昨日收到考試卷後, 問番阿仔, 佢竟然識答.....

halloween128

各位,

昨日收到考試卷後, 真係有啲失望, 阿仔不但無進步, 比上學期退步了! 我攞住份卷問番阿仔, 佢竟然識答! 我問佢點解, 佢話當時睇得唔係好清楚! 後來我同個同學仔媽咪傾番, 佢話阿仔同佢講過佢好驚考試, 因為驚考得唔好! 係咪我比太大壓力佢, 引致考試發揮唔到水準(但是點解事後我問番啲問題, 佢又識答)? 請問有無家長可以教我點做(來年阿仔升小二, 老師唔會讀卷, 真係擔心佢成績仲差呀)?

halloween128

小妮子,

好多謝你嘅建議! 小一考試老師會讀卷, 但是升上二年班後, 就要靠個仔去睇卷, 請問點先可以訓練佢地去睇同理解條題目? 是否要做多啲練習? 若果阿仔考試時真係唔識去解條題目, 可以教佢地點做? 考試前我已經再三同佢講, 叫佢做卷時唔好遊魂! 睇清楚O黎做! 但是數學其中有條題目(仲要係學字題), 明明係+數, 阿仔竟然計左-數, 真係被佢激C呀!

halloween128

Icy1998430:

我都想要呀! 你可唔可以SEND埋俾我?

My e-mail address: [email protected]

Thank You very much!  

halloween128

lcy1998430,

已經收到啦! 真係唔該晒呀! 你真係好人呀! THANK YOU VERY MUCH!

halloween128

小妮子 & lcy1998430,

個仔升左二年班後, 每次做中文功課, 都一定要等我返屋企先做, 中文讀默永遠就留左成句(最慘o個啲字佢全部識寫), 英文默仲差(成日都唔記人名), 對住佢我真係無氣鬧! 係咪找個人幫佢補習會好啲?

halloween128

小妮子,

我個仔返學後, 食完飯休息一會, 就會做功課! 雖然有時會做錯, 但是佢都肯做, 唯獨是中文功課, 佢永遠都要等我返屋企教佢做! 我同佢講就算唔識, 都要試吓做! 但是佢永遠同我講話唔識做(我都有同佢講你唔做, 老師衹會罰你唔會罰媽咪)!

小一時, 我會叫佢將唔識默嘅字寫幾次, 呢個方法都幾work! 不過升左二年班後, 佢唔肯跟我呢個方法, 咁我唯有叫佢一邊溫習一邊將自己唔識寫嘅字寫一次! 係屋企我同佢預默, 佢都識寫番出o黎(而且仲寫得好快)! 但是每次默書嘅成績都好差, 唔係留左成句, 就係寫錯晒啲字, 我都有同佢班主任傾過, 老師話有啲小朋友o係面對默書, 測驗或考試時都好緊張(可能氣氛影響佢地), 發揮唔到平時嘅水準, 老師安慰我唯有等佢地大啲, 可能會好啲啦! 最緊要係知道佢地真係識, 唔好咁著緊成績! 不過有時我會諗, 明明做左預備功夫, 但是出o黎嘅成績咁差, 有啲失望!

我諗住找個補習老師上門幫阿仔補吓, 睇吓會唔會好啲! 我有時都會諗究竟係咪自己唔識教, 所以佢嘅成績每況愈下!

halloween128

sallyc,

我個仔小一時, 都成日錯埋啲careless mistake, 有時抄答案都會抄錯! 當時我嘅心情同你一樣, 亦有質問個仔點解會咁唔小心, 但是我話你知原來咁做, 衹會形成個小朋友對TEST & EXAM有好大壓力! 我個仔嘅班主任就話過, 如果小朋友真係有用心去做, 之前亦做足準備, 就算出來嘅成績唔好, 都要去鼓勵佢地(今次成績唔好, 唔梗要啦! 下次俾心機啲)!

halloween128

sallyc,

我個仔依家間中都有呢方面嘅問題出現, 不過情況無以前咁嚴重! 人大左真係好啲嘅! 不過佢最大嘅問題係面對唔到考試同測驗呢啲壓力, 所以好多時就算係屋企識做嘅題目, 係學校都未必識做! 希望正如老師所講, 再大啲情況會改善啦!


eeyore0511,

你講得好o岩! 不過有時真係好唔開心, 不過點都要禁住啲情緒! 唔可以俾小朋友知! 佢地見你唔開心, 都會影響佢地嘅情緒! 我個仔曾經同我講最唔鍾意考試, 因為成績唔好我地會唔開心, 聽完之後都好內疚!

halloween128

eeyore0511,

所以我依家唔太著緊佢嘅分數, 佢高分就當係bonus! 咁樣諗自己會好過啲(最重要係佢溫書嘅態度)! 依家要等阿仔唔好驚考試同測驗, 好似平時做練習咁! 等佢有信心去做, 唔使望住份卷係度發呆!


sallyc,

雖然言語上你無講過任何野! 但是表情上已經話左佢知! 依家啲小朋友好叻架! 曾經有位教過書嘅朋友話我知, 唔好一味踩佢地做得唔好, 咁算做得唔好, 都要讚吓佢地, 咁樣佢地先有原動力去做得更好!

halloween128

Mrssslui,

如果小朋友做做下好累, 試吓俾啲時間佢地休息吓或玩一會再繼續! 若果到最後佢地都仲係做唔到, 咁就唔好再迫佢啦! 你迫佢, 最後出來嘅成績都係唔好! 我個仔嘅同學仔小一時又係唔鍾意溫書, 最後佢媽俾佢溫一個鐘, 跟住玩番半個鐘, 雖然最後都溫唔晒, 但是考試佢嘅成績反而好好! 所以有時迫佢地長時間去做練習或溫書, 反而唔好!

halloween128

judytocp,

你是否之前有責備過佢? 其實無形中, 小朋友已經俾左壓力自己(呢啲壓力大多係父母給予的), 若果小朋友已經開始有呢啲情況出現, 做家長應該係舒緩佢地嘅壓力! 你可以鼓勵佢地, 今次做唔晒唔緊要啦! 下次做快啲啦! 同埋要知道佢點解唔夠時間做, 找出原因(仲要教佢地點樣去分配啲時間, 如果有啲題目唔識, 咁唔好浪費啲時間去諗, 應該做晒自己識o個啲先, 唔識o個啲留番最尾先做, 唔識o個啲都要嘗試去做, 成份要做晒)! 小朋友仲細, 一次失敗唔代表一切!

halloween128

sallyc,

我地大家一切努力呀!  

Pls check PM!

halloween128

sallyc,

好呀! 得閒上o黎交流吓教仔心得!