「好商業化」「有錢就收」「有呼吸就收」

fifi47

成日見人話某D學校商業化, 有錢就收, 更過份係話有呼吸就收~~~  
首先, 講LEE句說話GE同時, 有冇諗其實你係侮辱緊入讀該校GE學生, 抺剎左個考生GE能力!  可能你會話自己講事實, 但事實係人地一樣要INTERVIEW, 一樣有正取生同唔收GE考生, 並唔係放低學費就入得!

講返商業化, 咩為之商業化?  
有人話某校「超收開走鬼班好商業化」, 但如果同樣事情發生喺神校龍校, 可能個comment又會變左「體恤家長需求」,  我話可能咋, 因為一定有人會話邊間超收都係唔啱~
又有人話某校「只識收錢好商業化」, 咁學校係咪真係收左學費冇教書冇茶點冇活動俾學生先? 一定又有人會話唔應該只提供LEE D, 但學校基本係提供D咩? 應該係知識和品德教育吧!  咁呀小朋友有冇學到野呀?  

老師有冇愛心=員工有冇笑容/禮貌, 行政安排是否妥善=order & 送貨安排是否完善, LEE D 屬於 services, 唔係個product(教學模式/內容), 對services有要求好正常, 但如果要求過高, 咁就要問究竟係學校變得商業化先, 定家長當學校係商業機構先啦~

凡事總有兩面睇, 如果真係有錢就收, 你可以話佢商業化, 但一樣可以話佢係細b佳音, 起碼冇歧視細b.  反之有d學校只收大b, 佢可能係唔收錢唔商業化, 但卻絕非有教無類.  學劵名幼拉關係就收, lee d就叫有愛心ge好學校? 究竟「好商業化」,「非有教無類」, 「可拉關係」邊樣問題大d?  

本人純粹有感而發, 絕非針對任何人而寫, 不喜勿插.