仔仔中文唔好，驚DSE肥佬

bb_2001

同我大仔情況一模一樣，我從小五開始已經只私補中文，到中三就私補和遵X都補埋。佢已經是中六，明年考DSE, 理科成績不俗，但中文仍很飄忽，徘徊合格與唔合格邊緣。私補是捉佢改善問題，遵X是幫佢攞料。

而加先開始補，真的有點遲，理科人沒感性頭腦，愛分析，唔明就係唔明，有時真的沒辦法。

有些意見可考慮:
1)  補習一定要，盡吓人事，希望最小那個3級回來
2)  提議仔仔作文選題時，選些重分析的題目，別選描寫文，再細心計算有那些攞高分的方法。
3)  跟據小朋友意願，留意吓他喜歡科目的收生中文最低要求，有些科目，會看重面試，填Jupas 時要小心選擇
4)  盡煲選修科及其他主科至5級以上成績，希望憑這成績，與大學有計傾。

中文急不來，佢個個字都識，就是不明白，佢都唔想。

又及:  高中後，學校用DSE評分準則去計學習成績，所以會較緊，目標主要是合格便可。