WKF 1st interview 開始了...

Parisienne

我小朋友話一開始就問問題，答完有貼紙。所以我諗可能用作分組，因為其它環節都未做，無理由咁早下定論卦。Anyways，得唔得做父母嘅都已經盡咗力，我仲要住沙田，真係渺茫中的渺茫，但求嘗試過攞個經驗，希望大家有好消息。

Parisienne

尋日唔知大家有無留意，學校在hall播放短片時，忽然片中大播國歌，一望，哦!原來關於08奧運！個心真係跳一跳，你知啦，最近真係好敏感㗎麻

Parisienne

回復 vicky_cheun 的帖子

其實浸幼自已課程都唔著重抄寫，行活動教學，在鍾意'谷' 的家長眼中係偏淺。
所以好難理解浸小面試會叫小朋友睇完中英句子然後收埋，寫返出嚟。
我諗即使有呢個環節，都係想知道小朋友臨場應變，多過是否能過目不忘地默返出嚟。
可能有d真係識，有d唔識就戇居居坐向度、有d驚、有d亂寫、有d叫老師幫、有d可能好醒地同老師bargain睇多眼.....等等反應好似仲重要過真係默唔默得出。
所以，學校如果只看學術表現定勝負，我反而對佢所謂的全人教育有點失望，唔收亦未必係壞事。

Parisienne

回復 vicky_cheun 的帖子

請問你囝囝係咪年頭生的大B?

Parisienne

回復 vicky_cheun 的帖子

唔係大B都咁叻，咁我細B就真係無乜希望我估可能你囝表現好好，所以老師再問深d都唔定。

Parisienne

回復 vicky_cheun 的帖子

希望你囝囝今次成功啦!起碼佢有能力將試題講得清楚。

Parisienne

回復 vicky_cheun 的帖子

我都明白香港家長唔易做。但有時連大人都覺得唔合理地深嘅題目，又真係train唔落手囉。
當然合唔合理就每人定義唔同。
所以我都抱住平常心去試，而今次面試亦好開心，都無諗過要加料再train佢d乜，太可憐，亦無所適服，如果拼命跟個市場跑，遲早人都癲，因為個市場跑到咁癲家長都有一定責任。反而禮貌一定要有！我囡最衰有時唔記得講多謝，呢樣我介意，成日提住或收番粒糖！
坦白講，一個咁難的面試都拿高分的，多數大把offer，而WKF最終亦未必係其首選。
共勉之!

Parisienne

回復 vicky_cheun 的帖子

哈哈!九十度咁搞笑，又真係誇張咗d，雖然禮多人不怪，但小朋友都係自然d好。我囡在家都好ok，熟人亦沒問題，但未見過的就好似有點㥢疑，觀察下先，有時慢動作好像考慮講多謝，有時人地邊等得咁耐呀，咪提佢囉！但有時又醒醒目目喎，迪迪尼派貼紙佢就大大聲講多謝，唉！激死。
語言的確好重要，阿囡都算流利講到不同語言，亦有自信講，所以我唔膽心。晚上唔睇飽書都唔肯瞓，好enjoy，但就非常唔鍾意抄寫，最多氹佢寫自己名同應付校內功課！話攰，唔好玩，英文就會好d。我諗：算啦，唔抄就算吧。到時K3實要寫多d，何必迫呢？怕手仔攰失興趣。
至於數學嘛，只跟校內進度，一定唔識什麼三位加數公式。