小朋友學鋼琴&芭蕾舞(有考試)，對升中派位有幫助嗎?

音樂人長老

鋼琴同芭蕾舞己經係普及化課外活動，好多喺小學己經考到5級以上，如果有加分就大部份人都有得加，即等如無加到。

講番現實世界，我親戚個女中一讀女校，全班同學只得一個無學琴，之後都學埋啦，因為音樂科考試要彈一首歌。學嘢當然想興趣先行，但現實會唔會咁理想呢？樓主不妨打聽下心儀中學情況再同囡囡分析下學同唔學嘅好壞處，佢鍾意都要體力同精神應付到先得，而家考試期親戚個女讀到半夜一兩點，學校每日功課超多，做得哂己經好好，温書迫住考試前先做。

以上說法係好唔啱聽，但我希望用家長角度諗同盡量反映真實情況，希望大家俾啲空間唔好鬧，樓主可以有機會睇下不同意見。

音樂人長老

間中學喺九龍塘，唔係頂級名校，不過派到呢間家長都會開心。

唔算要求高啦，聽朋友講而家考九龍塘名牌幼雜園除咗問父母職業外，家長仲要報埋有無大學學位同平日有無充足親子活動。

唉，家長都無時間諗公平問題，只能盡力催谷仔女，因為個學位大把人搶住要。