還有人呢幾日收到或放offer 嗎？

藴藴

今個星期有人收到仁立、有人收到浸聯，我最心儀果間未收到call，希望暑假可以收到，開左學就唔會轉了。

藴藴

sandra1004 發表於 21-7-15 14:51
我以為你最心儀仁立

係呀，可惜無收到call，睇吓暑假有冇機會收到call。

藴藴

sandra1004 發表於 21-7-15 14:58
加油，我最心儀的都沒找我

有機會嘅，不過平常心我而家叩到荃灣果間都幾好，只係想轉葵青區升中

藴藴

sandra1004 發表於 21-7-15 15:04
你個係仔？男仔葵青和荃灣都分別不大，荃灣有可風，荃官同何傳耀

我諗住如果佢唔係band1 料子，葵青區band2都多選擇，不過老公話讀band2會揀直資。
仁立見校長in得唔好，呢個月都冇收到call就買書買校服交校車。

藴藴

sandra1004 發表於 21-7-15 15:25
你地搭校車要幾點出門？我仲發緊夢，未買野

7:15上車，45分鐘，都要買定既，有限錢，萬一call先算，平常心。

藴藴

sandra1004 發表於 21-7-15 15:49
荃灣本區都甘早，估唔到

我住嗰度算係荃灣區，但比較入，自己凑一程巴士大概20-25分鐘，再計返等車行路大概35分，最後決定都係校車算。
整個小一由舊年7-8月玩到今年7-8月，真係有種身心俱疲既感覺，考小一學術過到關就ok ，去到最後果關有運氣/眼緣，加上小朋友性格/表現等，真係心儀可以好好裝備小朋友考插班，插班又唔同玩法。

藴藴

Jean1769 發表於 21-7-15 22:43
考慮下都人之常情既，但考慮到呢一刻就真係過分咗

津校制度好，只可以一換一，直私可以hold好多個再hold多個津校，爬文見到玩到9月開學

藴藴

明白，thanks，我誤會左津校同私校先可以咁，不過而家已經暑假，相信已經比較少機會收call。

藴藴

honeybabykid 發表於 21-7-23 11:35
呢三星期已經寄咗四封信比校長。啱啱打咗電話去心儀學校問，佢話學位已滿。不過如果寄信都會照交俾校長，但 ...

你派左邊間？好差？
津校應該開學前後有機會call既。
放鬆心情，有時學校唔收，可能係間學校唔適合你小朋友，如果係學術強面試弱，好多學校都可以申請下學期或下一年插班，唔好唔開心

藴藴

honeybabykid 發表於 21-7-23 12:56
回覆 藴藴 的帖子

多謝安慰！都唔係差。只不過唔係最心儀，而且小朋友面試後一直同我講佢都最鍾意呢間。我 ...

其實小朋友都會感受到，可能你心儀佢先會話鐘意，我都入唔到自己最心儀嗰間，曾經都唔開心唔甘心難受等負面情緒，而家睇開左，其實小學只係一個開始。
而且一日未開學一日都有可能，盡咗力，就輕鬆等開學吧，趁暑假同小朋友周圍去行下玩下，唔好令小朋友覺得自己做得唔好。
最近同小朋友去唔同地方游水，書展、迪士尼、水資源、博物館等，每日都抽20-30分鐘做下小學補充練習，過得好充實。