點解 band 2學校要分英文班,同中文班

CYWS

我仔派左一間 band 2 中學, 之前聽到學校講話分英文班,中文班各兩班, 但其實係唔係唔好呢 ? 噤樣好似標示左英文班好 D, 對個小朋友心理上分左去中文班就差 D, 開頭我都無唯意有乜影響, 但到我個仔分左去中文班, 佢就好似有小小唔係幾開心, 因覺得自己好似真係好係幾好囉 ! 跟住佢又自我安慰一番, 好在亞邊個 (即係佢六件班有個同學仔) 都同佢一班, 我都同佢講 "你英文又真係唔係幾好, 比你分左去英文班, 你都唔知人講乜, 你會好辛苦架 ! 你再下D苦功啦!" 希望我個仔真係諗得通啦 !

Horsebbj

如果全部是英文班， 這間就是band 1啦！多鼓勵小朋友比心機讀書， 下年就有機會升英文班

qkhui

我仔仔都係派了中中, 分班試後入了英文班, 其實真係唔知好事定壞事, 因亞仔中文比英文好, 我相信如入了中文班, 他一定會讀得好輕鬆. 依家我地只會順其自然, 如升中二趺了出來入中文班, 我們都唔會失望. 因只要係自己有把握的語言, 考試一定無問題. 所以樓主對仔仔解釋, 只要依家入到個班係自己有信心的, 就要比心機. 我識唔少朋友, 入中中, 都考到不錯的DSE成績. 入大學

qkhui

我仔仔都係派了中中, 分班試後入了英文班, 其實真係唔知好事定壞事, 因亞仔中文比英文好, 我相信如入了中文班, 他一定會讀得好輕鬆. 依家我地只會順其自然, 如升中二趺了出來入中文班, 我們都唔會失望. 因只要係自己有把握的語言, 考試一定無問題. 所以樓主對仔仔解釋, 只要依家入到個班係自己有信心的, 就要比心機. 我識唔少朋友, 入中中, 都考到不錯的DSE成績. 入大學

王家爸爸

CYWS 發表於 14-8-9 10:22
我仔派左一間 band 2 中學, 之前聽到學校講話分英文班,中文班各兩班, 但其實係唔係唔好呢 ? 噤樣好似標示左 ...

積極的看是因才施教，英文好D去文班，中文好D去中文班。

王家爸爸

qkhui 發表於 14-8-9 12:22
我仔仔都係派了中中, 分班試後入了英文班, 其實真係唔知好事定壞事, 因亞仔中文比英文好, 我相信如入了中文 ...

用自己最懂的語言學習是最有效的。

smallfoothk

用中文授課，上大學最好選本地/國語教學，如出外北上較冝，外國一般用英語，ielts取7分以上用中文授課中學真很有難度。

pineapple0983

非常簡單，因為間band2 想升呢 band1 囉！

Sindy

王家爸爸 發表於 14-8-9 13:22
積極的看是因才施教，英文好D去文班，中文好D去中文班。

係鬼英文好D去英文班, 係成績好D去英文班, 兩者有差異的, 之前有份文件係講英文能力編英文班, 但而家D學校就睇成績去編班... 中國人既影響比較細, 但對以英語為母語, 但係成績差既人, 真係死得

熙媽媽

我都覺得最重要係樓主點睇，仔仔點睇。總之讀得好，升到大學，入到自己想讀嘅科就得啦。
朋友囡囡中中，今年DSE5科26分，剛知入左中大理科。
個人真係覺得以下羅斯福夫人嘅說話好有意思：


“No one can make you feel inferior without your consent.”
– Eleanor Roosevelt, Former First Lady

「沒有人能使你感到自卑，除非你先同意。」– 埃莉諾‧羅斯福 (前第一夫人)


共勉。

熙媽媽

不過，希望樓主留意2件事：

1. 中三升中四選科，學校各科係咪仍然雙語，即初中教學語言會唔會影響中四選科。
2. 就算入唔入到英文班，英文底都要打好D，因為JUPAS院校好多計英文呢科個weighting係高D嘅。仔仔出年中一，KEEP住睇英文書，睇下英文節目呀！

sellse

原帖由 熙媽媽 於 14-08-09 發表
我都覺得最重要係樓主點睇，仔仔點睇。總之讀得好，升到大學，入到自己想讀嘅科就得啦。
朋友囡囡中中，今 ...

