點解「小學雜談」而家變咗「補習介紹所」？

little_yolky

IloveJJ 發表於 16-8-26 10:08
好似版版都係講唔同地區唔同科目既補習社咁？

你諗下, 連我都要隨波逐流俾個女去補oral, 咁你話小學雜談係咪等如補習雜談呢。

little_yolky

IloveJJ 發表於 16-8-30 18:02
話說我朋友個女舊年升小學，個朋友又係即刻想搵補習，咁我哋就係咁勸佢，佢話驚個女自己做唔嚟功課(佢要返 ...

我講我自己既經驗啦。

我都係唔主張補習派。大女今年升小四喇, 不過, 佢個oral真係好似教育局局長咁, 所以都無辦法要外補oral了。我依家會覺得有D遲咗, 如果由小一開始補oral, 佢可能會好好多。不過, 大家唔好誤會, 佢測考oral係好高分的, 因為衰女只要係同分數有關就會全力以赴。但我唔係想佢只係考試機器, 想佢係真正叻, 所以, 都無奈要補一補。家姐唔可能細膽, 自細上台幾百人見慣大場面, 成首曲都唱得掂, 點會細膽? 應該係唔夠熟練既問題, 所以, 等佢多D機會同老外講下, 應該會好D, that's why我唔鐘意BBC, 但無辦法, 老外只有平日有堂, 其他班又full咗, 唯有等佢進步咗上advance course至上老外班。


因為有家姐呢隻前車, 所以阿妹就唔敢怠慢, 佢一向數學幾好, 但下學期發現每況愈下, 搞到總平均分跌咗3分, 3分喎, 你話幾多名? 佢自己認為係自己唔小心, 我覺得係佢題目理解有問題, 連數研老師都歎晒氣叫佢認下D字。無論如何, 唔好喇, 唔好拖, 所以今年都要補一年數研, 如果情況改善, 咁小三就可以停。


點解我唔自己同佢執? 無他既, 因為我想用有限既資源(時間)滿足我無限既慾望下, 只好以金錢換取時間, 我自己最耍家中文, 就主力同佢執中文, 數學留返俾人執, 咁應該係最高效率既做法。

little_yolky

IloveJJ 發表於 16-8-31 11:14
點解你細女數學叻，都仲要上數研？

因為佢唔識字, 成日唔理解D題目, 文字題死晒！所以, 補一補, 以防就算死晒文字題, 其他啱晒都起碼有80分。我哋數學考試乘大兩倍分, 所以上次考試跌咗20分, 即係無咗40分, 你話幾傷呢。That's why佢跌到去級6X。

little_yolky

IloveJJ 發表於 16-8-31 11:29
其實我仔都有去補oral和普通話，我個人既原則係:試唔教佢，睇佢自己攪唔攪得掂；佢唔掂，我先教佢，再睇下 ...

我都係差唔多策略, 不過話時話, 阿妹雖然只學phonics, 但D英文oral都好似好咗少少, 可能都係多咗同老外交流係有幫助。

little_yolky

MASAYA 發表於 16-8-31 12:45
佢係唔認得字定唔夠閱讀理解能力？細女數好係指數感？

我暫時唔知。總之佢唔多明條文字題問佢乜, 但做中文閱讀理解就好叻。佢D數學由細到大都話頭醒尾, 唔駛好似家姐咁勞氣。

little_yolky

Jane1983 發表於 16-9-1 10:00
補習係quick fix，如果話攞d錢出來補習，小朋友會變得好叻，邊個唔想？ 不過，現實係無咁簡單。

即係拔尖補底囉, 好既就再增潤拔尖補好D, 差既就補底補返好個基礎。老實講, 自己唔係瓣瓣掂, 阿妹學咗phonics, 默書真係勞少咗少少氣, 雖然進度緩慢。家姐掂既咪搵個老外同佢補下oral, 錦上添花囉, 斷估多D機會講總比無講好D既, 你話要學到native咁就緊係無可能。來年既目標, 係响屋企我多同佢兩個講普通話, 同埋執好科中文, 咁就大功告成了。自己執D, 人哋執D, 無咁辛苦丫嘛。

little_yolky

Jane1983 發表於 16-9-1 10:41
回覆 little_yolky 的帖子

係呀，出去搵人教小朋友，可以係體藝，可以係補習，睇需要和力度，唔係話標籤補 ...

