62網派位成績結果？

必必

今年阿仔間幼稚園派得唔錯, 一班比較熟的同學仔, 都係派第一志願多, 暫時最差係第三志願. 好多都係入浸聯會, 伍季明, 另外荃官, 馬灣基慧都有.

mattjon,

柴下都ok, 不過你都可以試下叩其他小學門.

必必

yokoe,

你個小朋友真係好好彩, 跨網都入到個個打崩頭想入的小學. 你個仔是荃浸學生, 同我個仔是同學. 你個小朋友是上午/下午班?  你有時間可以去幼稚園那邊,  荃浸chat room處同我們傾下.

必必

satu,

如果學費及車程不是問題, 我一定會選宣道, 因為宣道升英中的比率比荃灣區學校高很多.

必必

各位:

其實荃灣網的小學, 間間升英中的比例都唔差得好遠, 因為始終英中只有幾間.  每間小學, 讀得好那一批, 先有機會入英中,   有時那間學生隨機號碼比較好, 就會入多幾個入英中都未定.

選那間小學, 最緊要適合自己的小朋友, 有些由一年班開始"谷", 就是傳統小學, 如天佑, 伍季明, 荃官小.....有些頭幾年以活動教學形式, 小朋友, 家長比較輕鬆, 好似浸聯, 石鍾山, 基慧馬灣.

家長各有所好, 每人有唔同的心水, 其實小三, 小六所有津貼學校的學生都要做評估卷,  學校唔"谷" , 點會有機會取到好的升中派位banding.

必必

各位:

其實荃灣網的小學, 間間升英中的比例都唔差得好遠, 因為始終英中只有幾間.  每間小學, 讀得好那一批, 先有機會入英中,   有時那間學生隨機號碼比較好, 就會入多幾個入英中都未定.

選那間小學, 最緊要適合自己的小朋友, 有些由一年班開始"谷", 就是傳統小學, 如天佑, 伍季明, 荃官小.....有些頭幾年以活動教學形式, 小朋友, 家長比較輕鬆, 好似浸聯, 石鍾山, 基慧馬灣.

家長各有所好, 每人有唔同的心水, 其實小三, 小六所有津貼學校的學生都要做評估卷,  學校唔"谷" , 點會有機會取到好的升中派位banding.

必必

BookloverJ,

除了國際學校, 津貼學校根本無一間學校是真係用活動教學. 所謂活動教學, 不過係學生唔駛排排坐, 而係分小組坐, 學生亦同樣要默書, 測驗.

所為無壓力, 只不過係平時唔叫做測驗, 名稱改叫
"評估",  無分精英班唔等於無壓力, 同學到小五, 小六都要爭名次, 爭banding.

你漏了講石天, 浸聯, 基馬, 受家長歡迎的其中一大原因, 是校舍新, 設施較完善, 家長選它們, 未必是因為傳統/活動教學.

伍季明快轉全日, 我相信將來它都可吸納到一班家長.

必必

BookloverJ,

請你睇清楚我段文字是寫什麼先.

唔好因為我寫了"國際學校", 就話我"講野都好無里頭", 你自己講都好無里頭, 講講下62網, 點會講到"舊油天"?

請你多多包容下其他人的選擇, 意見, 如果你是在字裡行間裡找錯處, 我覺得在這個topic留任何意見都無意思.

必必

010,

間間小學都有狀元.

必必

010,

  

010 寫道:
必必
係，真心希望有一日，
家長唔係只看升中成績來選校．
其實品格�毅力�智慧都係好重要嫁

必必

010,

馬基今年真係好熱, 前幾年, 我個女升小時, 仲係新校舍, 個個都覺得遠, 所以好易入, 跟住間學校每年熱度升溫, 有人放第一位都入唔到.  放第二位就更加入唔到, 如果有家長今年選校, 排名時真係要留意下.

昨日我同一位家長傾開, 佢個小朋友派了第4志願柴天, 佢自己都話填錯表.

1. 浸聯
2. 石鍾山
3. 舊基

前3志願都入唔到. 原因係放了石鍾山在第二位, 所以家長填校時真係要留意.  舊基放第二位是有機會,因為都有人派到,  放第三都已經入唔到了.

必必

gorilla,

真係無法, 個遊戲規則就係好講運氣, 你隨機號碼好, 就點排都可以派到第一志願.  其實個個都想入到首志願, 問題係如果一個唔好彩, 都想有個保險, 寧願派到一間自己可以接受到的小學, 而唔係派到一間完全無報或排名好後的小學.
  
Scarletgirl,

今年第一輪有同學仔都係報伍下, 同你一樣唔收, 跟住大抽獎放第一位就入了.

伍季明放第二位都有好大機會, 放第三, 同樣係無機.

必必

Kamto & 010,

你們講得正確. 各位真係要睇清楚學校列出所派的band 1學校中, 有無包捨埋中中, 自己要分析下資料, 唔好只睇百分率.