有冇人今日去左蔡繼有開放日, 分享下感受!

mamakam

下午到咗學校, 我哋首先去y1&y2課室, 見到好多學生既science projects...毎一個作品主題都唔同, 感覺大部份做得好好, 但係可以肯定家長做咗大部份而小朋友就......好明白學校既用意, 去到高年班情況應該會好唔同......不過如果家長一路唔肯放手(可能怕小朋友自己做得太多會效果唔好,會影響表現, 甚至會喺同學面前失威), 咁就會失哂意義......
睇咗一個y3&y5學生project presentation, 學生表現就有好有唔好, 其實冇所謂, 咁多學生總會有參差, 但安排就太差(1. 唔準時冇通知 2. 冇人主持介紹, 只有學生直接出來presentation, 2個生present完又冇人出嚟講重有冇其他presentation), 所以等咗2分鐘就咗......
另外, 我見唔到學生們對外來參觀既客人有特別熱情或有禮既表現......喺一個y1課室,有2-3個學生圍喺一個類似可以玩遊戲的模型前,我同囡囡走埋去, 正當我哋想動手硏究一下, 其中一個學生即刻話"你哋唔好掂!"我問佢"呢個唔可以玩?"佢答:"頭先已經有人整"巢"咗d草(紙做)..."......我冇怪佢, 佢只係小一的小朋友......之後我哋去到6樓,入咗2間高年班既課室, 裏面冇乜好似低年班既作品展覽,但我哋都入去睇吓, 只見到有成班學生喺度食嘢飲嘢傾計, 佢哋見到我哋入去, 只係好似好奇怪咁望一望(另我覺得好似打擾咗佢哋)就轉頭繼續傾計......再入第二個班房又係咁......可能學生本身冇乜問題, 但係我會有個感覺學校喺open day之前既preparation/training唔夠囉......我好喜歡呢間學校, 但係今次open day比我既感覺真係唔太好!