York除了教私小/直資好外,仲有什麼好?

TeriAnla

呢幾件事，你了解幾多？
領洗團不道德？sorry我係天主教徒，我眼見每年都好多不道德，唔係剩係呢件新聞和呢間學校。如果父母當年上當了，我只可以講父母不道德亦冇知。天主教有分已經幾十年，唔係早幾年，每年大把人因為呢5分去領洗。天主教堂區區都有，隨時入去問下都知領洗詳情，點解禁都信學校領洗團可以辦得到？
校長家人啲嘢，我相信同老師教得好唔好係兩回事。樓主唔係問間學校教學好唔好嗎？
禁有錢嘅家族，僭建我唔會覺得有危險，因為佢地樣錫身。出名了自然有人報導而已。
校舍問題仲奇怪。一向呢兩間學校都係同一家族管理，報紙只報導York用人地校舍，但就冇清楚講呢個building其實同係一個教育機構，亦冇提過城規會唔批York雅息士道用了只有一年的新校舍，所以導致今年學校內部班房安排，連一向極受歡迎的多元智能班都冇得如期舉辦。
我想問呢啲種種，對學校公平嗎？

bbrmb

原帖由 TeriAnla 於 13-10-08 發表
呢幾件事，你了解幾多？
領洗團不道德？sorry我係天主教徒，我眼見每年都好多不道德，唔係剩係呢件新聞和呢 ...

呢位家長滿口歪理，僭建都唔危險就唔叫僭建喇！為左錢任何事都做得出既學校，他日有任何事發生在你子女身上，千萬唔好埋怨任何人，自己揀既！

bbrmb

原帖由 cherryird 於 13-10-08 發表
其實我唔理呢d新聞，總之老師教得好便好

教得好既學校很多，正確價值觀比學術重要得多。你能接受子女為求達到目的而不擇手段甚至挺而走險嗎？如是，York真係好適合你。

小曳人

個人覺得，york因為太多負面新聞，所以好多人唔會報，又~學額都多，學貴亦唔平，所以絕對係好好嘅後備，好易有offer

選擇學校，無啱定唔啱，只有適唔適合，你鍾意時未必啱我，所以大家...平心靜氣...

ppsfung

bbrmb 發表於 13-10-8 17:22
教得好既學校很多，正確價值觀比學術重要得多。你能接受子女為求達到目的而不擇手段甚至挺而走險嗎？如是， ...

雖然對校長的做法我不是完全認同, 但我認為你咁講太偏激了.
學校沒有教過小朋友做任何不擇手段或犯法的事, 我所見的YORK畢業生品德都很好.

教學生的是老師, 不是校長, 就算老闆人格有問題, 不等如下屬人格有問題.
而幼稚園教學課程是都是圍繞學術和品性, 校長的負面新聞都是她的私事, 跟教學課程沒關.

YORK的學術課程安排我很滿意, 我小朋友是超細B都能吸收到.
在品性格方面, 學校會朔造到小朋友思想正面, 開朗不怕羞, 不論是否打算考私小, 善於表達和開朗樂觀外向, 對小朋友未來處世做人都得益 .

學校會在不同方面幫小朋友考小學, 谷學術, 教小朋友主動, 多閱讀, 做慈善工作, 做profoilo, 考公開試.....
慕道班只是眾多活動其中一項自願性項目, 就算這方面你認為是"不合法", 不等如整個教學方法是不擇手段.

至於考公開試拿證書考小學, 學校是開設額外課程去幫小朋友考試, 家長和小朋友要付出時間去預備才有好成績, 完全是靠小朋友實力去應考, 學校又不是教小朋友作弊來取得好成績, 只是自小令他們了解, 讀多D勤力D有好成績, 才能獲好學校垂青, 價值觀正確.

歐文

蘋果日報
A12  |   港聞  2005-10-31
標示關鍵字  



迴避教統局批准開辦額外收費英語班　約克幼園校長被指走法律罅  




【本報訊】幼稚園巧立名目收費手法層出不窮，九龍塘名校約克英文小學暨幼稚園以與校外補習社合作為名，毋須申請便可開辦收費逾三千元的劍橋英語班，但原來經營補習社的董事正是校長本人。教育統籌局稱正調查事件，校方則說一切按當局指示而行。教育界人士質疑有人利用條例灰色地帶，迴避經教統局批准便開辦額外收費課程。記者：羅偉光陸羽平

約克提供的劍橋英語預備級課程是與一間名為繽紛補習中心（前名藝研社）的機構合辦，課程共十八堂，每周三節、每節三小時，收費三千三百四十元，主要教授幼兒英文詞彙，熟習考試模式、技巧及口語應對。

按照《教育規例》，幼稚園需獲教統局批准才可開辦額外收費課程，由於約克聲稱上述課程是與補習中心合辦，故毋須事先申請。不過，本報調查發現，繽紛補習中心董事為馮禮城，而馮正是約克英文小學暨幼稚園的校長，而經營繽紛的益倡有限公司，馮亦是董事之一，另一董事為譚淑賢，譚同時是同系約克中英文幼稚園校長，益倡也是以約克中英文幼稚園九龍塘約道十四號的校舍為登記業務地址。

「相信教統局唔批」

香港幼稚園協會永遠會長胡肖霞稱，校方人員透過私人公司與學校合辦收費課程是否需申請則屬灰色地帶，她認為這做法「唔係咁理想」，「呢啲課程唔算常規課外活動，相信教統局唔會批准開辦。」亦有幼稚園校長質疑有人走法律罅，「以興趣班名義收生，學生放學後多留喺校內幾個鐘頭，即係變相全日班，學校就唔使另外整個廚房同配套設施，成本少好多。」根據教統局資料，約克並無開辦全日班。

反指家長要求合辦

約克英文小學暨幼稚園回覆本報時承認，暫未有向當局申請開辦劍橋英語興趣班，並指上述課程是應家長要求而邀請繽紛合辦，僅屬試驗性質及自願參與，而繽紛是領有註冊牌照的補習社。約克又稱，繽紛的校董會成員與該校校董會成員完全不同。

教育界立法會議員張文光認為當局應深入調查，「如果有人以合辦課程名義收費，實際上另起爐灶去避開政府嘅監管，反映審批制度存有漏洞，令人可巧立名目收錢。」政府對幼稚園的監管一向被指粗疏，數年前連續發生多宗幼稚園濫收雜費及超額收生醜聞，審計署更揭發幼稚園藉各種雜費牟取暴利，當局才修例加強保障家長權益。