95網:將軍澳天主教小學程度如何?

Snafkin

其實六月底時去聽另一小學講座時，有家長語帶批評地向校長發問的說：「妳地學校課程咁淺，幾年級先會提升番吖！」（備註這所學校是網上所謂架二線熱門小學）結果校長好nice好好態度咁回說：「其實所有學校課程都統一受教育局指引的，課本程度適中，只係近幾年的幼稚園教程深左，好多時老師教完，家長以為小朋友就識晒，其實唔係咁，小朋友可能表面識左，但未真係明同懂得運用。小學就係要強化佢地架認知同運用技巧。」

純個人分享引証校長此言非虛：
我仔有個同學，佢媽咩都要鬥贏我仔咁，K2見我教我仔數，佢又唔諗佢仔數感點，又唔理數學係一回咩事，一味操佢直式加減數，係呀！小朋友日做夜做，最後加減計得好快，快過我仔好多㖭！佢媽以為佢仔好叻，好自豪，但當問佢好簡單運算，佢就唔識，例如話六件蛋糕比二個小朋友食左，淨番幾個蛋糕吖！小朋友跟手呆站一邊，唔識。到K3見我都教中文，佢地又係咁教中文字，係呀！佢真係認到好多字，但唔係真係明個字架意思，叫佢做中文填充，好多唔識。

純個人見解，教學深淺反而次要，重點還是校授方法與學生資質...

Snafkin

回復 tungsfamily 的帖子

其實間間學差唔多，而且學校只係扶助性質，主要係睇小朋友資質，叻架去到邊都可以學到野，都可以發揮得好，冇咁叻架，比間最top你又點。選校其實應選校風，敎學、程序穩健就係可循序漸進地啓發學生架潛在力。過往數據係過往學生架，關d學弟學妹咩事，大抽獎同自選係吸入最多學生架，吸入架學生對學校冇保障，每年質量有好大參差，咁數據不就只成為數字遊戲，再講，學校又唔係今年先冇報實數，為咩入左先黎留意呢?
再講，幼稚園只係起步，私校村校又點，我醫生朋友以前讀村校架，依家咪又係大醫生，我細果讀私幼吖！咁又點，依家咪又係C9人地阿媽文職仔一名，只可以講私校術藝起步早囉！小朋友係海綿，只不過有分大細嚿啫，同提供比你盤水有幾大盤，應該影響力唔大，除非沙漠遇著巨海綿啦！但我諗應該冇可能發生啦！因家長一定會幫小朋友盡量選合適架學校的。

其實依家未到九月，要搵二線會難d，但三線應該有位，要轉重有機架，老實講，選間對你心理平衡到架學校係件好事，開心就自然扶助到你囡囡學習，學習愉快咪吸收好d，讀書自然叻d，咁Band One線幾多幾高幾低都對你無影響啦！加油哦！

(為人比較直，不喜勿插，謝謝！）

Snafkin

回復 tungsfamily 的帖子

算我笨吧！真係唔明你動機係咩喎！又唔係將天學生家長，又對呢間反感，但又要留意呢間學校？？？
間間學校都時刻去sell自己架啦！請教邊間冇呢！再講幼校攪呢，家長定必有權選擇參與與否，唔鍾意咪唔參加囉！點煩到你呢！大不了咪浪費少少力氣掉資料落回收箱啫！有必要咁勞氣？咁日後教囡點吖！（sorry多事左，人地點教囡唔關我事，只出自關心啫！）

重有點我唔太明架！學校透明大d，唔通入面d海綿就可變大嚿d，老實講佢條線喺邊，同點教小朋友有咩關係呢！頭一百人係Band one同頭50係Band one教法有咩唔同，Band幾係用分數黎達標架喎！分數係set死，人數係關資質咋喎！加海綿大細本定了，盤水最多又點 ，質吖谷吖有用咩！質嚿海綿，咪一樣不吸反流番d水出黎，正面對待小朋友，比佢地開心愉快地學習咪更有成效...

坦白講，起初真係唔覺意諗歪左，見你怨氣咁重，以為你派位唔入，考都考唔入，因愛成恨吖！當然你咁高貴又聰敏，又點會對呢間村校睇得上眼吖！放心，呢d村校，有我地d村仔去入讀，你就放心去讀d二三線小學啦！（不過我又真係唔知小學有Band分，謝謝你分亨我知喎！）