會唔會一間都唔收?

petunia

我又會覺得...一d擔心都無wor...

我已經收到3間屋村學校，叫我帶定千幾蚊留位費去interview....

好在啓思收左我個女，所以呢3間我都無去in，仲有大把學校擔心緊無學校讀。唔駛擔心的。

我反而好期待，有無一間有公信力的機構，做一個調查，查證08年出世的兒童人數，以及全港幼稚園學額數字，好讓家長、辦學團體都真正清楚現況。

petunia

你要相信bb的第六感。佢唔鐘意就係唔鐘意，點都解釋唔到。

我記得有一次in th()nk，我個女都變左十問九唔應。其實我心中都不知幾安慰，因為去interview果日，我就覺得唔多鐘意呢間學校。

前日去in康()，佢迫人地去聽家長會，安排混亂無比，仲要俾我見到校長有校長肉緊，下面有下面唔上心，咁唔合作的風氣...

結果，我個女只係玩得好開心，但係就唔聽話。我都覺得無乜問題吖。

第三間學校，面對group interview我已心感不妙，點知佢好似好鐘意老師咁，都唔駛人叫就搵位座，老師叫早晨佢竟然會答！平日見慣的爺爺佢都未必叫....結果取錄左我個女，我去交留位費，我自己都覺得呢間學校會適合我個女....

唔駛擔心架，老人家都會話，如果要搬屋一定要帶埋bb去，如果bb一入到屋就喊，即係間屋唔夾，如果bb一入到去就周圍玩，即係呢間屋旺佢。有時迷信一下無壞 ^_^