轉校請教

小巫女女

請問一下各位，小女現讀中二，我想幫佢轉校，應該要點做呢？

小巫女女

好，明白，唔該晒各位！

小巫女女

王家爸爸 發表於 19-4-3 09:38
至於應該要點做，就好睇實際情況。點都係先搵新學校，然後申請；等新學校收你，然後你轉過去。
...

想再問一下，我女係天水圍既band2生，全級考30，請問有邊間比較適合佢轉呢？

小巫女女

草原 發表於 19-4-3 12:52
視乎你target係咩區咩學校及轉校原因（想更上一層樓etc）咁大家可以比D切合你需要嘅建議比你。

...

我目標都係搵返天水圍或屯門區，轉校原因係因為發生凌霸事件，搞到我女驚到要匿係更衣室食午餐避人，每日都唔想返學，但佢知道唔返學會上唔到堂，追唔到課程，所以每日都迫自己去返學，但每日都提心吊膽，所以而家情緒極差，亦好無安全感，所以我先決定同佢轉校！

小巫女女

oreobabygee 發表於 19-4-3 13:17
有無同老師/社工傾下？轉校也未必真糸解決到問題啊，有時只糸換左個環境，佢要融入人地圈子也不是甘容易
...

已經同老師跟進緊，今日亦會見社工，之前佢自己都同老師講過，老師亦曾話過同學，但得出黎既結果係同學變本加厲，而我亦都明白融入他人係困難，但問題係佢如果繼續讀落去，就要對住班人多一年，我女已經有輕生念頭，所以我真係好驚！

小巫女女

草原 發表於 19-4-3 13:41
理解的。希望學校社工可以給你囡有支援。至於轉校，有兩手準備未嘗不好，屯門及天水圍的選擇也不少，你自己 ...

元朗會呀！

小巫女女

草原 發表於 19-4-3 13:55
P.S.我上面有點補充意見。
學校選擇方面，你自己總有些想法吧。
我即管抛磚引玉，基朗你會否考慮？

我都有考慮過基朗，但我女而家係讀緊中中，但我見基朗數學及科學都係用英文教，我怕我女追唔到。而我自己諗到既係裘錦秋，另外仲有屯門既永隆囉！

小巫女女

草原 發表於 19-4-3 15:28
中中的話，有冇諗過屯門崇真？天水圍裘錦秋口碑喺我聽到嘅都頗正面。至少我目測學生規矩正常，校長對推動文 ...

多謝你意見，崇真我都有諗過，但位置都幾入下，返學車程太遠，所以唔考慮。另兩間我會打去問下，唔該晒你！

小巫女女

anitawong21 發表於 19-4-3 23:04
既然已經同學校講咗，社工可否安排一處安全地方，等囡囡小息及午膳時間可以安心D？
...

訓輔老師知道後，已經安排左一間房俾佢去食飯！

小巫女女

Yanamami 發表於 19-4-4 08:14
你女有無两三个好友做伴，通常落单者就係被蝦对象｡轉到校之前若有朋友陪住会好少少｡ ...

有兩個唔同級既朋友，佢哋都係班入面無朋友！

小巫女女

多謝大家關心，學校而家終於知道問題嚴重，前兩日全班女同學被老師逐個捉去問，老師亦向全班同學講話如果再有欺凌事件，學校就會報警處理。
而轉校方面，我女話好唔舍得d老師，驚轉校適應唔到，另外又話只要班人唔好再搞佢，唔好嘈住佢上堂，咁就算！