【短片】【名校Secret】2招推高入U率 前教師大爆陰招

elbar

呢啲全部都係學生嘅心意，連Sir見到都會會心微笑。

「就算唔係直資學校，原來入面都可以好黑暗；比起投資銀行嘅黑暗，我更加難接受。」

連Sir從小就讀名校，一直好努力讀書，為將來鋪路。結果佢會考拎到8A成績，入讀科大嘅Global Business，畢業後就順理成章入投資銀行工作。「我喺2008年入iBANK，嗰時我覺得自己好叻，畢業嗰陣20歲都唔夠，就可以喺中環office。









連Sir主力係教經濟科同埋會計。









連Sir話佢私底下同學生好close，不時都會一齊食飯gathering。









雖然自己開補習社比以前做學校老師辛苦，但佢覺得依家可以幫到更多學生，辛苦得嚟好值得。


因為想為社會作出貢獻，所以連Sir就轉行做老師，希望教育下一代。可惜，當佢轉做老師後，卻發覺校園比起投資銀行更多爾虞我詐，更加黑暗。「去到中學，你發覺原來呢個世界上，有樣嘢叫做天下烏鴉一樣黑」，學校原來可以為咗名聲，為咗盤數而將學生嘅利益拋開。連Sir舉例：「為咗拉高個入U率，有啲老師會叫學生揀科穩陣啲。但係咪穩陣到佢明明個分夠入UST(科大)，你夾硬逼佢擺OU（公開大學）喺Band A？25分入OU冇問題，只要係自願，而唔係你去誤導佢。」

性格正直嘅連Sir，因為過唔到自己良心，選擇辭職開補習社，佢仲會唔收錢幫有需要嘅學生。佢話：「都辛苦o架，真係好多嘢去改變，不過都有reward嘅。你幫佢哋揀choice，見到一堆迷途羔羊過嚟，但我幫佢哋分析完後，見到佢哋突然之間知道點做嗰吓滿足感好大。」