為何直私就係喜歡外向, 對答如流既小朋友?

lmb_lcm

同大仔今年第一次玩直私遊戲, 新手年頭時咩都唔識, 成日上EK爬文, 衣家玩到尾聲, 心裡有些疑問, 希望有經驗的父母們解答一下
見到有人入到好多final round/有offer, 亦有人咩都無 (大前提係大家都係名幼生, 大部份家長都有追求學術) 有感比較出名既直私都係偏好(非100%選生標準, 但經觀察都大部份) 比較外向唔怕醜, 談吐得體, 對答如流既小朋友. 有時睇返大家D面試video, 都會讚嘆多2nd in/有offer既小朋友都係屬於淡定談吐流暢, 舉止成熟既

其實點解出名直私偏好呢類小朋友呢? 係咪呢類小朋友真係未來容易會有成就? 又有人同我講, 其實最後高小至到DSE都要鬥讀書 (咁當然都有性格同soft skills), 又有數據話dse成績其實名津仲亮麗. 又有人話根本唔關事, 只係出名直私唔想湊未成熟既小朋友, 同埋都鐘意叻講野既人幫佢宣傳校威.
咁我又唔明, 大家最後想成績好又唔係搵學術強, 定學術強既都係靠父母谷既, 講野叻反而先test到小朋友真係聰明? 又有人話識人成手強校offer, 最後入左神校又平平無奇, 媽呀我好混亂

其實我反而怕係自己小朋友比較內外, 未夠成熟, 談吐又未夠好, 係咪第日會輸蝕呢?

我自己都唔係好理解, 要幾千人爭百幾個位, 對於學校黎講, 真係唔易揀, 我都知呢個問題無標準答案, 但又真係疑惑左好耐, 真心請教

QLCM

回覆 lmb_lcm 的帖子

我都想知點解小一揀人就多數唔係想睇學術，但係小二考插班就做卷純學術，何解呢？

Babyfungmama

考小一基本上每間都睇學術，學術無返咁上下根本考唔到直資，二線私校可能容易少少，一線直資或私校想入到又要學術好，又要唔怕羞，除非運氣好好，個樣超可愛，老師一見到就超鐘意

Charlotte_mom

傳統式學校較單向，可以話同檯食飯各自修行
近年學校傾向雙向學習，即有討論、自我完善、什至講到flipped classroom（即孩子自學理解後返學為發問）
當大催勢係咁，學校自然地會希望吸納鐘意自學、學發問、但又配合到班房秩序嘅學生，學生越投入，整體教學完成度至能提高（即講得白d可以教深d試多d）
所謂享受學習又能提升教學質素就係咁練成

唔擔保對每一個學生都effective ，亦唔代表面試收返嚟嘅一定係最好，但我認為學校嘅目標係如此，越要求自學自理嘅學校越係咁

至於未有直私offer的，亦真係唔代表inferior，只係在速配遊戲中未能佔盡天時地利人和吧了

HappyCheerBaby

考直資、私小係一個matching game, 外向、對答如流既小朋友在面試中容易表現到自己及吸引老師注意，但唔代表一定有offer, 有D文靜學生或觀察型學生一樣可以考入神校，最終有無offer, 都要夾埋天時地利人和因素。

DengCK

其實同speed dating無乜分別，短短時間問你幾句，好傾、感覺開朗願意分享自己的事，會比較令你想更深入了解。

問你每次答得兩個字、緊緊張張自然next one

DengCK

QLCM 發表於 20-12-31 19:50
回覆 lmb_lcm 的帖子

我都想知點解小一揀人就多數唔係想睇學術，但係小二考插班就做卷純學術，何解呢？

點會唔係睇學術？

小一面試好多時第一round就係考學術（例如男女神校以往的第一round,女神校的做工作紙、全港最多人報的TSL等）。到第二round就睇性格對答合群眼緣。

所以學術不好，好多時first round已被out。但當然，K3學術勁極有個譜，到插小二時，讀了一年小學，應該學到好多野，就當然更重學術了。不過以我所知小學插班考學術都只是first screening

Yuenfamily

其實絕大部份直私小一面試時都很重視學術，但感覺名小神校同時會看重小孩的潛力
良好學術除了反映小孩有良好學習能力，亦可推斷其家長有心培育子女，這是家庭潛力。而不難發現外向、擅於溝通的孩子有主動學習的優勢，他們會問、會反駁、不怕面曚，較勇於面對失敗，這些都是很強的學習戰鬥力

bird06

學術係直私first round已揀左，外向、活潑、主動，無疑較易吸引注意，可能較易有正選offer.

