醫生斷定阿仔語言發展遲緩,有自閉症傾向

kmwun

nglee

小朋友發現得比較早，經過適當的訓練必定會有進步的．我小朋友輪候早期訓練其間，自己先付錢到協康做不同的訓練，有個別的有，小組的．你可以向協康青蔥計劃查詢下，至於小朋友需要做那種訓練則需要向專業人仕請教．另外當時我亦有請曾經做過早期訓練o既姑娘上門同小朋友做訓練．上堂固然幫到小朋友，但我們可以幫小朋友在上堂以外的時間溫習上堂o既內容．

加油啦！

kmwun

nglee

等緊早期時，經朋友介紹o左一位以前在協康做過導師o既姑娘，當時係私人上門做訓練，大半年前收400元一堂(每堂一小時)，好處係唔使同小朋友舟車勞頓，但因為教材要帶上門自然較簡單。訓練內容與現時上緊的早期相似。

我仔仔現時在屯門基督教服務處的中心做緊早期訓練。除了每星期一堂的訓練，另外有上職業、物理同言語治療。仔仔上左堂明顯有進步，另外因為每星期一堂的訓練安排在星期六，我地可以一齊上，我地都知多左平日可以點教仔仔，有問題又可以同姑娘商量下點做。但其他堂因為係平日要返工陪唔到仔仔。

我仔仔因為上到高班返緊早期至排到兼收位，考慮轉校要重新適應，仔仔幼稚園知道小朋友情況但好接受同照顧佢，又有同學仔，我地又想陪仔仔上堂，最後放棄左兼收位繼續上早期。