[討論]傳統學制的好與壞

littlefaith

hkpapa852 發表於 16-6-21 15:33
香港的傳統學制, 給人最多的感覺, 似乎都是負面的, 如「填鴨式教育」,催谷催谷再催谷,求學只是求分數等.... ...

傳統學制，最大問題係唔鼓勵創意，唔鼓勵探究學習，更甚者係唔鼓勵發問，因為要追業績、追分數，主科優先，閒科企邊邊。小朋友會塑造成一件又一件工廠零件，不合格嘅會丟掉。
再講香港高官，其實有邊個高官有管治能力？如果返返以前做殖民地公僕就稱職，到依家要自己治港就方寸大亂。如果早一點可以教logic、critical thinking當然最好，但傳統教學根本很難容納這類課程。

littlefaith

其實唔係外國月亮一定圓，然而，人哋好嘅嘢，係鼓勵學生思想更深更廣，做到知識廣博嘅同時，能有多角度、有深度嘅思考。好嘅嘢，學到嘅話，能令香港社會更進步。

littlefaith

MrBeast 發表於 16-6-23 13:03
簡單來說，i would say:

傳統：單向，以重復練習為主，十分工廠式

對。
不過傳統當中又分有趣和沒趣：

(親身經驗)例如我教高中ICT，有一課係要教Flowchart，如果依書直說，由「開始／結束」框一路平舖直敍地講個用法，講到「處理」框、「判定」框、「輸入／輸出」框、「預定處理」框，學生係會好易瞓著。但如果我用追女仔做切入點，要學生寫出追女仔方法、步驟，然後叫學生用Flowchart畫返成個過程出嚟，學生包保即刻醒神，鬥快畫一個Flowchart，因為邊個最快畫好，邊個就係男神。

我小朋友都係响活動教學為主嘅學校學習，該校經常有公開課讓我哋家長觀課，我不時都會去取經，的確大開眼界，對活動教學亦有深入嘅了解同體會。試舉三例：

某次睇美術課，老師一開始攞出一個痰罐俾學生睇，向學生強調係新買嘅痰罐，好乾淨，然後倒一盒檸檬茶落痰罐度，跟住問有冇同學願意飲，咁同學當然怕污漕唔敢飲，之後就介紹近代藝術大師Marcel Duchamp其中一件名作Urinal，並帶出Modern Art好多時會超出我哋一般想法，教同學點樣欣賞。

另一次都係睇美術課，一開始老師提供每組同學一定份嘅硬廁紙，跟住要求同學鬥砌一個高塔，睇吓邊組最高。同學們响喧鬧聲中，想盡方法砌高個紙塔。最後老師帶出Paper Art以及現代Paper Art三大範疇，令同學印象深刻。

再一次係睇科學課，嗰堂教流體力學，老師一開始就每組同學分發一個可倒轉吹風嘅吸塵機，跟住讓同學開動吹風mode，再放一個膠波响風口，同學會發現個波點都會被吸住，好有趣(當然，市面其實已經好多相關小型實驗有得賣)，然後讓同學去估點解，跟住逐組出嚟發表意見，咁一定有啲理由會好好笑，咁同學笑完一餐，跟住老師就扮「曾sir」解釋原理，同學既玩一堂，又可以學到初步流體力學原理，咁比依書直說有效得多。

以上就係一啲我所見活動教學嘅例子。

實在，傳統教學冇話一定差，不過真係好靠老師有冇心，會唔會用有趣方法去教。而活動教學相對嚟講，老師發揮教學空間會大得多，學生亦會學得開心，但都好靠老師有冇好好備課，否則一堂活動教學課只淪為遊戲課，學生玩完乜都學唔到。

littlefaith

methy 發表於 16-6-24 23:46
我好受傳統教學，老師教，我就聽&吸收，我喜歡有規矩，又唔怕悶，覺得好好呀。
到大學有機會去外國交流，T ...

我小朋友學校係活動教學為主，學生已經習慣分討論同大組匯報，加上老師設計課堂有心思，有討論工作紙引導學生討論，並且能做到所有組別都會有時間匯報，故此每次觀課都會見到整班同學都會投入參與，唔係為做而做。
至於上到高年班，尤其高中，正如ANChan59所謂，就算我小朋友間學校，都會多返好多「傳統」形式教學，因為學生已經大個，好多時chalk and talk反而更佳。