夢碎

Boliviaisrael

轉載他人的

【明報專訊】為大女鋪路入名校，關禮傑舉家由大埔搬到九龍塘，5年後，名校夢碎，親子感情也受到傷害，夫婦倆醒覺，成績不是一切，他覺得家庭融洽更為重要。
關氏姊妹花令當初執迷「生仔」的傳統大男人徹底融化，變成了Yes Daddy。難怪關禮傑在訪問裏最後說了一句：「一個家庭，要有小朋友才完美。」
學業篇 名校夢醒來
「小時候我經過那間學校，覺得很漂亮，覺得它是間好學校。」關禮傑太太Anna說。後來當了媽媽，便順理成章為女兒部署入讀這間漂亮的學校。
關禮傑的大女Fabienne今年13歲，細女Franziska則6歲。他自言不是讀書材料，當懂得珍惜學習機會時，已經太遲。做暑期工時，負責在船塢剷掉船底蠔殼，弄得滿頭髒，畢業後又做過日站8小時的侍應、文員，後來被星探發掘才加入了娛樂圈。
當初舉家由大埔搬到九龍塘，也是希望愛女能接受良好教育，結果真的考進了心儀學校。「能考進去，當然很開心，既然大女兒能夠讀，便即管讓她一試。」關禮傑說。
結果，女兒有時放學後要補習，往往做功課至晚上8、9時，然後還要溫習，11時多才睡覺。聖誕、復活節假期都得為假後舉行的考試做準備，夫婦時常要催逼孩子溫習，溝通玩樂的時間也少了，親子間常發生摩擦。「女兒變得有點反叛，時常想：『為何我要這樣辛苦？』我覺得她的童年空間也減少了。」關禮傑說。
轉校改善關係
不單孩子辛苦，關太也感受到壓力。她道：「部分媽咪很喜歡競爭，接放學時，她們愛打探、比較：『你個女考試幾多分呀？』」她說從前與女兒有很多拗撬，但女兒轉校後，學會自發地做功課，彼此的關係也改善了。
提起從前，關太似有滿腔怨憤：「當然很多本地學校也有不少有愛心的老師，但也有老師當同學面前把學生的簿子撕掉落地，這會令一二年班的學生好驚。」
大女兒讀小三那年發生的一件事，令兩夫婦很傷心，因而萌生了轉校的想法。
關禮傑憶述：「有一次默書，女兒的分數不高（60多分），未至於不及格，但她不敢拿出來，總是說未派，後來我們知道她講大話，我好憤怒，好想她。每個人都曾講大話，但我很想她知道問題的嚴重性。」
教育篇 不是要「鬧到佢驚」
關禮傑苦口婆心地對女兒說出以下一番話，令她慚愧得哭起來：「無論發生何事，也必須說真話，我可以幫你。但假如你說謊，我便幫不到你。你是我女兒，我永遠也會相信你，你這樣會令我很傷心。」關禮傑謂：「最少她要相信父母中其中一人，這樣才會有溝通。孩子有錯時你要指正，不是要『鬧到佢驚』，而是要令他們感覺到，你做的事令我好傷心。」
關禮傑有感而發：「小朋友的成長不能只追求好成績，家人融洽也很重要。為人父母，養育第一個女兒，當然想給她最好的，但我和太太商量過後，覺得女兒失去了很多，她一年班就要戴眼鏡了，讀書壓力非常大。」女兒的成績原可直升小六，但姊姊眼見妹妹讀國際學校，學得輕鬆愉快，最後決定轉讀同一間國際學校。
溝通篇 向細女學「密碼」
關禮傑形容自己是個隨和的爸爸；太太Anna則笑說：「他是個Yes Daddy，細女平日要撒嬌便會找他。」放學回家，快要吃飯了，女兒仍想踏單車，母親不准，女兒即示威：「爸爸應承了我，他說可以的。」廿四孝老竇便會陪女兒到樓下踏一圈。他覺得，只有這樣，女兒日後才會對他遵守承諾。
關禮傑千方百計拉近與女兒的距離，縮窄代溝。 他努力學習年輕人的「摩斯密碼」。他笑說：「有段時間我返大陸拍劇，回港後發現自己聽不懂後生仔的說話，什麼『can（cancel）佢』、『好pro（professional）』。有時接女兒放學，會聽不懂她與同學的對話。她們的SMS也很簡短，要女兒教我怎麼看，原來GBY即是God Bless You。」
他又會設法與細女的同學仔「玩埋一堆」，一起玩麻鷹捉雞仔，實行投其所好。大年初二和一班細路玩捉迷藏時還撞穿了頭流血。他的信念是：「玩得熟絡了，才能容易溝通。」為免孩子覺得他不夠嚴肅，他又會在適當時候表現不快，發怒時默不作聲，孩子想哄他叫他過來吃東西，他會發晦氣地說：「唔食啦！」
親情篇 掛住囡囡多過老婆
關禮傑說：「返大陸拍劇，我會不太捨得女兒，我掛住女兒多過老婆，老婆不會不開心的。」不過，他亦知道女人要哄，所以每年情人節也會送花補數。
不再執迷「生仔」
女兒很懂得討人歡心，令這個當初執迷「一定要生仔」的傳統大男人有所改變，說現在喜歡女兒多過兒子。「可能是同性相拒，異性相吸吧。女孩子會跟你有多點溝通，男孩子則大多數很『百厭』。朋友的兒子便一星期入一次急症室，曾華倩個仔更從梳化上跳下來，以膝頭地，她笑說：『唔理佢呀！等佢自己受傷，下次就唔敢！』」情人節，細女特地畫情人卡送給爸媽，大女則摺了一個心，關禮傑也買了三份朱古力，送給太太和兩個小甜心。
「我盡量給你最好的」
女兒乖巧、窩心，但也最令爸爸擔心，關禮傑笑說，打從女兒出生的第一天開始，已擔心她會「蝕底畀人」。他記得，大女8歲時曾應承過他「18歲後才會拍拖」。「我時常對她說，我盡量給你最好的，但要求你懂事，分清事非黑白」。
一如其他爸媽，關禮傑不希望子女重踏自己走過的那段艱辛路，他期望女兒將來能學以致用，做個專業人士。「希望女兒有學問，知識要夠用、有修養。至於將來的擇業路向，就由她們自己去決定了」。
文：潘詠珊