講到游水, 真係好奇。兩年前暑假, 我請私人教兩個小朋友1:2, 學咗個半月, 大女中耳炎+暑假就完無再學, 細女只學識浮, 大女只學識自由腳, 細女仲俾惡教練搞到驚咗游水。舊年暑假, 我見細女仲細, 就俾家姐去咗間口碑幾好既泳會學, 點知學咗兩個月, 仍然係自由腳+自由手分開游。今年, 就搵咗另一間泳會, 呢間口碑無咁好但規模較大, 成日話有惡教練, 但親戚學咗幾年話都OK, 咁兩個女女學咗兩個月, 真係amazing, 家姐識咗自由式同背泳, 係連換氣都學埋, 阿妹就學識自由式同背泳腳, 我真係唔可以相信兩個女可以有學識游水既一日, 我同C6禮拜日見到佢哋游水, 真係差D感動到喊咗出嚟 皆因我哋兩個都唔識游水, 好想兩個女識游。所以, 補習社又好泳會又好, 真係要講個夾字, 佢哋依家會keep住開學都一星期游一堂, 實在太開心了。

little_yolky

Jane1983 發表於 16-9-1 11:11
回覆 little_yolky 的帖子

樓上講得啱，有時小朋友身體機能、手眼協調，或者腦仔發展，有時真係要到佢read ...

所以, 有D嘢太早學, 其實係丟錢入咸水海。

little_yolky

IloveJJ 發表於 16-9-1 11:34
係呀！不過有啲太遲學又唔得喎(好似你咁)!因為會驚(例如:游水、踩單車）又可能會怕羞(好似你女講英 ...

我其實諗極都唔明, 阿妹下半身係沉的, 但佢點解換到氣(雖然姿勢核突D), 我成個人好浮的(....因為肥), 但一換氣就沉落去, 手腳分開游又好地地。

little_yolky

魚兒小寶貝 發表於 16-9-1 12:50
係喎！冇上一排變左咁！係咪在職父母搵另類托管咋！？

但成page都係問補習喎, 又真係誇張咗D。

little_yolky

huba 發表於 16-9-8 12:26
「目標是小學時期無需去補習社補學科。」
見到這樣的目標有點無奈感慨，如果定些正面的目標會更有建設性。
...

語文最好從少培養及需要時間浸，除了正規學校教育，家庭提供孩子語景、接觸英語及閱讀等都很重要及有效，補習主要是針對考試成績的產業。<===== 都唔係既, 想增潤丫嘛。考試成績無問題架, 阿媽我可以俾到小朋友多接觸英語語境, 就只有俾佢去外國人度補會話了。



放學做完功課、食飯、沖涼、執書包、練琴、練唱曲, 每日餘下既時間一個鐘都無, 菲傭姐姐又唔係咁鐘意小朋友, 唔會主動同佢哋傾偈, 星期六學嘢上堂朝9晚6, 好似返工咁, 星期日就返教會同游水, 溫下測考咁, 所以人人得24小時, 呢度放多咗, 其他方面就少咗時間了。

little_yolky

IloveJJ 發表於 16-9-8 14:43
嘩，你女好忙呀！星期六:朝九晚六?

其實係兩個加埋, 單個就唔係咁忙。

大女：9:00-10:00    粵曲
10:00-11:30    中國舞
12:15-1:00   回家午飯
1:00-2:30    自由時間
3:00-4:00    oral
4:00-5:00    下午茶
5:30-6:15    鋼琴


細女：
10:00-11:00    粵曲
11:30-12:30    去公園玩
12:30-1:30    响街食飯
1:30-2:05    換衫/拉筋
2:05-3:05    芭蕾舞
4:00-5:00    phonics

little_yolky

IloveJJ 發表於 16-9-8 16:50
嘩!咁仲話唔忙?每人每日三樣喎!我仔兩日加埋三樣，我C6都話太多!不過你嗰啲唱歌跳舞都係你女鐘意 ...

你哋多D, 我計埋平日, 家姐都係5樣, 妹妹6樣