直資學費

1998Ruby1998

回覆 小曳人 的帖子

我學校有強制捐錢（冇格仔剔唔捐，最低消費 500）同埋廁紙基金（女校廁紙用度高），咁樣就唔見左一千蚊。因為校舍舊廁所冷氣機整極都壞，學校又整多件維修費，每人交多 300。加加埋埋，一年至少畀 2500。讀津貼都咁，讀直資就更加唔洗講。
如果有中學部的話，d 錢係上繳中學部，中學部撥給一部份畀小學部用。

1998Ruby1998

回覆 Charlotte_mom 的帖子

d 人話津貼唔洗錢，其實唔係，只係分開畀錢唔覺原來畀左咁多。
交左冷氣費同堂費 450，然後要交廁紙基金，廁所真係冇洗手梘液（用完就冇，等幾日）同抹廁所板清潔液。維修基金就睇果年好唔好彩，d 野有冇壞。仲有額外印刷同埋圖書費，應該係都接近 200。不過呢 d 都畀啦，自己要用吖嘛。最唔服氣係 d 強制捐錢。

1998Ruby1998

回覆 b3410 的帖子

冇得唔交，有同學試過，畀老師追數，然後話學校咁辛苦養育我地，畀個安全環境我地讀書等等之類，煩到你唔交唔得。不過都算了，學校有返咁上下名氣，老師質素都好好冇 hea 教，升中又有好大保障，就當係畀平價學費。同埋學校都算係咁，如果有兄弟姊妹的話，是但一個交一份錢去捐就得。

1998Ruby1998

回覆 YuTungMaMa 的帖子

因為女仔廁紙用量好大，兩三日就搞到廁所冇廁紙。

1998Ruby1998

回覆 retriever 的帖子

校友捐款有的話銀碼應該唔大，唔多覺學校有大轉變，最近果次就係安兩部電視，再對上一次係免費校園雨傘。小學部就唔覺有任何改變。
冷氣機年年壞，冇辦法，佢唔漏水滴到成張檯濕曬已經收貨。成日都要搬檯避漏水。冷氣費我唔知算唔算平，400 蚊算平定貴？好似冇加過價。同埋我地唔畀長開冷氣，開 10 分鐘左右就要熄，所以影響都唔太大。

至於 NET，我地 d NET 唔教英文科，只搞聚會、派對同教下話劇，一個已經夠曬。另一個 NET 就完全唔教書，只搞話劇。

1998Ruby1998

回覆 retriever 的帖子

換曬咁多部冷氣機太大工程了。每個班房都有問題，一係漏水，一係唔夠力，一係好嘈，之前換一部冷氣都搞左好耐。
最正係教員室冷氣，一行過，d 冷氣真係同高級商場果種陣陣涼風感覺一樣，就算摸教員室 d 牆都比課室 d 牆涼好多。所以我呢 d 雪條人一年四季都熱到流曬汗，黐住教員室 d 牆就即刻降溫涼爽，有老師開門的話就正吖！

不過好彩女仔多數都係怕凍，好少好似我咁冬天都可以流汗甚至生熱痱嘅人好少。夏天真係咪搞我，諗起以前大汗滴細汗，老師都係一句「心靜自然涼」。