袓安

記得佢個囡囡好似係讀maryknoll

鳳梨

同鄧藹林既case一樣, 佢大公子又係由喇沙轉去國際學校, 而加係港大讀緊心儀既學系

P-Ma

如果我像他們有錢，我都會送小兒入國際學校。

vickichan

入國際學校又有第二啲煩惱, 有時都唔係錢的問題, 到你送左佢入國際學校又驚佢中文唔得呢, 最緊要你覺得啱自己小朋友就得啦

sallysally

Which international are they studying?

ernestchow

I afraid like Edison Chan bad boy

G-Ma

我覺得唔係一定要送小朋友入國際學校先得, 主要係要量力而為, 好多家長都好想入名校, 有d小朋友係"谷"得既, 咁就當然無問題, 但有d係唔"谷"得既, 咁咪大人細路都辛苦lor, 不如退而求其次, 搵一間普通d既小學, 可能小朋友讀得更有自信, 讀得更好.

鳳梨

我反而唔覺得係名唔名校, 係制度問題, 即傳統教學就係傳統教學, 要多抄寫, 默書, 操paper, 間間一樣, 當然名校係有壓力, 因為大圍成績好, 課程又可能深小小, 家長要求較高, 我唔相信係傳統學校中有不勞而獲, 成績好既小朋友背後要付出好多時間溫習, 如小朋友唔受谷, 即唔愛抄寫, 唔多自動自覺做功課, 轉去另類既教學係唯一辦法. 你讀d所謂輕鬆既傳統學校點同人compete, 點上番英文中學? 除非所讀小學有中學啦, 但如果大家都係考香港既公開試, 想好成績, 又唔係要讀到死死吓, 係睇中四, 中五d學生, 個個都要幫襯出面d補習天皇,就知而家想係本地升讀大學競爭好大.

原文章由 G-Ma 於 08-3-11 10:45 發表
我覺得唔係一定要送小朋友入國際學校先得, 主要係要量力而為, 好多家長都好想入名校, 有d小朋友係"谷"得既, 咁就當然無問題, 但有d係唔"谷"得既, 咁咪大人細路都辛苦lor, 不如退而求其次, 搵一間普通d既小學, 可能小 ...

[ 本文章最後由 鳳梨 於 08-3-11 12:07 編輯 ]

ZZdaphne

原文章由 G-Ma 於 08-3-11 10:45 發表
我覺得唔係一定要送小朋友入國際學校先得, 主要係要量力而為, 好多家長都好想入名校, 有d小朋友係"谷"得既, 咁就當然無問題, 但有d係唔"谷"得既, 咁咪大人細路都辛苦lor, 不如退而求其次, 搵一間普通d既小學, 可能小 ...

agree.

