校車司機真係好鬼衰!!

lieyeemama

各位，仲記得我都同學校投訴左三個人坐兩個位嗎？結果係頭兩曰佢叫左第二個小朋友三個人坐兩個位，讓左個位俾我女坐，咁都得！兩曰後佢好好聲氣同我講，太太，你個女女係一年班，不如俾佢坐番前面啦，雖然係三個人坐兩個位，但都唔會太迫架！坐前面仲好呀我容易照顧佢地嗎！你係尾二個站，幾個字就到學校，唔駛擔心啦！同埋車尾係高年班坐，落車會容易安排d，個阿姨一輪咀其間，已安置好阿女坐中間，仲幫阿女將書包放好，我只係哦左一聲，之後，我問阿女坐得迫唔迫，佢話唔迫仲識左新朋友，所以就由得佢！
我都問過其他小學，佢地都係咁，三個人坐兩個位，又遲大到，又惡死！但講粗口就真係要同學校講，因為佢地學野真係好快，尤其係衰野！@@
其實我呢兩個星期朝早都有番學校，好明顯小朋友落校車時安排真係改善左好多，見到學校每曰都有派姐姐企嚮門口幫手接校車小朋友番入學校，校車阿姨亦有扶小朋友落車，仲幫佢地背好書包！總之，有問題就要出聲同學校反映，幫唔幫到手係其次，起碼俾佢知道有件咁嘅事同埋知道我地嘅想法！