我好亂呀！商科其實係讀咩？

Cherishvalue

焯媽媽 發表於 21-11-11 12:46
1. Personal Statment: 如果玩JUPAS的話，老實講，我覺得無用，因為係香港只要成績夠分，
   大學必定要收 ...

之前網友寫的主要針對UCAS，這裏我我也和大家分享一下孩子去年報劍牛的經歷：

1） 期望管理 - 畢竟報劍牛唔得嘅可能性比獲取錄嘅高，我地唔想孩子被打沉，一開始就和他溝通清楚，如果他被拒絕有可能大受打擊的話，報之前要三思。

2） PG  - 有劍牛做目標，孩子在G11中段開始加大了力度搏 升grades， 壓力的確轉化成動力。

3）Personal statement - 孩子由G11 的四五月開始就斷斷續續寫，中間資料搜集、整理、下筆 、 與學校輔導組溝通（其實是被彈回頭！）、自我質疑（成篇自己trash 左）到最後定稿，過程雖然痛苦但好有得著。

4）Assessment test - 我地無搵坊間補習社幫手，完全是自己買書/溫pp/ 請教以前考過的學長 （考之前一晚仲whatsapp 緊師兄求救！）， 中間真的感覺到孩子的intellectual ability 高左， 最後得知成績理想，有機會參加面試， 感恩之餘也幫孩子對建立了信心。

5）面試 - 我地自己不是劍牛畢業，無經驗可以分享。唯有在朋友圈中搵人幫手和孩子傾。  呢個時候學校幫了我地很多，聯絡校友（甚至校友嘅校友）去比料和mock interview。 面試嘅過程非常具挑戰性，但同時可以感受到對方是尊重你，真心想了解你多一點以決定你是否適合入讀。 可惜因為疫情關係，去年嘅面試是zoom，無機會親身踏足校園去感受其中氛圍。 做完這個面試後，孩子的面試技巧好左好多，對之後其他學府的面試也能輕鬆面對。

個人分享，如果夠分和有時間，心態又正面OK， 報劍牛不論結果都會大有得著，過程中已經塞曬錢入袋，收就當bonus，唔收就繼續努力囉。