正確認識「谷」

王家爸爸

Face3366 發表於 21-7-11 08:37
好多家長害怕谷小朋友，覺得小朋友若有壓力會不開心丶心智不健康。于是釆取放羊策略，任由小朋友發展。但結 ...

現實係香港同大陸都一樣，害怕小朋友輸在起跑線既家長，一定比放羊既多。
個人認為，谷同放羊對小朋友好定壞，其實需要睇小朋友既性格同家長既資源。性格錯配同資源不足都會係災難。谷需要谷小朋友受谷既範疇，放羊要放小朋友根基好、興趣大既範疇。

王家爸爸

Band5 發表於 21-10-12 23:08
算唔算怪獸？

如果小朋友年年都考10名內，今年考30，你接受到？

如果小朋友年年都考10名內，今年考30，你接受唔到，呢個唔係怪唔怪獸既問題，係愚唔愚蠢既問題。
小朋友之前年年都考10名內係事實，而今年考30都係事實。實實在在既事實，你無得唔接受。
預到呢啲問題，重點應該係揾出問題（如果你覺得係問題）既背後因素，呢啲因素有啲係你控制到既，有啲係你控制唔到既。理性既做法係，諗辦法改變啲你改變到既因素。

王家爸爸

b3410 發表於 21-10-13 09:58
我真係會接受唔到喎！

break bad news 第一個stage denial, 第一個反應接受唔到好正常。

接受唔到可以點？最終都係要接受，唔同既只係聰明人一步到位，愚蠢既人喺憤怒階段已經崩潰，其他人走完成個「程序」然後都係接受。

王家爸爸

02413124 發表於 21-10-13 10:32
我個人既谷係從小培養正確既學習態度，教佢搵啱自己既讀書方法。
另外，我亦認同小學絕對可將勤補掘，高中 ...

每個小朋友有唔同既最適合學習模式。一個小朋友覺得谷，另一個小朋友覺得輕鬆，所以谷只係反映揀錯學校。

王家爸爸

想真正咁正確認識「谷」，首先要定義「谷」。有啲家長覺得多而淺既功課就係「谷」 ，有啲家長覺得少但難既功課先係「谷」 ，有啲家長覺得多而難既功課先係「谷」。唔同定義，有唔同既解讀。

王家爸爸

fatman69 發表於 21-10-13 14:35
課程及功課的質素，亦反映學校的成績！

課程其實間間學者差唔多，功課其實都係嗰幾本練習，無必要額外加多啲。至於質素，我反而認為老師既教學質素好重要，好既老師，一講就明，唔好既就兜兜轉轉，去唔到重點。

王家爸爸

Kirin007 發表於 21-10-13 12:07
學校谷有得揀，父母谷冇得揀，父母催谷其實幾恐怖：部分家長唔認啫！

我一向都認為無必要過度催谷，小朋友細既時候，最重要係訓練佢哋邏輯思維。文字邏輯，其實學好英文已經訓練到（中文既邏輯性無咁強），語言好就會鍾意睇書。數理邏輯就係理清重要既數學概念，唔需要操。搞好呢啲，其他野唔太重要，所以小朋友其實可以活得相當輕鬆。

王家爸爸

02413124 發表於 21-10-13 11:01
因為佢地細，所以只會教佢地搵啱自己既學習模式。
個人認為，從來學任何野要追求一定層次，就算天資幾好， ...

同意搵啱適合小朋友既學習模式好重要。

王家爸爸

twobirds 發表於 21-10-13 13:58
對呀，因材施教才是王道！
而且沒有必定會出類拔萃的，接受平庸也是一種成功。

因材施教係好重要，不過香港既制度唔太注重老師既質量，所以好難做到因材施教。唔係老師唔想，部分老師係無能力，部分係無時間，一班太多人需要照顧，好難分身。

王家爸爸

Band5 發表於 21-10-13 19:07
多，少，淺，難都冇定義，谷又如何有定義？

其實好簡單，如果功課多到影響小朋友正常生活就一定係多；如果少到每日花少於半粒鐘就一定係少；中間就係適合範圍。個範圍好寬，視乎個別小朋友既能力同老師既取態。
如果只係套公式就係淺；如果兜幾個圈都做唔掂既係係難；中間既就就係適合範圍。同樣個範圍好寬，視乎個別小朋友既能力同老師既教學方法。

王家爸爸

Kirin007 發表於 21-10-13 20:35
其實催谷之外，仲有好多家長的謎思讓人費解：小朋友坐唔定——搵活動教學school，小朋友懶散——搵happy s ...