DSE分數(如數学/物理)，係咪中文考卷同英文考卷一樣咁計分？

goodenough

sellse 發表於 14-8-9 22:01
DSE分數(如數学/物理)，係咪中文考卷同英文考卷一樣咁計分？

係。用中文學習的是通常但又未必一定用中文考，英文學習的同樣是通常但又未必一定要用英文考，只要學校肯幫你報就可以。表面看來中文是母語，應該學習和考試都較容易，但偏偏香港的升中制度早已將不同學習能力的同學分開。上英中的band 1同學，在英語學習環境下都仍然可以應付自如，考試並不因語文問題而受拖累，應是同學在各方面學習能力較高的原故。
相反中中的同學有較多選擇，因此可作多幾方面的考慮，包括夠竟自己是語文方面的問題還是學習方面的問題？如果是語文拖累了學習的，可考慮選中文班算了。而且很多學校又以中、英、數的成績來分精英班和非精英班兩類。精英班或以英語為主要教學語言之外，中、英文的學習都要平均且不能太差，否則又會影響同學的學習和成績！

熙媽媽

sellse 發表於 14-8-9 22:01
DSE分數(如數学/物理)，係咪中文考卷同英文考卷一樣咁計分？

一如goodenough 答案，題目係一樣，評分標準都一樣，而且張CERT係唔會顯示你係用邊種語言作答。

DSE數學有D題目比以前長，成五行英文，如果學生英文差少少，去明條題目已經花左一D時間。另外，亦有題目要求你說明，以前CE要計就計，計完加一句半句說明就得，而家「運算」仍重要，不過都要語文表達力。
特別對BAND 2 學生，咁邊種語文幫到個考生「了解」同「作答」就係關鍵。

我之前提出中四選科是否雙語，只因有學校同一科會開多於一組，一班中，一班英。

有學校只開一組，老師上堂時全用英文書加中文筆記，講完英，再用中文講(或用中文講，TERMS先用英文等)。考試卷仍會出中英兩份，學生做功課亦應用佢揀左嘅語言。有學校幫學生候報DSE時會比學生再揀用邊種語言應考，點安排就要問番學校。

有學校只開一組，只用一種語言教，如果初中學生學習時唔係個種語言，中三升中四時要辛苦少少，溫番D生字。

或許你可以了解下仔仔學校點安排。

瑩瑩老豆

王家爸爸 發表於 14-8-9 13:26
用自己最懂的語言學習是最有效的。

但很多家長不是這麼想的, 就算中文班也要找普教中才開心.

瑩瑩老豆

CYWS 發表於 14-8-9 10:22
我仔派左一間 band 2 中學, 之前聽到學校講話分英文班,中文班各兩班, 但其實係唔係唔好呢 ? 噤樣好似標示左 ...

因為英中吃香, 做唔成英中都叫有英文班.

sellse

原帖由 熙媽媽 於 14-08-10 發表
本帖最後由 熙媽媽 於 14-8-10 07:39 編輯

謝謝goodenough&熙媽媽的詳細解答！

王家爸爸

Sindy 發表於 14-8-9 20:00
係鬼英文好D去英文班, 係成績好D去英文班, 兩者有差異的, 之前有份文件係講英文能力編英文班, 但而家D學校 ...

最後所謂的英文班可能要英書中教。

goodenough

王家爸爸 發表於 14-8-10 22:40
最後所謂的英文班可能要英書中教。

今天跟我們以前的年代有點不同，以往這情況還算是非常普遍，但今天學校和教局都會在不同階段和不同種類的方法來評核同學的學習進度，就算有都不能太隨意了。

瑩瑩老豆

王家爸爸 發表於 14-8-10 22:40
最後所謂的英文班可能要英書中教。

同以前唔同, 我個年代冇強行分中中/英中, 絶大部份都會叫英中, 但實際英書中教.
現在教局應會睇實, 搭D廣東話或者會, 完全用晒中文未必會, 同埋唔怕家長投訴咩.