- 在線時間
- 113 小時
- 最後登錄
- 23-12-2
- 國民生產力
- 0
- 附加生產力
- 3157
- 貢獻生產力
- 0
- 註冊時間
- 11-8-30
- 閱讀權限
- 10
- 帖子
- 1687
- 主題
- 92
- 精華
- 0
- 積分
- 4844
- UID
- 796073
 
|
因為係 BK lee 到得過好多家長幫助，解答好多我既問題，所以我想將我知道學之園既資料，講出黎，比大家做參考。  (PN Interview) 學之園面試過程比較耐，大家要預左只係面試過程都 45 分鐘，未計等候時間，好彩當日 PN 面試，我早去 30 分鐘，佢地即刻安排面試，唔駛等到預定時間，所以當日我面試既流程都順利同快，完全唔駛等！ 面試分三 part, 第一 part: 老師一對一面試部份，家長可以坐係小朋友隔離，用廣東話考小朋友對答同常識，問既都係生活上既野，平時同小朋友，每見一樣野都教同解釋便可，仲會考顏色，同拎住枝顏色筆問係乜野！拎住枝牙刷，問小朋友係乜野，公仔娃娃口渴，用乜野比佢解渴，刀叉湯匙逐樣問，枱面有好多野，未能一一盡錄！  第二 part轉入另一間房, 4個小朋友自己坐一行，家長坐小朋友後排，以英文問問題，考小朋友獨立性同主動性，小朋友主動行出去拎物件做 matching, 全部真實物件，唔係玩具假野，有奶，雪榚，麵包，生果，我果場，超多小朋友喊！ 第三 part 轉入另一間房，校長接見 (我最欣賞），家長記得問問題，有老師在旁 mark 分，記住 lee 間學校好注重家校合作！報告完畢！ 因為學之園係雙班主任制，中文老師同 net (native English speaker) 一齊授課，所以每班都會有 net 係課室，pn 已教 letterland (phonics)，師生比例係 3:28, 開學期間，另有 2 名助教，正式上堂，我就唔知仲有無助教  學校好有 heart , 同有計劃，平衡係重點，希望家長不要過份偏重學術，中英文都要平衡，唔可以偏頗，同樣重要，課程統籌部門做得好，能夠愉快學習，緊密既家校合作，算係學之園特點！
 學之園有好多 learning kits 比家長，開學已經比左中文字卡，英文 letterland cards, 數數目既遊戲樂 (一樣野包括顏色分辨，小肌肉訓練，數目 counting) ，letterland 書比小朋友 painting, 中文兒歌 (連簡單樂譜）, 英文兒歌，每星期有中／ 英文歌 video 比家長 (係高年級小朋友錄製，校長話升上去後，每位小朋友都有機會錄影），另有中英文學校書本派發係屋企睇 (好似每2個月就派一套新書），中文書仲好有特式，如班主任姓黃，書入面老師又叫黃老師，書入面圖畫仲參照學校環境繪製，例如滑梯係一樣樣！因為我係 pn 家長，開學只有一個月，知道唔多！ 2013-14 PN 學費 $4,400 X 12 個月，加一年 $1,200 書簿費 (學校每2個月，派一套親子遊戲樂），校服幾十蚊一套，書包係送既
 |
|
發表於 13-10-2 23:40
