請問有冇小朋友學過公文式既媽咪可以分享一下? (Part 2)

十月媽咪

Yau_Cheung,
give me 5, 我就係咁諗....其實阿女剛滿四歲讀EFL開始, 開頭7A-5A, 係每日兩叠工作紙, 即係20份工作紙, 佢只係10日就升班架喇, 個半月左右, 已經完成左最淺嗰三個LEVEL...所以...其實如果阿女真係完成左EFL, 有LEVEL M既程度, 我深信7A-2A既工作紙, 佢半年內已經可以完成! 而花半年時間, 學識更多更廣泛既生字, 未嘗唔係一件好事唻! 只係....究竟升左小學之後, 係咪仲有咁既時間去應付咁多額外既野呢? 又係另一個問題吧!

原帖由 Yau_Cheung 於 09-7-23 09:04 發表
如果做1次就升班，200張紙都係20日就攪掂，6個月已經完成9個 level 啦，就算由ERP 7A開始都已經做到ERP BII 。雖然我唔知EFL level M 既程度，不過睇過阿十你講你囡囡學緊既嘢，我相信ERP & EFL 都係相差1 or 2 個 level，不過如 ...

十月媽咪

其實D打後做五張, 都好正常架喇, D句子寫咁長, 真係好鬼難頂的...你小朋友係咪讀一科? 如果淨係一科, 十張都仲可以接受, 我女讀晒三科, 英文響LEVEL C開始, 我已經減到佢五張喇!

放心啦, 小一升小二, 做到LEVEL D, 原則上, 獎係一定會有的, 只係金銀銅邊一樣既啫!

原帖由 Elsamouse 於 09-7-23 09:37 發表


真的嗎, 呵呵, 開心c我囉

最衰係宜家佢每日只做5張紙(因為佢詐哂型),我唔敢逼得佢太緊, 同導師商量完, 所以減少左作業量, 每日都做5張以致拖慢左進度 ...

十月媽咪

嘩, 加埋兩樣樂器, 咁更加喇! 用晒D時間做10頁, 就少左時間做其他野喇, 所以...尤得佢慢慢做啦! 我女嗰科數學, 都改左4,3,3咁做呀, 嘆緊慢板, 哈哈!

原帖由 Elsamouse 於 09-7-23 09:49 發表
係呀, 我都覺真係抄寫好多句子呀
我囝淨讀公文英一科, 佢做野慢吞吞, 學校D野都剛好應付到jar, 所以唔多時間做其他野啦,另外佢仲要練鋼琴同口風琴.

...

十月媽咪

所以點解我計唻計去, 都計唔掂個女D公文同練琴既時間分配就係咁解....如果要KEEP住學三科公文, 我諗我要作出一個好肉赤既決定, 就係每科CUT到每日只做兩張工作紙...如果唔係, 都唔知點應付三科公文+練琴+BALLET!

原帖由 Elsamouse 於 09-7-23 10:17 發表
上左小學, 真係3個字形容, 忙, 忙, 忙

十月媽咪

係咪因為ERP, 所以耐D呀?!

原帖由 fyeung 於 09-7-23 19:14 發表
阿十,

囡囡讀公文英,7A-5A用左4個月左右,我同佢都覺得好鬼悶. 我都唔明白點解個ctr要比佢讀咁耐,升5A個時,囡囡都讀晒5A內容比老師聽架.但係都用左1個多月先完成呢個level.最後我都停左.

...

十月媽咪

係呀, 兩張真係極限唻喇, 亦係我最唔想見到既, 不過如果最後真係好想KEEP, 而又真係HANDLE唔到咁多張, 每日每科兩張, 係最低限度的了! 如果兩張都仲係唔夠時間用...QUIT晒佢會係最終結果啊!

原帖由 Yau_Cheung 於 09-7-23 13:17 發表
2張紙都係我既 bottom line, 雖然好似無咁抵 (10 pages or 2 pages 都係 $500 per month per subject), 不過又真係見到小朋友既進步，所以唔想放棄，想讀完為止。

十月媽咪

Ansonrubby,

嘿嘿...我都係講下啫, 我意思係...若然真係要由最低做起, 我都唔介意, 當係畀D甜頭個女之餘, 又可以學多更多生字咁解啫!

恭喜你呀, 我女個G都做到尾聲喇, 不過我會叫老師將整個LEVEL重複一次至TEST, 因為我發覺佢唔係幾熟呢個G呀!

原帖由 Ansonrubby 於 09-7-24 01:24 發表
阿十：
咪silly啦！我去年/前年問過centre,當時導師話佢如轉過去ERP可由2A start架！當年佢Level D-F左右，not sure.

