？你不是家長身份就不要話家長覺得老師工作輕鬆啦。
要了解一份工作，更係身在其中最能了解啦，但並不等如其他人不了解，你真的好偏激。我從沒有在言語中說老師工作輕鬆行行企企，你不要 彎曲人地說話，如你是老師的話，真的...........
Anyway , 我也不會再回應你的了，因不是討論了，為何要激動到吵吵鬧鬧。你這麼熱心為老師，為何不去學校反映，而在這鬧家長不體諒老師呢，算啦，講完

Zoie_mum

回覆 lovedebby 的帖子

希望你真係算數同明白，諒解老師既工作量，幼教既辛苦係真係一定要身在其中先能了解，我並不是偏激，我係為幼教老師辛苦，要明白部份老師做到11，12點係事實，並不是只係畫幅牆咁簡單，當然空降落黎既校長真係唔可以隻手遮天，但少林寺委派上去既校長，要愛錫你地既前線同工，我亦希望小學既高校長真正體諒老師，家長亦都係一樣，我想表達對家長，唔係話唔體諒，係要明白老師囉，至於我係唔係家長，老師身份唔重要，最重要係將幼教老師工作既透明度比家長知，唔好睇小或睇輕老師既工作量囉。如果反映係令學校處理既我唔介意亦唔怕去做，如果學校去處理，那點解連資歷深既老師都要離開呀…自己諗下啦…凶穴來風，未必冇因架。

terry3914

給所有舊老師, 舊家長: (本人是舊生家長)
其實學校已經是社會既缩影.....呢個樓主寫出呢個題目....仲要話為老師不吐不快~~你作為家長就應該正面去面對任何問題, 而不是在這裡說是說非......永遠不斷解決難題, 不怕辛苦先會有進步......如果他日自己子女又話工作辛苦, 又話老闆洗死人, 做唔掂.....又轉工 ! 如果你們這埋家長只識把責備推向他人...那小朋友也跟你們一樣的~~~
出色的家長, 家教....有出色既小朋友 ....這是理所當然的
2013-14年度有一百幾個畢業生......小朋友都是很開心離開學校的........
學校行政內部有內部運作方向,不輪到我們去評論.........你們行為都是也是十分三八C9既行為....唔好再咁無聊......PATPAT 痕啦.......