超大b政策問題

ensy

何謂公平？我知學校會用唔同準則考核大細b，細b有少少反應已收，大b要求高好多，咁又公平？何況按月份收生也不公平，因為每月出生率不同，2月得28日，人少d係咪著數d？小學大抽獎都無跟月份喎...

記得之前中學派位男女分隊嗎？就因為＂唔公平＂取消，結果男仔派位差咗好多，又有人話唔公平...

每個制度都有人好似著數d，無絕對公平，而學校又有收生自由，平常心啦，覺得邊間學校無愛心無教學熱誠就唔好報，免得自己勞氣！

ensy

理性討論一下吧！首先我覺得要一間學校設計不同課程分別給大細b不太可行，要很多額外資源配合，何況，坊間幼稚園課程各有不同，有深有淺，家長另選學校好了，何必要求學校有幾套課程？

而名幼，尤其部分標榜函接小學的幼稚園，程度一般較深，可能真的只有一小撮發展超前的細b可以跟到。實力一般的超大b和大b也未必能應付，又何況開學未足3嵗細b？

就算禁止超大b，12月31日出生的小朋友一樣未必可以入名幼。除非全港小學課程變淺，幼稚園生只需玩玩玩，否則這一問題其實無法解決。