真心請求意見!! St.Clare( 聖嘉勒) Vs SH 聖心

babycatrina

其實睇樓主想唔想勁谷小朋友，各間Cannosian 系列出名谷爆，所以我唔敢報

而聖心有私小同準小，正路收得晒聖心幼生，不過留意聖幼好像加左收生，共240人，收唔收得晒無人敢講

聖迦收66人，升小安全系數好高

另外，聖迦小八成升聖迦中，聖心兩間小學各自有無八成升到中學要留意（我唔知）

當然，banding同名氣一定係聖心高

若樓主兩個女都受谷而自己亦願意全力配合，又夠強心臟經歷爭小一既風浪，咁正路應該揀聖心

babycatrina

當然, 若手執聖心私幼來大抽獎實在係非常吸引！

係咪住11校網? 要考慮若大吉利是聖私唔收都要啱校網去抽聖心津小.

聖心小學教快一年

功利地計算：
聖心：高投資，中學B1A回報
聖嘉：中投資，中學B1B-C回報(有家長話近年由B1C升到B1B, 唔知係咪真)

高投資係由幼稚園開始要大量外補+同學同家長之間明明暗暗既競爭

咁多年既競爭下，聖心畢業生各方面(包括有禮、操行等)水平一定高

聖迦勒我預計係由幼稚園開始入既家長相對比較保守(不一定求學術到B1A), 因為校內升小升中競爭較小，可以專心應付學校要求的學業和發展興趣(非為升小一或升中)，也比較容易發展友誼. 但"缺點"係環境相對較為"過度保護"(其實我認為呢個係優點), 但亦因為校內、外竸爭較低，除非學校好出力谷, 否則難上B1A.

聖心小學學業水平高, 如果到小六仲受谷的話升去其他學校似乎並不困難

聖迦英小，跟到的話, 就算學術水平唔太高, 超碼英文顧得掂，上其他英中應該無問題

可能有家長覺得我咁諗好怪獸, 但我揀龍校既出發點係為左減少升小、升中無謂既壓力，可以給小朋友專心發展能力、友誼和興趣，諗遠啲似乎係必需既.

祝福樓主！

babycatrina

回覆 yubaba 的帖子

同意，DSE係另一個故仔. 而且依家越來越多人出國升學, 英小仍有重要既優勝之處.

babycatrina

Muigg 發表於 16-12-29 17:40
聖心有得抽 抽到津校細妹唔駛再玩小一遊戲亦都唔駛擔心細妹入唔番聖幼 第二個小朋友性格會唔同，到時如有 ...

要睇樓主兩個女相隔幾多年, 若大女K3, 細女K1, 我都唔敢放細妹去其他幼稚園, 驚TOUCH WOOD細妹自己要扣門. 所以除非大女P1, 細女PN, 否則我唔會分開
外唔外補睇小朋友資質, 學校要求同家長心態. 同意唔駛一定要外補.

babycatrina

回覆 beaniecheng 的帖子

樓主唔好客氣. 意見並不專業, 因為無考慮到細妹.
請教其他家長, 讀SH除優先扣門外還有咩Advantage?

假設樓主手執15-20分, 自行大吉利是的話, 咁都係要大抽獎, 再大吉利是的話, 只係係6月扣門是有優先? 咁即係同讀聖提等學校係一樣.

即係, 以安全系數來講, SC wins

而為左怕要預備扣門, 樓主會唔會谷家姐?

當然考聖私小有優勢 (SH WINS)

SH私小教快一年, 即係無可避免地要"適度"外補

SC英小, 一樣要外補英文以涵接小一 (和)

SH津小半日 (SH wins)

樓主大女兒乖巧受教，似乎兩間學校都會因為家姐乖乖而收既機會幾大. (和)

樓主最理想既情況係, 入SH, 考到SH私小, 抽SH津小, 細妹入埋唔駛煩！(SH wins)

每個家庭取向唔同, 有細妹跟的話而我個女又受谷的話我可能都會好認真咁考慮搏聖心, (我女唔受谷而且無細妹, 所以揀SC), 兩間都係好學校, 好多人好羨慕你有呢個快樂既煩惱, 祝福你！

babycatrina

樓主有咩心水？

babycatrina

beaniecheng 發表於 16-12-30 20:58
首先我想好多謝你哋花好多時間同我去分析! 其實我心大心細中.. 因為聖嘉勒的確可以 比較少競爭情況下升小一 ...

建議你去小學同中學版做下功課，唔敢亂講

有廿分都可能值得一試？！