但小朋友只有一個pat pat, 內向小朋友最後都可以有好多offers, 亦可以有神校offers

加油(emoji)(emoji)

yiqiyihui

表達能力好某程度表現領悟能力高，語文好。呢啲都係有利學習因素。太內向表現唔到出嚟, 喺有限時間之下就冇辦法了

小曳人

學校都會想客觀評分，响呢個量表上面，一定係評一d表現，唔會對無表現評上分數

一個內向、慢熱、觀察型，甚至愛因斯坦，都唔會容易得分
學術，只係部分評分，但小一又唔可以筆試....

JojoDad

HappyCheerBaby 發表於 20-12-31 21:27
考直資、私小係一個matching game, 外向、對答如流既小朋友在面試中容易表現到自己及吸引老師注意，但唔代 ...

係，坊間流傳一名校，就係困住一大班考生在一個班房內，裡面有玩具丶樂器丶中英圖書等，然後睇佢地做D乜，有無爭執，自動攞玩具玩定靜靜睇書，然後心裡有數了。 其實考中學也如是，我個女舊年考其中一間女神校(中學)，早上8點全部8∞人入哂去，十二點半先放人，中間分開唔同班房等，等4個鐘啊！其中睇下你等嘅時候做乜？玩手機？睇書？畫畫？做功課溫習？校方全看在眼裡。去到尾，又乖丶又文靜，讀書型梗著數D。

DengCK

JojoDad 發表於 21-1-1 13:06
係，坊間流傳一名校，就係困住一大班考生在一個班房內，裡面有玩具丶樂器丶中英圖書等，然後睇佢地做D乜， ...

女神校小學我識至少兩個朋友女都係純玩玩具無睇書都入到。呢間學校第一round考既野已經test到小朋友有無睇開書。

sunnymama2

好簡單，學術可以操，唔需要太叻（大前提係有基本學術就足夠），性格就難操。

karenaleung

lmb_lcm 發表於 20-12-31 19:36
同大仔今年第一次玩直私遊戲, 新手年頭時咩都唔識, 成日上EK爬文, 衣家玩到尾聲, 心裡有些疑問, 希望有經驗 ...

內向（觀察型）唔緊要，不用好多野講，但也不能不出聲，要有反應的。小朋友性格天生，不需要去改，反而發掘優點，加以培養，會有驚喜。
我同意樓上講，神校揀能力及性格，並不是要學術點樣超前。

fadgare

sunnymama2 發表於 21-1-1 14:27
好簡單，學術可以操，唔需要太叻（大前提係有基本學術就足夠），性格就難操。 ...

agree
成熟/健談/自理良好=少社交/行為問題
揀這些學生，可以減少學校/老師麻煩+負擔
假若真係讀唔掂，有些自己都會走
收插班生咪再收啲學術勁嘅填補
學校真係無咩損失，反正大把人排隊補上

deco99

因為有太多人可以揀，小朋友講野叻都係種能力。內向嘅小朋友係蝕底，你唔講學校又點知你識。

考小一一定有錯配，無理由小一定終身，唔使好介意結果。

NNbaby

DengCK 發表於 21-1-1 13:21
女神校小學我識至少兩個朋友女都係純玩玩具無睇書都入到。呢間學校第一round考既野已經test到小朋友有無睇 ...

女神小唔係想搵淨睇書既學生，舊生聚會上現任校長講既

happypapa11

NNbaby 發表於 21-1-2 01:13
女神小唔係想搵淨睇書既學生，舊生聚會上現任校長講既

女神小搵什麼類型既學生？好奇
進取自信型？

DengCK

happypapa11 發表於 21-1-2 04:22
女神小搵什麼類型既學生？好奇
進取自信型？

自信、淡定大方、開朗活潑、學術好、表達力強