馬鞍山boxhill同九龍塘樂基，兩間都是PM offer，點選好？

HarrisWan

回覆 HC-Mum 的帖子

Agree

puikit2012

原帖由 Aphrodite 於 14-01-11 發表
可以去樂基果版睇下

多謝你提點，頭先花好多時間我全部睇左。的確有很多有用的infomation。宜家心越來越偏向樂基，呢度仲要多謝甘多位以上給我意見的好心人。Thanks for all your generous sharing!

puikit2012

原帖由 HC-Mum 於 14-01-11 發表
樓主打算比小朋友小學讀什麼學校? 若是國際, 那麼當然是又近又不錯的BH. 但若是TARGET津校/直資, BH的中文 ...

我本來打定主意一定唔會讓我小朋友讀international school，因為有他家姐的前車之鑒。姐姐宜家係esf讀緊。中文就真的比較差，關鍵是她還不喜歡用中文寫 。寫開什麽都是用英文。但呢條路，姐姐由幼稚園到宜家五年級，行到真係翻唔轉頭。所以，對仔仔我希望他中英兼備，不要重蹈覆轍。本來一心希望他能入到本地名校。但經過這段時間對香港學校的了解，我自己都開始驚，我驚以後我自己都未必接受到這麽催谷的教育。同埋我小朋友這麽細，真係沒有甘快知道他適合哪一類的教育？不知道讀左樂基日後有冇機會入國際學校呢？（我怕我到時後悔都來不及，因為宜家國際學校也難入）

HC-Mum

我不是hkps用家，不肯定是否完全正確。但以我所知hkps有net做班主任，又是小班教學，語景很不錯！若家姐可和仔仔日常以英文溝通，我相信oral english 在考year 1時應該可以應付的。教學模式方面，hkps好像也是活動教學為主的，train小朋友自信及presentation skill應該可以的（這點請樓主clarify).
以此推斷，有家姐帶來的esf interview priority, 再加IS看重的language fluency 再加合esf的性格（相信樓主最明白），入esf應不會因入hkps有太大影響吧。

gillielam

puikit2012 發表於 14-1-12 01:35
我本來打定主意一定唔會讓我小朋友讀international school，因為有他家姐的前車之鑒。姐姐宜家係esf讀緊。 ...

我Case同你剛好調轉，姐姐在傳統龍校讀小一，課程很谷，小朋友要一直keep住狀態，家長很大壓力協助，因為一跟不上，老師會＂善意提醒＂，怕之後跟不上更差，所以爸爸想細囝讀國際學校，但外面競爭太大，我就偏向返姐姐度如果你想囝囝讀傳統名校，就選一間中英並重的，你應該比我更清楚中文比英文難學好多，其實樂基雙語並重，我自己愛小班教學，只要不介意遠一點，我係你會選樂基，我不清楚BH課程，如果中文比較少，小一會跟不上
因為小一大多普教中，我自己今年只選有英普的幼稚園，樂基都係我其中一間有報考，但收reject, 火炭因為冇校巴，所以冇報，還好已有一間英普offer

phoebewong123

原帖由 puikit2012 於 14-01-12 發表
我本來打定主意一定唔會讓我小朋友讀international school，因為有他家姐的前車之鑒。姐姐宜家係esf讀緊。 ...

我覺得你有大女讀國際學校你要諗下你如果2個都讀經濟有冇問題，因為可能要去外國讀。而且，大女讀國際輕鬆d，細仔讀傳統，細仔會唔會好唔明自己點解咁多功課咁辛苦家姐就唔係？
因為我有朋友都係咁，大仔就讀耀中，細女讀德望，細女辛苦到死又見阿哥好開心，最後個細女讀左年幾都轉左去耀中

Deutsche

想問下小一d中文係有幾谷？我都有擔心過如果讀較偏重英文的kg如bh, 是否中文會跟唔上，但另一方面諗，返學每日先3小時，在家時間長好多，我唔係工人姐姐湊，家庭以中文為主，咁平均自己在中文補足其實可應付現時傳統小學課程嗎？雖然我都傾向讀is,但驚入唔到，都要諗定入返local school是否跟得上

gillielam

回覆 Deutsche 的帖子

我地小一10月第一個中文test已經不供詞填充，要記得課文生詞同懂運用，一大篇閱讀理解，要識睇晒，考國語拼音，廣東話+國語聆聽和會話，如果kg時認中文生詞和理解不好，國語聽不明白，一定跟不上，我地test, exam仲要老師不讀題目，數學常識都係中文題目，題目都唔識睇一定唔識答我囡以前谷英多於中, 英文完全跟得上，但而家要惡補中文同國語，所以阿囝黎緊希望早d打好中英底子，小一冇咁辛苦

Deutsche

多謝你的意見。時代唔同了，以前家長驚小朋友讀中文小學上到英中會跟唔上，依家係英文kg但因小學程度太深連中文都跟唔上，其實bh可能因為係happy school, 真係未必適合銜接local小學

gillielam

如果你能額外谷國語認中文就ok, 阿囡中文跟得上嘅同學都係kg時一對一學國語，有同學kg時英普，小一都會跟得上

puikit2012

原帖由 HC-Mum 於 14-01-12 發表
我不是hkps用家，不肯定是否完全正確。但以我所知hkps有net做班主任，又是小班教學，語景很不錯！若家姐可 ...

