請問黃大仙區有冇少新移民既學校

a011c20

7月去左參觀最近屋企既小學
問左5位學生, 話上到小五基本上係普教中
我再去問老師
老師估到我我問咩, 好小心咁答我
中文默書會用2次普通話默, 但係最後一次會用廣東話覆讀

我覺得普通話堂先教番普通話無問題
我唔需要囡囡入咩名校
只可想佢讀得開心, 學番正式既廣東話
而唔係草莓 / 西紅柿

拿拿利

其實只需要問學校你們是 "普教中" or "粵教中" 就可以了.

a011c20

好呀THX

KiKi0817

黃大仙大多數係普教中

ReginaL

可以參考一下(emoji)(emoji)
【普教粵教中】一文睇清　全港直私及官津小學中文科教學語言
https://www.hk01.com/article/365994

恐龍爸爸524

a011c20 發表於 19-8-17 03:52
7月去左參觀最近屋企既小學
問左5位學生, 話上到小五基本上係普教中
我再去問老師

其實你只要放下政治上既考慮 , 你只要當普通話係一種語言 , 個心就會好過好多。
我唔明白學多一種語言 , 對小朋友有咩應響 ?

點解學英文你就覺得無問題 , 學國語你就覺得有問題 ?

美美羊

英美澳加的人，都是學普通話。就是我現在的職場，能講到流利普通話，廣東話和英文的，都是最着數的人。唔通你想你的孩子將來被其他人比下去?放眼世界吧！不要因為你個人的傻想法，去截斷你孩子將來可以飛翔的翅膀，規限了他發展的空間。

ak1020

我明樓主講乜，佢唔係話唔學普通話，只是唔想普教中啫，普通話和廣東話都只是一種方言，用普通話教中文唔等於中文會好，因兩者沒有必然關係㗎，所以如以自己母語教中文係最好

貝珠

6,7,8 樓好似冇睇過用廣東話母語教中文成效好過用普通話的學術研究報告。

美美羊

貝珠 發表於 19-8-22 20:07
6,7,8 樓好似冇睇過用廣東話母語教中文成效好過用普通話的學術研究報告。
...

我自己是廣東話教中，另加一星期一堂普通話。我孩子是普教中的。雖然年代不同，我肯定孩子掌握普通話的能力比我好，亦沒有因為用普通話而阻礙學習進度，更沒有不理解的事情發生。
我很明白因人而異的道理，所以在香港，有不少人用廣東話學中文比用普通話學更好，是正常的。「愈來愈多學校及加長了解到，原來普教中對香港學童中文能力及成績無幫助。」只看成績很短視，一種語言說得好，是靠語境的。「我手寫我口」是廣東話做不到的。所以，我為我的孩子能用普通話學中文而學得好感恩。

美美羊

樓主的subject是「請問黃大仙區有冇少新移民嘅學校」，那你不應該問學校是否普教中，應該問他們每一級有多少新移民的學生。新移民的學生，不一定讀普教中的學校的。

egthm

並不讚同完全普教中，尤其讀古詩，古文，不押韻，好難讀好。廣東方言好多來自古漢語，根本可寫可讀。但同時又唔排除學普通話，散文用普通話反而學得很好。還有大陸中文寫法好奇怪，要學都要小心用。

miujoey

新移民多唔多要睇地區，觀塘黃大仙真係比較多。同學校是否普教中冇乜關係。

a011c20

ak1020 發表於 19-8-22 18:31
我明樓主講乜，佢唔係話唔學普通話，只是唔想普教中啫，普通話和廣東話都只是一種方言，用普通話教中文唔等 ...

多謝媽媽你明白我, 我無排斥過普通話, 的確廣東話 / 英文 / 普通話都係一種語言請放下玻璃心
除左政治因素之外, 我都有考慮各種情況, 係唔明點解香港唔可以用番自己母語教中文,
咁其實都係扼殺緊另一種語言
我希望學語言就學得正統D

普教中出黎既學生需要更多時間適應中文詞彙既應用, 係一個事實

拿拿利

a011c20 發表於 19-8-23 02:11
多謝媽媽你明白我, 我無排斥過普通話, 的確廣東話 / 英文 / 普通話都係一種語言請放下玻璃心
除左政治因素 ...

普教中, 如果家長本身對普通話完全唔識, 廣東話家庭, 如果幫小朋友溫書 ? 所以我選小學先決條件是 "粵教中", 其次是升中派位.

利申: 小朋友粵教中小學, 普通話科考試每次都 9X, 他用英文拼音去拼回讀普通話, 父母工作上完全不需要用普通話.