重讀K3

喜樂果子

其實我覺得重讀本身係無咩大問題, 但係唔係可以解決到本身既問題先係一個問題.  小朋友在唔同階段都會出現學習或情緒問題, 但總唔可以次次都重讀, 我曾經因為小朋友派學校不理想重讀, 咁只要我可考到入我認為理想和合適就解決左問題啦, 不過最後了解左學校多D同小朋友又可以同學校磨合到, 所以放棄.  如因為學習比較無咁追得上, 我覺得不用重讀, 講真比你小一食到老本小二都唔得, 全班最叻都係得一個, 做無咁叻既有咩所謂, 咁未仲有進步空間, 同時在同一間學校重讀K3真係有D浪費時間, 連最基本適應新環境新課程都不需要,咁係話啦, 一年唔學野好, 定學得無咁叻學得多野呢, 有D小朋友同埋D細既一齊玩得多會唔識進步.  只要家長放得低唔需要小朋友成日都要第一時間就最叻, 咁我覺得無家長會再話自己小朋友唔專心, 學野心散架啦.  但重讀小一既價值會高D, 因為唔同既小學會有好唔同既教學模式,校舍課外活動校規都好唔同, 小朋友會學到新野, 同時我覺得小學會影響升中而我唔相信幼稚園會太過影響升小學.  

喜樂果子

小兔~阿比 發表於 15-1-5 12:58
聽起上來係保護，但相反可能是過度保護。
我囡是細b,但上小學反而無問題，相反阿仔就5月，但很多自理都唔得 ...

其實有時我覺得有D家長就係想上小一既時候輕鬆D, 又或者可以O係頭果堆, 對某小部份小朋友來說係好, 不過我只可以講, 老本唔食得耐, 而且自信唔應該建立O係成績度, 小朋友可以小一HANDLE得比人好, 因為佢大過人, 但如果佢P2時比人追返咁點呀, 又REPEART呀, 教小朋友真正既價值觀才最重要.  講真讀遲一年或讀多一年真係一D問題都無, 不過有時我真係覺得某D家長只著眼睇小朋友讀遲一年會HANDLE得好D, 上小一未成績好D囉, 呢個想法真係好錯, 小一成續好D又點呀, 可以直升大學咩, 唔係呀, 只係會O係小一起步好D咋, 只係可以滿足到家長既心態 - 成績好
如有D小朋友四支發展無去到達標, 或語言理解都差D既, 咁我覺得就可能值得去諗下既