小朋友坐唔定，搵活動教學既學校，理論上係正確。問題係香港打住活動教學既招牌既學校，有幾多係認真做既？！呢啲學校多數係商業經營，辦學團體主要睇賺錢，而唔係社會責任。

王家爸爸

musiclover1609 發表於 21-10-13 22:48
有哪些學校是這樣呢？

元崗幼稚園、錦田通德小學之類

王家爸爸

Band5 發表於 21-10-15 16:12
咁我應該話我仔係功課少，但佢個同班同學就會話功課多！

我仔為咗放學要去運動操練同有時間自己睇書同打 ...

其實呢啲現象好普遍，係香港既教育制度造成；學生讀唔啱程度既學校，基本上一定係咁。
同班同學覺得功課多，日日做功課做到十一二點，可能佢應該讀程度低啲啲既學校，對佢既將來會好啲。不過因為種種原因佢讀咗間程度唔啱既，難為了個小朋友，難為了老師，亦浪費社會資源。

王家爸爸

fatman69 發表於 21-10-20 13:19
清楚明白！
家長放羊多年，想開始谷，但發覺谷吾起，唯有繼續強調放羊好處及樂趣！
谷開努力開的，越讀越 ...

放羊又好，谷又好，家長最緊要係想法一致連貫。今日放羊，聽日想谷，或者今日谷，聽日想放羊，好大機會係災難。無論係邊種parenting既方法都好，唔好跳來跳去，咁樣小朋友好難適應。

王家爸爸

另外，如果真係要轉parenting style或者learning approach，最好同小朋友溝通好。

王家爸爸

bugmum 發表於 21-10-20 22:20
我覺得放羊不等如咩都唔洗做，起碼多睇書，多做些有啟發性既活動。如果長年荒廢，會令小朋友建立了一個不 ...

我自己係半放羊式家長，小朋友中學既時候基本上睇佢哋想睇既YOUTUBE（英美劇，大陸同台灣劇），做佢哋想做既野。小朋友有玩影相，玩 Bass Guitar，玩莎劇比賽，參加寫作比賽，參加 Parliamentary Debate，參加 Mock Trial… 總之佢哋話參加就參加。

王家爸爸

mcl203 發表於 21-10-20 22:34
放羊，可以係家長意願，但最終都係要學校同意嘅。相信大部分都係服從性強，可以放佢通山走，叫佢限時限刻 ...

對，所以揀學校好重要。我仔嗰間好自由，多課外活動，基本上都係半放羊學校。

王家爸爸

fatman69 發表於 21-10-20 19:52
好多家長都想放多幾年羊，最後關頭一谷即起！  
反而一些谷左多年的學生，去到高中大學，家長已不 ...

大部分既谷，係盲目咁谷，死記硬背，去到大學要深層次諗野，習慣谷既未必掂。
至於努唔努力，其實讀有興趣既科目，自然會努力，努力咗自然會努力，所以唔需要谷。

王家爸爸

b3410 發表於 21-10-21 07:09
放完羊再放洋
金句

如果語言能力唔好，放完羊再放洋，可能係災難，所以如果諗住放完羊再放洋，最好鼓勵小朋友多啲睇英美劇同新聞。睇美國左中右派既新聞，仲可以學識多角度思考。

王家爸爸

b3410 發表於 21-10-21 09:47
咁好奇一問，貴公子之後是否放洋？

佢哋中文考得唔好，無辦法。