BTW, 阿仔升左EFL- Level I 啦！  

十月媽咪

030316	K2	男	數3A	中2A	ERP3A
wacha	K2	女	數3A	中4A	ERP4A
sumsumbb	K2	男	數A	中3A	ERP3A
princesshk2	K2	女	數4A		ERP 7A
raycarbb	K2	男	數2A30		ERP2A30
lingchuling	K3	男	數2A60	中5A150
小豆媽	K3	女	數 A100	5A90	EFL 2A
nataliemama	K3	女	數2A60
5354	G1	女	數B170	中AII	ERP'AII'40
fyeung	K3	女	數A
十月媽咪	K3	女	數D	中BII	EFL "G"
Jasmine	K3	女		中3A85
scarecrow	K3	女			ERP AII
Yau_Cheung	Y1 (=K3)	男		中2A	ERP BI
wasabb	P1	男	數 B120		EFL'D'110
Ansonrubby	P1	男	數Dcut	中Acut	EFL'H'
迪迪洛洛媽媽	P1	男		中AI 200	ERP AII 20
迪迪洛洛媽媽	P3	男		中AII 190	ERP BI 190
Littlehipo	P1	男	數D120	中AI	ERP BI
200012	P2	男	數B50
Heidi媽	P2	男	數G100
wasabb	P4	女			EFL'F'180

十月媽咪

fyeung,
唉...實不相瞞, 升左班, 我都唔知係好事定唔好事唻....for阿女唻講, 中文既BII著實係深得滯....做起上唻, 好吃力呢!

原帖由 fyeung 於 09-8-6 19:49 發表
Yau_cheung, 阿十, SumSumBB & Ansonrubby,

恭喜,恭喜你地小朋友都升level咯!
個日去接囡囡,老師比左張証書我,超越學年証書,係計2月份成績架,嘩,好開心!!我成日覺得我個ctr都無post呢d野出黎,以為無架添!

Yau_cheu ...

十月媽咪

3A錯兩條, 照計唔會唔升班的, 但如果錯兩條得唻, 時間又OVER, 唔達標的話, 咁REPEAT既機會就好大了!

3A我女個同學仔, K3下學期開始做, 做到今時今日, 都仲係升唔到班, 大大話話, 都做左半年有多了...

ANYWAY, 你有無問過老師, 究竟係因為嗰兩條錯左, 所以唔畀佢升班, 定係因為時間唔達標, 所以唔畀佢升班呀?!

原帖由 LILY媽咪 於 09-8-7 15:36 發表
各位有經驗媽咪,

阿女尋日test唔pass, 升唔到2A, 仍然做番3A功課, 110開始做番, 計落由2月中來來回回到現在, 仍然係3A, 半年啦, 自己好有挫敗感, 仲要做幾耐呢, 阿女係識計(去+5), 佢話尋日錯了兩條, 仲有2A的+6至+ ...

十月媽咪

Yau_Cheung,

係呀, 其實BI都做左三次的了...普通話老師覺得OK, 可以試下TEST, 但CENTRE老師就覺得做多一次穩陣D....我其實都覺得做多一次無妨的, 但問題係...個女絕大部份答案都記得了, 做多一次, 只係將背左既答案寫多次吧...而CENTRE老師係想佢做多次, 改善閱讀既速度, 而問題係, 個女已經知道個答案, 佢根本唔會再嘥時間讀多整叠習作一次喇...所以變得意義唔大!

而家升左BII, 老師既緩衷方法係...邊做BII, 邊叫我同佢溫習下AI, AII & BI 既文章故事....唔駛佢再寫, 但就希望佢響溫習既過程中, 更了解D文章故事講D乜野....尤其AI, 成年前做既野...當初唔太理解, 一年後, 長大了一點點, 睇下佢理解既野有無多到啊....

你就好...仔仔咁肯講普通話...我嗰個...唉....都唔知佢怕D乜野...總之就係唔鍾意講! 激鬼C!

原帖由 Yau_Cheung 於 09-8-7 08:56 發表
阿十,

其實我都驚囝囝遲啲會有同樣情況(尤其中文)，係咪應該做慢啲，重覆多1-2次才升班較好呢?

你囡囡K3做BII 真係好犀利！  囝囝宜家做2A，對佢黎講都有少少難度 (學校寫緊詞語乍)，不過佢普通 ...

十月媽咪

mmak,

如果K3升小一做到AI100, 理應可以攞到個銅牌既, 但都要睇番老師報成績嗰陣, 係咪報到AI100, 仲有就係...銅牌係指超半個學年或以上, 而中文科又分AI & AII, 所以係咪真係有, 真係好難講! (我最唔肯定既係, 究竟超唔超學年, 係AI & AII夾埋唻計, 定係AI & AII分開計, 如果夾埋唻計, 咁超半學年, 即係要做到AI200; 但如果分開計, 即係AI100都已經有銅牌了) 如果老師話每日要做10張至可以攞到牌, 亦都唔出奇, 因為真係要做到指定既數目, 我意思係指假設要做到AI150至有銅牌, 而家你做到AI100, 仲差5份, 又就快到8月31日報成績既日子, 所以5張5張, 未必趕得切!

以我女為例, 佢一升K3無耐, 已經做中文AI既習作, 當時老師預計銅牌係必然的了, 但要攞銀牌, 佢話最穩陣係8月31日之前, 可以做到BII200, 如今....我女係已經做到BII, 但暫時只係做到BII50, 所以...銀牌應該無緣了! 但銅牌就應該穩袋吧!

