那間直資好？

Bosco爸爸

回復 ms.bead 的帖子

個人覺得，一間學校好唔好，唔係睇有無狀元，而係睇整體成績，一間學校每級150人，只得1，2個叻，代表性不大，應該睇整體成績，例如整體取得5級或以上成績，一般公認為神級學校，如StPaul Coedu，DGS，DBS，皇仁，一睇就知人地整體5級或以上百份比真係高出非常多，一般學校只得幾個入港大，中大，但神級學校就每名學生平均有4至5個5級或以上成績，有很多學生入港大，中大。點解某些學校出狀元，但唔算神級，咪因為只得個別學生叻，整體一般啦

Bosco爸爸

係資本主義既香港社會, 好多家長點解追求神級學校, 咪因為佢地既目標係入最好既大學, 好可惜, 現實就係社會上根本就係以成績定先後次序, 以會計4大行為例, 佢地請大學生, 基本以3間出名既大學為主, 其他既大學, 佢地好少有OFFER, 社會上已標籤了出名大學人工高些, 機會多一些, 而神級小學會大些機會入神級中學, 神級中學又多些機會入神級大學, 這個惡性循環根本性已存在, 家長門為了孩子多些機會入神級大學, 已由神級幼稚園開始部署....

Bosco爸爸

續: 這個惡性循環迫使孩子沒有了快樂的童年, 如果童年太過快樂, 唔去打好學習基礎, 就會落後於人, 家長們亦迫於無奈去跟隨......當然, 我個人討厭這個惡性循環, 但迫於無奈, 唯有盡量令小朋友快樂去學習, 怏樂去跟隨, 如果道路未能順意, 就既來之, 則安之, 如家長要鼓勵孩子學習, 唔係迫, 入唔到神校, 咪係普通學校爭取佳績, 當然, 道路上可能要加培努力, 但要時刻知足常樂, 最緊要保持家庭和諧, 保持小朋友既學習興趣, 千萬不要"迫"

Bosco爸爸

可惜BAND1官津學位太少, 而一般入U率較高既都係名直資中學, 或地區一線津貼中學, 而該批中學都喜歡收一些名校小學學生, 如宣道, SFA, 油天等等....
而事實的確係: 讀名校小學, 將來入U既機會, 一定比一般讀地區小學為高, 這是鐵一般既事實, 而某些想在人前炫耀小朋友在神級小學讀既家長, 我會鄙視他們, 但的而且確, 人地小朋友真係入到名校, 咪當聽唔到啦