君豪LH am (做大B) vs SKH am (做細B)

QKmommy

cwinglll 發表於 20-12-31 15:24
唔好意思，第一次出帖，多多包涵
仔仔本身讀緊SKH am, 好可惜疫情關係上得嗰幾十日學就停課:laugh2 ...

SKH嘅好，真係要到升小先能夠深深體會

可能疫情關係，2020 年cancel 哂D升小分享會，又冇乜機會送番學同其他家長同老師交流吓小朋友情況同升小情況，所以令你覺得SKH都係不外如是

我自己經歷過由考直私到扣門，嗰種有如坐過山車嘅起起跌跌，真係要心臟好強大先可以應付到，我自己都崩潰咗好幾次，全靠楊校長同身邊嘅家長群支持住，所以我真係好感恩有一間咁有愛嘅學校，就算係寶山收我都唔會走
另外，要睇吓你 target 一D咩學校，如果係聖公會旗下嘅學校，不論直定係資，楊校長有D牙力，可以幫到手，如果係CKY嘅話，學校嘅影響力就相對冇乜喇，SKH入CKY嘅人相對係少，原因大部分家長都係以聖公會小學為目標，加上大部分住港島，比較少啲人去九龍番學

喺SKH，細仔係有機會 repeat 的，我會建議你去搵楊校長傾下計，以往正常番學時，校長會經常入課室觀課，所以佢好清楚小朋友進度，可能俾到一個 new perspective 你，不過疫情問題可能情況有變

LH 情況我只係聽我屋企人講，我nephew 11月細仔，今年考小，讀九龍分校，屋企人同我講佢大部分學校都有 second in, 包括DB同SPCC，不過佢班上嘅同學冇乜幾多個好似佢咁標青，所以我相信到最後，小朋友考到咩學校其實同幼稚園關係唔太大，最重要嘅都係家庭教育

見到你都知道自己忽略咗個細仔，希望你好好多加留意細佬，俾番多D attention 佢，其實小朋友的成長，家長嘅 attention 真係唔少得，身邊好幾位朋友都係忽略咗個細佬妹，好明顯見到細嗰個喺能力同態度上都有落差

最後，祝福你新年進步，一家人開開心心