唔知我有無計錯數, 請其他媽咪指教指教!

原帖由 mmak 於 09-8-25 21:54 發表
fyeung,

佢 中文上到 AI 100, 我都唔明D老師講咩???
... 要阿囡每次做10張先有機攞牌??... 又無講係咩牌呀??
佢宜家每日5張..

十月媽咪

mmak,
其實我最唔sure既係, 因為中文分AI & AII, 一共有40份工作紙, 銅牌要超半個學年或以上, 咁究竟應該係整個LEVEL唻計一半(即AI200), 抑或係只需要完成AI既一半(即AI100)就已經算數呢? 好鬼混淆!

原帖由 mmak 於 09-8-26 16:10 發表
十月媽咪,

唔該晒... 係吖, 好詳細..
我centre 負責人 無講得咁詳細, 佢淨係話我囡慢...
3A 用咗 6個月
2A 用咗 7個月
太慢喎... D 讀音唔準, 又錯得多.. 勉強可升級喎??

佢都有講我囡, 趕唔到 報成績既日子...

...

十月媽咪

SumSumBB,
我都有睇番上年既成績, 同你所講一樣, 老師係報8月31日exactly做到邊一頁就係報嗰一頁, 真的係吹漲!

原帖由 SumSumBB 於 09-8-26 17:35 發表


真係要睇下個ctr點報，我阿仔上2星期已經做到2A200，但這2個星期由2A01重温，老師話31/8去到2A110，只會幫佢報2A110，激c！

十月媽咪

如果K1已經開始學公文數, 升K2做到3A都差唔多架喇....+1係比較容易理解的, 所以小朋友PICKUP得比較快...還記得當年阿女做+2, KICK死左...用左三日時間唻打通呢個概念...呢三日入面, 我地講到口水乾, 用左好多數學上既CONCEPT解釋畀佢知乜野叫+2, 又畫埋圖, 用埋道具, 佢都唔明....到第三日, 我忽然抽起條筋用鋼琴D琴鍵唻教佢+2呢個CONCEPT, 呵呵呵....好似忽然間"叮"一聲咁...通左...一份10頁既功課, 由原本唔明嗰陣用成粒鐘唻做, 到明左嗰陣, 5分鐘搞掂! 所以放心啦, 當佢地明左, 通左, 就會忽然開行個TURBO去完成D習作架喇!

原帖由 easonkinki 於 09-8-28 01:57 發表

佢而家都係做到+2 o者!
+1佢好快就搞掂晒,但而家做+2,錯題多o左,成日唔記得就寫+1D答案,同埋佢個衰仔做功課越黎越慢,次次都話點解要做咁多功課,早排真係有D想放棄,
早幾日我問佢:不如唔好再學公文數啦!你成日唔願做 ...

十月媽咪

SumSumBB,
嘩, 原來今年有OVER 二千人報YW呀? 好大競爭啊!

原帖由 SumSumBB 於 09-8-27 06:23 發表


fyeung,

多謝你一直以來的幫忙 ，做個portfolio真係好大工程，你早前教我的方法好好用！
暫時淨係報左一間YW，見佢今年有成21XX+人報，已經俾佢嚇親了！ ...

十月媽咪

SumSumBB,

乜阿仔已經IN左YW嗱? 我仲以為九月頭至開始IN添! 等你好消息!

原帖由 SumSumBB 於 09-8-31 05:34 發表


我朋友仔仔入左第二輪，但直到現在都未收到任何call...

十月媽咪

咦, 原來係你朋友個仔, 唔係你個仔, 我發雞盲添! 你朋友個仔係今年IN定上年IN呀? 今年唔係應該九月頭至開始IN咩?

原帖由 SumSumBB 於 09-8-31 13:12 發表


未in，你見我地前兩日咁悠閒去唱歌仔，都唔似in緊！

十月媽咪

我就無要求做少一日功課, 不過就要求中文 & 數學改為一日三張, 一日兩張, 即係3張2張3張2張咁輪流做! 我要KEEP住個女放學之後, 一小時之內完成三科公文, 減張數係唯一辦法!

原帖由 asinai 於 09-9-3 18:06 發表
可以的!  你 request 便可....cos, 我想仔仔 sunday 休息 / 做另一 d野.  不過Kumon d 家長可能好少 gum  aggressive (我指超學年)!  

十月媽咪

fyeung,

由day 1做B開始, 老師已經同我講, 唔可以畀個女寫進位嗰一點唻提示自己, 要佢將進位嗰個數記在心中, 然後寫正確答案!

你CENTRE既導師畀你女寫進位嗰一點唻做提示?

原帖由 fyeung 於 09-9-3 14:02 發表
囡囡做B堂課,上第一堂OK,時間慢不過全對.第二堂有好多錯,原來係無進位,囡囡會係十位加1點去remind自己,當日上堂課佢無做到,所以無進到.你地小朋友有無咁架情況?? ...