懷疑自閉譜系男孩如何管教？

chanyuen2012

原帖由 Lingyau1221 於 15-11-09 發表
我仔兩歳一個月，愈來愈曳，我只有一個仔沒有親人有小朋友所以真的不懂如何管教，佢語言慢，剛剛只懂講三個 ...

會唔會係專注力不足？因為都可以引伸到你所提及嘅情況，我仔而加上左政府排期職業治療差不多兩個月，治療師其實好有耐性教小朋友同家長應該點對應哩啲情況。

做法係你先打電話去健康院問，睇下可唔可以轉介見當值醫生，再轉人介去做評估，睇下需唔需要排期去做治療改善情況。

我仔上年有返普通N班半日，好明顯同班同學係好定，講下提下就會靜落黎留意老師教導，但自己個仔就緊係成日八卦週圍望、跑、訓地、唔太跟到指示等等。哩段時間老師好落力教我點樣應付點同仔仔相處同教導，好感恩。

chanyuen2012

其實咁，我都有試過哩啲方法，簡單啲入手，當故仔咁睇吖。

我都無四大長老幫手睇，同老公一家三口。
咁我仔就比較明顯係好多時叫唔聽話唔聽(語言理解弱)，喜歡去廁所玩水，兩歲幾時仲成日玩廁所水，都係百厭仔一名啦，我都會打鬧佢。返N班時當評估左係亞氏保加症，我都用左成個月時間消化去接受。定左少少後開始同班主任傾情況，好在老師好體諒，教道引導上同老師夾下例如佢填顏色唔專心做，勞作又麻麻嘅，咁喺屋企要多啲陪佢一齊做下玩下，買下易洗得甩果啲顏色同佢一齊畫，攞張紙巾放手心ja埋變成一個球，印下顏色，又用下手指畫下畫，又印下手掌啦，又攞下畫筆畫下咁。同佢一齊笑下，咁你會發現佢原來好鍾意玩架。亦都可以改善感統方面。如果唔開水彩畫呢，你可以同佢油下顏色，寫下ABC咁。跟住就係你單手抱住佢一齊坐千秋微微推下，又係感統訓練一種。家務呢你可以教下佢一齊擇下菜，洗下蔥，幫手洗下米咁。去街市時可以叫佢幫手攞下最輕嘅餸，又或者買隻檸檬、水果叫佢攞住……
家居玩具方面唔好比太雜佢，揀一兩款放廳，陪下佢砌積木，畫板畫咁。
而出街呢帶定佢鍾意飲品小食啦，佢鍾意禁lift,喺唔阻人情況下比佢禁，滿足佢好奇心，睇下佢鍾意行咩路線又跟下啦，過幾個月後你就幫佢加入新原素，出街來回程唔同啦，唔係成日比佢禁lift啦，帶佢坐短程小巴，巴士呀咁，上到車又教佢睇下樹，各款車，標誌符號顏色形狀數字呀咁係要不停同佢傾引導佢回應一下你，似係自己同自己講野架但係佢哋其實係有聽入腦，比啲時間佢吖…

而你自己呢……首要學習從容，放鬆一點，主動多啲同家長吹水交留心得，請教下點去㷛下靚湯煮野食同埋取下湊仔經，亦都要學下點減壓，我自己就跟住社工，社工陪住我走，將你嘅壓力交比佢佢地會幫到你，記得要多點同仔仔笑，因為你笑佢就學你開心笑，佢收左入去佢都要式放返出黎架，你打鬧佢多佢都唔明白就只會用佢覺得啱嘅行為去表達，即係你而加見到佢唔聽話嘅表現喇…………我都好後悔之前成日因為太緊張，一唔啱就鬧左先，態度唔睬我勁扭計我仲硬碰硬，到頭來好似從無改善，自己情緒變差晒老公都嬲埋我，佢情緒都差左………
好好彩當我身心最差時不斷搵人問搵人傾，(社工會傾多啲，因為我都唔知點同啲朋友講，而且又同老公關係又差左)，解開左心結，而加心靈上得到好大支持，我搵返以往只顧別人而忽略嘅自己，自己情緒好左對仔仔開心左，佢都聽話左進度好左，

佢有玩水架，不過我而加會久唔久喺洗手盤開泡泡水比佢用下膠兜仔玩下不下水水平泡泡呀咁，滿足佢好奇需要，要明白小朋友有邊個未試過貪玩呢～，佢去玩泡泡水咁我咪去廚房整下晚餐野醃下肉咁啦，佢玩完又開心笑下，比空間大家囉………唔知幫唔幫到你諗諗…加油呀樓主

chanyuen2012

原帖由 skytammy 於 15-11-12 發表
換咗冇開/關制嘅
唔用嘅電制用電制蓋插住 可以去宜X
+C買

係架，你唔好嬲佢而加咁嘅情況，你就係要見招拆招，佢成日禁你咪買野摭住佢同埋關左電源佢，近電視位仲要放啲野欄住佢等佢唔好輕易過到去，要佢知道果個位你係唔準許佢搞，係會勞氣一段時間，我仔曾經都係咁架………

你要成日諗計仔架…加油呀～