培道小學

little_yolky

bon_bonny 發表於 14-11-10 13:35
今日交左留位費了。唔知將來有無機會同你細女做同學呢？

頭先同接待我嘅家長傾左一陣，佢話培道老 ...

雖然係咁講, 我哋都要裝備好細果個, 面試時都要好好睇睇。



我C6噚日都去咗注冊, 咪要交一個回郵信封既? 職員問C6：回郵信封係妹妹寫架？定係家姐寫架？

C6話......係我寫既。佢啲字真係相當醜樣。

little_yolky

kiekie 發表於 14-11-24 17:21
回覆 zanezane 的帖子

無咩見普通話人.

係, 所以小一普教中, 個個媽咪响whatsapp都叫晒救命。

little_yolky

llkllkllk 發表於 14-12-9 11:43
請問英文是否每天都有 net teacher?  小學是否沒有操埸做運動?  培小運動方面怎樣?  

以往培小有第二輪收 ...

緊係唔係日日有net teacher啦, net teacher 係教下會話同drama而已。


小學操場在天台。


運動方面無聽過好勁喎, 你小朋友運動方面有特異功能嗎?


大抽奬放榜後, 就會出叩門申請, 响網頁中叫做小一至小四插班申請。

little_yolky

lucia6119 發表於 14-12-10 14:15
各位師弟師妹的家長好, 祝在培道學習愉快 , 阿仔在培道小學6 年真的好開心, D 老師又很有愛心, 女仔就有培 ...

阿囝升中後適應嗎?
阿囡暫時小二都仲好開心, 但係比想象中忙一啲就係了。

little_yolky

lucia6119 發表於 14-12-11 21:17
回覆 little_yolky 的帖子

都適應, 不過中學是英中, 而且據聞阿仔中學程度深一年, 所以 英文科要努力,培道 ...

吓, 原來中學都有「教深一年」呢樣嘢...........係, 培道功課真係算少, 但就係越高班越嚴就是了。

little_yolky

goldvia 發表於 15-1-22 12:16
我想請問培道小學的英文水平如何? 英文堂是全英語授課嗎？
其他科目用中文授課嗎？

1. 我本人覺得英文唔深(相比較中文科程度), 英文堂老師儘量用英文授課, 不過, 你知啦, 見小朋友呆咗, 老師就會加D中文講解了。一星期有一堂net teacher, 唔知教乜的。雖然話唔深, 但乞衣女都唔係好高分


2. 中文用普通話授課, 本人覺得深, 唔係教深一年既深, 係老師要求都唔嘢少。但雖然中文深, 但阿囡又跟得幾好



3. 其他科係廣東話教。

little_yolky

Yuchingmum 發表於 15-6-16 19:14
回覆 little_yolky 的帖子

你分析得好中肯，我都好應同！我都係培中校友，也是蘇校長年代！

大埔有校車喇, 我都係住大埔, 不過係尾站, 6:55上車。

little_yolky

Yuchingmum 發表於 15-6-16 19:14
回覆 little_yolky 的帖子

你分析得好中肯，我都好應同！我都係培中校友，也是蘇校長年代！

另外, 大埔有幾間幾好既小學, 但都係谷得好行, 寶校三間, 七成以上雙非人。其餘每間學校都有或多或少的雙非。至於中學網, 大埔只有五間英中, band 1A得兩間, 仲有一間直資羅中都唔錯, band 1尾-2有2間都唔錯, 但問題係, 學校太少, 雖然夠大埔友, 但北區唔夠位, 好多人落嚟爭。
僅供參考。

little_yolky

chacha001002 發表於 15-12-23 16:30
我都想知

不知道有沒有人答了。

培小只有P2是5班, P4-5是三班, P6兩班, 因為那些年學童較少, 所以收生較少。我們一般每班是30人以下, 我兩個囡囡兩屆都是約2X人, 各班可能有一兩個人數出入, 所以一班唔多人。小一有副班主任。

little_yolky

cocokan2004 發表於 15-12-31 23:51
回覆 little_yolky 的帖子

Little Yolky, 你好,想請問一下培道既吸引之處是什麼?是愛心和包容和少功課嗎?  ...

功課的而且確是少的, 至於happy唔happy, 好大程度要睇家長了。培道的家長們都不是死谷小朋友做足100分的, 差的有, 好的有, 老師對小朋友的成績不會谷得太死, 唔覺佢哋要同學校跑數, TSA也沒什麼谷, 只是做練習而已。二線津校的功課肯定是多的。
至於老師有沒有愛心呢, 要惡的時候還是很惡的, 沒品的老pat pat也是有, 但相對比較少吧, 反正這些間間學校都是有的, 最低限度校長是好的, 這個很重要。


另外有一點, 是學校會俾好多時間小朋友適應小學生活。例如：小一沒有常識科, 因為希望小朋友讀少一科, 多些時間習慣小學生活, 因為學校覺得小一的常識真的很常識, 很多小朋友日常生活要識了, 不用特別教。另外, 一三五下午有功課堂, 所以專心的小一小朋友一般可以完成功課。學習量也是慢慢增多, 小一小二小三慢慢加多加深, 沒有教快, 小一小二上學期測考有讀題, 所以小朋友適應得好好, 只要家長不為分數同小朋友執著, 小朋友都是笑嘻嘻上學的。

有一次跟校車出學校, 同車有另一間私校學生, 兩校同學十分明顯的, 另一私校學生個個烏眉合睡, 無辦法, 功課太多了。


但你要注意一項, 培道測考默真係超多, 每學期中英各4默1考默, 2測1考, 數學小二開始3測1考。不過, 中文呀、常識呀呢D有範圍的, 就因為測考多, 所以次次範圍少就是了, 但你知啦, 英、數無乜範圍, 係累積的, 所以次數多都真係相當攞命, 好影響其他活動的安排。

little_yolky

cocokan2004 發表於 16-1-4 22:45
Thank you so much, very detail reply!! 有小朋友受唔住測考默壓力而轉校嗎?
我自己唔CARE小朋友成績, 但 ...

壓力? 如果大家有壓力, 我諗升中成績會好好多

其實我唔多去學校, 所以無接解太多同學仔, 主要係同班同學家長whatsapp群組聊天呻。我唔多覺小朋友為咗成績有壓力, 至於老師有無俾壓力? 暫時未收到過, 就算阿女某科測驗越來越低分(係10分10分咁底), 阿女二號默書唔合格, 都係收過老師電話, 阿女都話老師無話過佢哋。


轉校的聽過的都是轉去較好的津校(升中B1率高些, 或跨區實在太早頂唔住轉校等原因)。如果小朋友自律, 測考默是沒有壓力的, 因為範圍少, 相比其他學校, 功課真係相當少, 正如我都係細女升咗小一, 先發現原來測考默咁密, 大女時測咗我都唔知。

我想, 如果有壓力, 都係家長俾的壓力, 因為主科唔合格要留班的, 真係有同學仔會留班