讀國際學校好嗎？

nintendo

color0721 發表於 17-1-24 17:14
小兒今年小一，老師覺得佢有ADHD, 我覺得佢情緒起伏好大，我冇帶佢做評估，因為情緒都未搞點，帶佢做評估就 ...

要問清楚各國際學校對學生有否 special support。
學校即使是有 special support ，但有可能是要 "用者自付" 形式，並非正規 service。
例如聽過有情緒問題的小朋友，家長要自己另外付費請一名的 special needs teacher 跟。
國際小學一般都算 "happy school" ，算是包容。但對小朋友要求一點也不低，如果是情緒問題影響課堂內的秩序，老師也未必可以貼身處理。我知道大部分國際學校的 classroom rules 好嚴，並非 "外人" 以為咁 free，亦並非有咁貼身的 special needs support。
尤其是情緖問題可以影響 classroom order ，老師叫唔聽，可能常常要小朋友坐在一邊 time out，結果浪費學習時間，亦不會處理佢情緒問題。其實好正常，一班 20 人 ，不可能花太多時間處理一個小朋友的情緒。
而學習方面，雖然家課不多，但到 year 3 up ，堂上有大量寫作，小朋友如專注力弱，便會力不從心。
再，本地學校英文科係 "second language" 水平，英文在本地學校內可能好好，但去到國際學校都可能未必一定跟得上，加上又 special needs ，可能令佢更冇自信。

我多年來也見好幾個 cases ，是小朋友 hea 到高中畢業，浪費光陰。
屋企有大把錢當然可以 hea ，但一般家庭還是想小朋友唔好就咁 hea 落去。
其實 special needs 小朋友需要的不單是包容，而是實在的 education support。
臨床心理學家似乎不太了解國際學校的教學模式，他的建議十分誤導。
其實你可以去 EK "特殊教育" 的那邊爬下文。

唔好太介懷個名稱，有問題要面對。
聽聞有些本地學校是有極好的 special needs support ，不是一線名校，要看家長是否可以調節心理。
最後，還是正式做評估，有問題要早點面對，做鴕鳥只會錯過你小朋友得到幫助的最佳時機。