溫習溫到很激氣!!!

mamummypig

溫果二個鐘有無休息？有啲小朋友鍾意一口氣溫，有啲會覺得不停做好慘，不如比佢自已訂休息時間，例如做完2本練習就休息10分鐘，自由做自己野，但10分鐘後再進入下一part，睇下會唔會好啲？

mamummypig

辛苦你啦有時教小朋友溫書，真係恨不得打開佢個腦就咁倒啲知識入去！自己讀書都無教佢讀書咁辛苦！可能佢開始大個女啦，唔鍾意比人mon住晒，想當年自己讀書都經歷過。佢唔鍾意溫係咪覺得其實自己識晒但又要不斷重做所以覺得煩？改用模擬考試形式比佢試下可以嘛？

我女有時都話佢識晒架啦(唔想再溫)，我就會攞本薄畫份試卷比佢做，佢做錯左就會默默返去溫。

mamummypig

jessiejy 發表於 16-12-28 15:09
大家都係父母, 辛苦唔緊要, 就算結果不是預期都冇所謂, 最緊要佢有努力和父母有幫助佢, 唔係覺得係迫佢和害 ...

小四呢個年紀唔大唔細，但已經覺得自己好大個啦。不如你拉佢坐低，講返你心聲，唔係為自己宜家係想幫佢，如果佢覺得你個做法唔好，錯左方向，咁就試下問佢心目中應該點去溫？或者想隔幾耐休息一次會輕鬆啲？考試我地做家長有時見佢地漏氣真係好嬲，但係如果再迫只會令裂痕加大，比佢揸下主意，你定個大目標(例如5日內中英數每日都要溫到，中文要抄1至10課每課生字兩次，英文要溫XXX，數學就做補充幾多課)，而佢定進度(第1日中文抄多啲，英數剩係1課，第二日無中文，集中溫英數‥等等),休息間隔，令佢溫書之餘你同佢都可以輕鬆休息下，咁會唔會好啲？
加油呀！