以你的睇法，看来讀樂基是進可攻，退可守啊！第日國際，local的學校都可以去試下考。同埋多兩三年觀察下小朋友，看他適合哪類教育都幾好啊！不知道讀樂基之後小朋友通常會去哪些學校？呢度有冇人了解呢？

新人物

lilbabe 發表於 14-1-11 16:11
我係mos bh VS 沙田樂基。無報任何九龍區因為怕遠，但而家連沙田樂基都有少少猶疑，因為bh本身已經好好，又 ...

沙田樂基由火炭站行去一程都要10~15分鐘

lilbabe

原帖由 新人物 於 14-01-13 發表
沙田樂基由火炭站行去一程都要10~15分鐘

我揀左碧濤，近我啲。不過都係要行，如果翠湖個位就好啦

puikit2012

原帖由 phoebewong123 於 14-01-12 發表
我覺得你有大女讀國際學校你要諗下你如果2個都讀經濟有冇問題，因為可能要去外國讀。而且，大女讀國際輕鬆d ...

我覺得男仔可以tough d。同埋讀國際學校中文真係好難追上普通學校嘅水準。再講等仔仔大到識比較嘅時間，女女應該差不多去到大學了。應該冇機會比阿仔見到家姐輕鬆的一面。不過其實慢慢開始覺得讀國際學校並不是避風港，女女都開始多嘢做。做一個report需要自己上網search好多資料。我其實最介懷讀國際中文會弱嘅問題。我食A歺咁多年，是時候轉下口味啦！我諗我目前會選樂基。Anyway，都會去留咗位先。

happybbpig

gillielam 發表於 14-1-11 22:51
其實我會建議你先要知道自己最著重那方面才能比較，學術？師資？活動教學？地點？升小派位？名氣？如果你好 ...

你兩bb的mama係度, 揀校有經驗, 我可以問多少少嗎?我都諗緊點揀好? 同意mama講的最緊要是bb適合那間學校教學的方式, 我地兩個都返工, 想bb讀全日的, 學下自理咁, 但又怕學術唔夠啊, 2歲出去補英文係咪好普遍?

gillielam

happybbpig 發表於 14-1-15 11:04
你兩bb的mama係度, 揀校有經驗, 我可以問多少少嗎?我都諗緊點揀好? 同意mama講的最緊要是bb適合那間學校教 ...

對於＂補英文＂，因為我囡幼稚園時英文課程很淺，我從3歳起就跟她在家常看英文書，看英文卡通，在外一星期學一日phonics, 5歳學combridge, 升小一前暑假得閒做下小一練習練自己睇题目，小一考試結果不錯，其實我都係一星期才返一小時英文興趣班（其他人可能好谷，我就唔想小朋友太多＂補習＂），普遍個個都會在外上一個英文班，當多個機會聽下英文~ 我覺得所謂最適合各人有自己定義，我先選課程，在家附近有合適課程kg嘅offer後就冇apply其他學校，因為我是ftm, 想多親子，自己接小朋友，如果全日班最適合照顧小朋友就ok呀，我都有朋友俾小朋友讀仁濟嘅全日班，自理能力好好，可能對住老師時間長，in k時又定又懂同老師溝通對答，好多不錯學校都收左

happybbpig

gillielam 發表於 14-1-15 12:06
對於＂補英文＂，因為我囡幼稚園時英文課程很淺，我從3歳起就跟她在家常看英文書，看英文卡通，在外一星期 ...

你有心機自己教當然好, 但我沒有咁細心啊, 放工返去都倦到c, 仲要同佢讀? 我都唔想咁快出去補習, 但四周d人都補, 無計啦, 你上邊間phonics? 多學校收你bb又唔錯啊, 咁你揀邊間k1讀啊?

gillielam

其實要小朋友語文打底好，只靠學校同補習真是不夠，3成學校7成家長，始终他們還小，很需要父母陪他們學習，除非你小朋友能力特别高，我見太多小朋友學校課程好好，但父母冇花時間同小朋友睇一下，小朋友就好易忘記了，其實一星期花兩晚一點時間一同看書，對小朋友已好好，就算補習完返來都要同佢花少少時間review才有用~ 我细囝9月先開始PN, 希望K返到姐姐嗰間，有多K offer的是我朋友, 不是我