九龍灣st Jo vs 聖三一

NT40

家人有聖三一小學offer, 如大抽獎唔得的話，都大機會會入讀聖三一小學，所以想向現有聖小家長請教。家人在放學時係聖小學校門口觀察過，發覺有好多學生係講純正的普通話，請問聖小的國內學生佔的比例有幾多？一班有無一半係國內人？這班學生的操行如何？佢地英文程度高唔高？英文、常識、數學堂係唔係用全英語授課？會否英文課本但用中文教？學校語境得唔得？家人升中派位唔錯，想知道學生放學後外補情況普唔普遍？因為係雙職父母，父母需唔需要每日都要抽大量時間跟功課？

NT40

中文老師母語係普通話 幾好喎 。全校總共有幾多個 net teacher? 全校所有英文堂都係 net 教？一班有幾多個學生？我見學校網站全年長期招收小二至小六學生，知唔知係咩原因？有無教淺考深？多唔多成績好的同學，跳番去名官津小學？學生需唔需要大量外補去保持成績？因為見網上評語話學校係happy school ,但見學生升中幾好，所以諗緊會唔會係外補的成效？

NT40

聖三一升Band 1 大概係30-40% ，單獨睇數字就唔錯，但比併埋其他私校，這個升band 1率，係私校黎講其實唔高，我見其他私校有7-8成升band 1率，有些官津小學，都有30-40%升英中率，但就可以免費讀足六年。家人資源有限，所以好想知道，讀聖小駛唔駛大量外補？如果真係要，可能要留番係津校，將資源留係外補方面。因為除左學費外，仲有校車費，如加埋大量補習，財力未必撐得住。