唔係得名校和IS 兩種學校呀！！！！
亦唔係得兩種小朋友，讀書叻和唔叻！！！！

readers

Agreed. There are good local schools too! Our choice is not only between international or traditional local schools. Getting into an international school does not mean you will be trouble free. You may need to worry about too much freedom for your kids and they will be unable to master Chinese well. Many international school kids need private tution on Chinese.  

So it is not about whether you can afford international school, but whether it suits your kid and your family. Is the value conveying by the school match with yours?

Charlotte_mom

其實每一間學校都有長處同短處, 人地話好, 亦唔一定代表fit自己
想愉快學習, 就預左基本功會比傳統小學做得少
想打穩根基循序漸進, 就要"希"牲其他自由活動時間
好多傳統名校成績點點點好, 英文點點點好, 又可能普通話教得唔夠足
我朋友揀左國際學校俾個女, 雖然話日日有中文堂, 不過我朋友望住我個女d書, 已經嘆晒氣話個女一定睇唔明(今年g3, 已經有再讀kumon中文)
我同佢講, 算啦, 我個女夠睇唔明你個女d英文書啦! 一日得24個鐘邊有可能樣樣做到足呢!

701003

可惜，大部份家長都係名校死忠派

kidkidmum

There is no perfect shcool in this world.  Neither international nor traditional local education can solve the problem.   A person loves reading and learning is more important than pure holding an academic qualification.  

YongXin

夢0羊鬼野碎0者?

揀得傳統學校, 家長就要明白學習會多功課抄寫, 默書測考競爭大架啦. 父母就更加要有好好既準備, 正面積極0的同仔女一齊面對.

如果比唔到時間, 又無能力, 無心機無耐性教, 仔女又唔係傳統學習型, 就只好怪自己揀錯, 錯配, 唔好講到傳統教學咁得人驚.

pearjadema

原文章由 YongXin 於 08-3-28 10:47 發表
夢0羊鬼野碎0者?

揀得傳統學校, 家長就要明白學習會多功課抄寫, 默書測考競爭大架啦. 父母就更加要有好好既準備, 正面積極0的同仔女一齊面對.

如果比唔到時間, 又無能力, 無心機無耐性教, 仔女又唔係傳統學習型,  ...

Hello YongXin,

提外話, 你個女好得意呀佢幾多歲呀, 睇佢都似重磅BBo
我都有 2 個女架   都好可愛架

YongXin

多謝! 影相0個時7個月大, 響屋企爸爸影既. 啊女出世唔係好重磅, 6.5磅, 但係之後食得好好, bb時同埋一, 兩歲時係節瓜人仔來架.
依家6.5歲, 讀小一, 瘦到條藤咁.
我都鍾意女多0的 .

原文章由 pearjadema 於 08-3-28 13:35 發表


Hello YongXin,

提外話, 你個女好得意呀佢幾多歲呀, 睇佢都似重磅BBo
我都有 2 個女架   都好可愛架

pearjadema

原文章由 YongXin 於 08-3-28 14:02 發表
多謝! 影相0個時7個月大, 響屋企爸爸影既. 啊女出世唔係好重磅, 6.5磅, 但係之後食得好好, bb時同埋一, 兩歲時係節瓜人仔來架.
依家6.5歲, 讀小一, 瘦到條藤咁.
我都鍾意女多0的 .


...

Hello YongXin,

吓, 佢巳經讀P1拿, 仲以為佢係BB添真係估唔到佢現在瘦到條藤咁 .  幼稚園上P1辛唔辛苦呀, 我個大女今年讀K2, 9月簡小學都煩緊讀咩學校好呀

YongXin

咁就梗係無讀幼稚園0個時咁無憂無慮架喇. 我覺得唔辛苦, 唔下苦功, 知識點入腦? 我家大小姐幼稚園教得好, 小一準備做得足, 我又花0左好多心機, 所以總算順利過渡傳統學校小一.

原文章由 pearjadema 於 08-3-28 17:09 發表

Hello YongXin,

吓, 佢巳經讀P1拿, 仲以為佢係BB添真係估唔到佢現在瘦到條藤咁 .  幼稚園上P1辛唔辛苦呀, 我個大女今年讀K2, 9月簡小學都煩緊讀咩學校好呀 ...