有冇細b repeat n or k1?

terterarashi

人生其實唔係只諗浪費同蝕底，有更重要嘅野應值得重視。我兩個女，1個11年12月，1個12年12月，面對最大競爭嘅龍年，我豪不猶豫俾左大女repeat pn, 反而細女我覺得佢做超細b都ok。原因唔係佢地跟唔跟得上，而係性格問題。大女太內向太靜太乖，係學校唔敢出聲，一拍埋d一月b度，自信心好低，答問題成日驚錯答得好細聲。repeat 緊pn呢年，佢唱歌都大聲d, 雖然係學校都係靜，但個人開朗左自信心強左，或者長大左都會有少少變啦，但我家公係細b, 佢自己覺得小學時都有d分別，所以讀得唔開心，即使佢成日考三名內。repeat pn, 係幫大囡有個更開心更自信嘅童年。細囡點解唔洗repeat 呢？因為佢天生開朗活潑學習力強，佢同同年5-6月b比，身高語言能力都唔會爭太遠，學習能力當然都係爭d但我覺得可以接受。唔知我呢個case對你有無參考價值，不過希望樓主諗re唔repeat時，可以諗埋佢地嘅身心發展，而唔係只從大人角度出發。

terterarashi

原帖由 wanwan_ma 於 14-09-19 發表
個人認為，一般而言，细b整體能力不及大b是正常的。要做细b又要入好学校，听过不少加入教会,搬屋，離職或提 ...

其實考學校真係好講彩數。我大女11年12月考LH, K1(做超細b) 同 PN（轉做超大b) 都WAITING收左，證明細b都可以考到好學校！我無特別train個女學術，問題答岩一半only, 但佢係內向乖乖女有禮貌個種小朋友。我亦無寫過任何求位信。雖然我最後我揀左另一間我1st choice 嘅學術型KG repeat PN, 但我認為大家想幫個女入好學校而狂催谷，到頭來辛苦自己辛苦小朋友, 亦未必得到自己想要嘅野。要催谷，我相信P1個個入學試應該仲緊要。